Sofonii 2:13 - Cebaara Bible 2010

¹³ Wi a wi kɔ́gi sánʔa solomɔkulo kàbangi kánma na, wi a Asirii kálagi, wi a Niniivi pye tɛɛ̀kalagiga, bi gi pye lɔ̀ʔɔ fun tára àmɛɛ fìími tára nyɛ lè.

Sofonii 2:13 Iomraidhean Croise

Ezayi 10:12

Kàjáa lǎli ni Kàfɔw ga kwɔ́ɔ wi fáliw myɛ na lè, Siyɔn nyanbelegi na, ní Zyerusalɛmi ni, wi a wɔʔɔlɔ taʔa Asirii fànʔafɔw na, wi fúngi nɛ̀ɛgbɔʔɔgɔ yasanra, ní wi nɛ̀ɛnyɛnɛgi kpɔ́ɔmɔ wéleganma kéele na.

Ezayi 10:16

Gee bee na Nyɛ̀ʔɛni Sùlasiibéle Kafɔlɔ wi lè Yawe, wi a waʔara yáama cáan wi kapɛɛnkpumɔn-nànniriyi na. Ki a cò naà wi mɛ́ɛyɛfɔbèle nínge ni àmɛɛ naà gáà cò yarigaa na lè.

Ezayi 10:5

Wɔʔɔlɔ a pye Asirii ye wów na, wi lè mii fundanʔari sàbinnɛ! Kàgbeeli li nyɛ wi kɔ́gi ni lè, li i nyɛ mii fundanʔagbɔɔri yáriga.

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 14:26

Gee gi kɔ̀rirɔ n tímana tári myɛ kánma na lè koro gi gee bee, kɔ́gi gi gee wozánʔaga ní syɛɛnfeleyi myɛ kánma na.

Ezayi 37:37

A Asirii fànʔafɔw Senakeribi fala n yiri yaà n lúru n kári n sáà kòro Niniivi ni.

Zyeremii 49:33

«Hasɔɔri a pye gbàáyi tɛɛlaraga, ní tɛɛ̀kalagiga bi kòro nya làla o làla. Syɔɔn faala a ní tɛ́ɛn yaà í. Yala o yala li lè syɔɔn, li a ní tɛ́ɛn yaà í.»

Zyonasi 1:2

«Yìri maa syée Niniivi ma, ki lè kèkpɔɔgi mi sa yákpoli wáa gi kánmi na. Níì cán ki péemi kéele n lúgu fwɔɔ n baa nan naa mii na.»

Zyonasi 3:2

«Yìri maa syée Niniivi ma, ki lè kèkpɔɔgi, mi sa syɛ́ɛnri joo yaà, dee mii joo mɔ ma lè.»

Misye 5:6

Zyakɔbi wogorobèle a pye syɛɛnfele-nɛʔɛyɛ nínge ni àmɛɛ kásaga nyɛ, gee gi yìrigí Yawe ma ni maa lè, ní àmɛɛ zěkpɔʔɔ tuun nyàā na lè, ki o córo syɔɔn na í, ki ga kiyɛɛ daʔa syɔɔn ye na í.

Nahumi 1:1

Joogbanna Niniivi kánmi na. Nahumi wi lè Ɛlikɔsyi ye wów, woro yanyaagi sɛ́bɛ wii.

Nahumi 3:15

Beè náagi a mɔ líile bi kwɔ́ɔ, ŋɔséew a mɔ kwɔ́ɔ bi yirige yaà, bi mɔ líile àmɛɛ kákerebéle nyɛ lè. Kpoʔolo àmɛɛ kákerebèle nyɛ lè! Kpoʔolo àmɛɛ kúdow nyɛ lè!

Nahumi 3:7

Kánmi bee na wee wi ga mɔ nyaa lè, wi a fàn bi léeli mɔ na si gi jo si jo: «Niniivi n pye kataʔa, wìí wi a wi kéeli yáa? Sán mii a kpɛʔɛlɛfɔɔlɔ caa taa mɔ na?»

Sofonii 1:4

«Mii a mii kɔ́gi sánʔa bi taʔa Zyuda ní Zyerusalɛmi ye myɛw na. Baali wóbèle be kòro lè mii a be kálagi bi yirige tɛ́ɛgi naa ni, sejeebèle be báara wi ma lè poro mɛ́ɛgi n fàra sáriga-wòbèle na,