Sofonii 2:11 - Cebaara Bible 2010

¹¹ Yawe a pye fyáara yáriga be ma, níì cán wi a tári kolocɔlɔbèlē myɛ kálagi bi yirige yaà. Lǒgi nínge tátɛɛgéle syɛɛnfeleye myɛ a ra tíri da tuun wi yɛʔɛ̀ ma, yi myɛ nibin nibin, yi tarà ni.

Sofonii 2:11 Iomraidhean Croise

Sélimɛ 10:5

Poro ni syɛ̀ɛnnɛ yiri n tɛ́ɛn syɛɛnfeleyi lòyo nínge tátɛɛgéle ni, be tátɛɛyi ni n yɛlɛ ní be syɛɛnfeleri, ní be túluyi, ní be syɛɛnfeleyi ni.

Ŋúnuyi 138:4

Yawe, ki n yɛlɛ tári fànʔafɔɔlɔ myɛ í da mɔ kpɔ̀ʔɔrɔ́ lǎli ni pe ga mɔ nyɔ́ɔgi syɛ́ɛnrɛ lóʔo lè!

Ŋúnuyi 72:17

Wi mɛ́ɛgi a kòro yaà làla o làla, wi mɛ́ɛgi a mɔn beè àmɛɛ cángi nyɛ lè. Woro bárigaw ni tári syɛ̀ɛnnɛ a ba ra dùbaw kpéʔele peyɛɛ ma, syɛɛnfeleyi a ba ra wi yiri dùba pyà.

Ŋúnuyi 86:9

Syɛɛnfeleyee myɛ mɔ sámaga lè, yee bee a ra maa bi ba ra tíri da tuun mɔ yɛ́ʔɛ ma, Kàfɔw, yi a ra mɔ mɛ́ɛgi kpɔ̀ʔɔrɔ́.

Ezayi 2:18

Yasunyi myɛ a ba kwɔ́ɔ láʔa yaà.

Ezayi 2:20

Cángi bee na yasunyee syɔɔn sámaga ní wálifiiw, ní tɛ́ɛw ní, ní i tíri ni tuun yi yɛʔɛ̀ ma lè, wi a yee bee wáa tǔbèle, ní kɔɔnɔyi ma.

Ezayi 42:10

Yaa ŋúnuvɔngɔ ŋúu Yawe ma, wi sòololi wóʔo, nlaa yaà dulunyanw láʔala na, yele bele ye sɔ̀lɔ́ ni máari lè sólomi lɔ̀ʔɔ ǹjoʔo ni, ní yele bele ye gi nyìn lè, ní lǒgi nínge tátɛɛgéle, ní ge tɛ́ɛnfɔbèle.

Ezayi 42:4

Wi fǎngi a cɛ́rɛ í, zɔ̀nviige a wi kɔni í, bi taa wi ba kútiisinw télege tári na, lǒgi nínge tátɛɛgéle woolo si yére wi làlwaw ni.»

Ezayi 49:1

Lǒgi nínge tátɛɛgéle, ye lóʔo mii ma! Yele tɛɛ̀leeliyi syɛɛnfeleye, ye líiyi cáan! Yawe n mii yeri nlaa yaà mii nɔ́ɔw láʔa ni, wi n mii mɛ́ɛgi yeri lǎli ni mii nɔ́ɔw mii see n cáan lè.

Zyeremii 10:11

«Yele a syɛ́ɛnri naa joo be ma si be pye: ‹Kolocɔlɔbèle be lè pe ga nyɛ̀ʔɛgèle ní tári sámaga í, pe a kwɔ́ɔ yiri tári, ní nyɛ̀ʔɛgèle láara ni.› »

Zyeremii 46:25

Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, wi n jo: «Wéle, mii a keele tɛ́ʔɛ Amɔn na, wi lè No wów, ní Faraɔnw ní Ezyipiti, ní wi kolocɔlɔbèle, ní wi fànʔafɔbèle na. Mii a keele tɛ́ʔɛ Faraɔnw, ní bele na pe peyɛɛ daʔa wi na lè.

Danyɛli 11:18

Lǎli bee ni wi a wi yɛ́ɛgi wáa lǒgi nínge tátɛɛgéle ma bi kèle saʔa syɔɔ taa. Kàjáa nɛ̀ɛnyɛnɛgi ki a pye wi ni lè, kùndigiwaa a ba gee bee sàa, si gi sìndɛɛgi yaʔa ki lúru kòro wi na.

Oze sɛ́bɛw 2:17

Mii a wi ɛrɛzɛn séyi kaan wi ma yaà, bi Akɔri jǐnlɔgi kaan wi ma gi pye sɔ̀ngumɔ tɛɛtaʔaga kpaanweele, wi a ra ŋúu yaà àmɛɛ ki da pye wi cárimi làla ni lè, ní àmɛɛ ki da pye cángee na wi da ni yirigi Ezyipiti tári ni lè.»

Zyowɛli 2:11

Yawe i yákpolo wáa wi kapɛɛnkpumɔnbèle yɛ́ʔɛ ma. Níì cán wi kapɛɛnkpumɔnbèle kabiga n kpɔ́ʔɔ cama, a wi syɛ́ɛnri forofɔlɔ sée kpɔ́ʔɔ. Níì cán Yawe cángi i nyɛ cângbɔʔɔ, fyáakpɔɔrɔ canʔa tɔ̀nɔ́ gii, wìí wi a gbǎn gi sígi yérige?

Sofonii 1:4

«Mii a mii kɔ́gi sánʔa bi taʔa Zyuda ní Zyerusalɛmi ye myɛw na. Baali wóbèle be kòro lè mii a be kálagi bi yirige tɛ́ɛgi naa ni, sejeebèle be báara wi ma lè poro mɛ́ɛgi n fàra sáriga-wòbèle na,

Sofonii 3:9

«Lǎli bee ni mii a syɛɛnfeleyi nyɔ́ɔwara jée mùnu koro ga pye pe myɛ í da Yawe mɛ́ɛgi yiri sáā báara wi ma ní fungo nibin ní.

Zakarii 13:2

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Cángi bee na mii a yasunyi mɛ́ɛyɛ kwɔ́ɔ bi yirige tári ni, koro ga pye syɔɔn a ní kɔ́ sɔ̀ngí taa yi na í. Mii a wɔ́ɔ kanyaajoobèle ní nɔ́nʔɔri pìle yirige tári ni,

Zakarii 2:11

«Ye boo kári! Siyɔn, fàn mi syɔɔ, mɔ wee wi nyɛ lè wodɛ́ɛɔn ní Babilɔni ni!

Zakarii 8:20

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Syɛɛnfeleye, ní kènɛʔɛyɛ syɛɛnnɛ a ní da maa.

Zakarii 8:23

Yawe wi lè Nyɛ̀ʔɛni Sùlasiibéle Kafɔlɔɔ, wi n jo: «Cányi bee ni, nànbēle kɛɛ a yiri tári syɛɛnfeleye syɛɛnfelere myɛ joofɔɔlɔ ni bi pan ba Zyefunàɔn nibin cò wi buronyɔɔw na, si jo: ‹Wolo a kári ní yele ní, níì cán wolo n gi lóʔo Kolocɔlɔɔ i nyɛ ní yele ní.› »

Malasyii 1:11

Níì cán n séli canʔafolomɔ ma n sáà nan canʔajeemɛ na, mii mɛ́ɛgi n kpɔ́ʔɔ syɛɛnfeleyi nínge ni. Pe i nùndaanni yáriga sórogi tɛ́ɛyi myɛ ni mii mɛ́ɛgi kpɔ̀ʔɔrɔlɔ kéele na, pe i maa ní fɔɔnrɔ fun yakaanyi ní mii ma. Níì cán mii mɛ́ɛgi n kpɔ́ʔɔ syɛɛnfeleyi nínge ni.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Malasyii 1:14

«Námarafɔwee má yaweepɔlɔ nyɛ lè wi yaweeri gboolo ni, á wi nyɔɔfaliga kpéʔele Kàfɔw ma, níì gi wòlo ní tɛɛ̀kalagila yaweele ní, wi n yɛlɛ wi dánga. Níì cán mii i nyɛ fànʔafɔgbɔɔɔ.» Yawe wi lè Nyɛ̀ʔɛni Sùlasiibéle Kafɔlɔ woro wi jo nya, «mii mɛ́ɛgi i nyɛ fyáara yáriga syɛɛnfeleyi nínge ni.

Làlwaw Kaanziin 32:38

kolocɔlɔbèle bee pe da ni be sárigaw kaasìnmɛ líi lè, ní i be sáriga-yólogow dùvɛɛn gbo lè? Bele bee n yɛlɛ pe yìri bi yele dɛ̀ɛmɛ, pe n yɛlɛ bi sínɛ yele tɔ́n.

1 Timɔte 2:8

Koro na mii caa nǎnbèle í da Kolocɔlɔɔ nyɛ́ɛri tɛ́ɛyi myɛ ni, páā fɔɔnrɔ fun kɔ́yi yìrigí fundanʔara, ní kàkabalaga fun.

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»