Sofonii 2:10 - Cebaara Bible 2010

¹⁰ Gee bee a pye be na pe nɛ̀ɛnyɛnɛgi kéele na, níì cán pe n faʔara wáa Nyɛ̀ʔɛni Sùlasiibéle Kafɔlɔ Yawe syɛ́ɛnbèle na ní wɔ́ɔ̀ yìri be kurugo.

Sofonii 2:10 Iomraidhean Croise

1 Cányi kèlē 16:21

Kàjáa wi ga fɔ̀lɔ n wàa faala yaʔa wi be wɔʔɔ í. Wi maa fúlo fànʔafɔbèle pèle na be kéeli na.

Yirile 10:3

A Mowizi ní Aarɔn kári Faraɔnw ma n sáà wi pye: «Yawe wi lè Heburubèle Kolocɔlɔɔ, wi n jo: ‹Làlìí ni mɔ a láʔa nya mɔ céemi na? Mii syɛ́ɛnbèle yaʔa be kári be sa mii kpɔ̀ʔɔrɔ.

Yirile 9:17

Mɔ si sèʔé i miyɛɛ gbɔ́ʔɔgi mii syɛ́ɛnbèle na níì cée, mɔ ga fɔ̀lɔ n be yaʔa be kári í.

Ezayi 16:6

Wolo n Mowabi nɛ̀ɛnyɛnɛgi kéele lóʔo, nɛ̀ɛnyɛnɛgee gi kpɔ́ʔɔ n sɔ̀lɔ lè, wi kpɔ́ɔmi, ní wi nɛ̀ɛnyɛnɛgi, wi fundanʔagbɔɔri, ní wi gbanzan nɛ̀ɛgbɔʔɔgi jóomɔ.

Zyeremii 12:14

Yawe wi syɛ́ɛnri naa joo níì jo: «Mii i dee naa nyuu mii tɛ́ɛnnyɛnbeebèle myɛ kánma na, poro bele be tángi kɔ́rigi na, gee mii kaan mii syɛ́ɛnbèle Isirayɛli ye ma lè pe lɛɛlɛ. Wéle, mii a be kɔ́n yirige be tásaligi ni, mii si a Zyuda kpáagi wòolo kíle yirige be níngi ni.

Zyeremii 48:14

Mɛ̀ɛ́ yele a gbǎn gi joo si jo: ‹Wolo i nyɛ nànniribēle bele be sámaga n kwɔ́ɔ bàā kapɛɛnni kpúmɔn lè?›

Zyeremii 48:29

Wolo n Mowabi nɛ̀ɛnyɛnɛgi kéele lóʔo, nɛ̀ɛnyɛnɛgi gi nan gi tɛɛ̀laʔali na lè, wi nɛ̀ɛgbɔʔɔgi, ní wi nɛ̀ɛnyɛnɛgi, ní wi kpɔ́ɔmi, ní wi fúngi gi nyìn kpɔ́ɔmi na lè.»

Kayaagi Nyɛnigɛ 1:9

Wi nɔ́nʔɔri i nyɛ wi buronyɔɔw na, wi da ni sɔ̀ngí wi kwɔ́ɔganmi na í. Wi tooli n tɔ̀nɔ n pye funwɔɔrɔ, syɔɔn faala si ga taa n wi kpɛʔɛlɛ í. «Mii cɛ́rɛli kéele wéle, ee Yawe, níì cán nigoow i fànʔa taagi.»

Ezekyɛli 25:6

Níì cán Kàfɔw Yawe wi syɛ́ɛnri naa joo níì jo: ‹Amɛɛ mɔ kadaagèle kóri lè, ní wɔ́ɔ̀ yédaali súu tári na, ní wɔ́ɔ̀ fundaanra pye, á mɔ fúngi nyìn faʔari na Isirayɛli tári kéele na lè,

Abidyasi 1:11

Cángee na mɔ da canʔana wi na n yére lè, cángee na syɛɛnfeleyaa nikwɔɔ baa wi kapɛɛnkpumɔnbèle cò n kári lè pulobèlē, gee ni nibɔɔnnɔ da ba ni jǐn wi kpàánweegèle ni lè, ní i gɔ̌nw wáa Zyerusalɛmi lɔ́ri kéele na lè, mɔ maa wɔ́ɔ̀ pye mɔ a jo poro wàa wii.

Abidyasi 1:3

Mɔ fúngi kpɔ́ɔmɔ n mɔ pùuni, mɔ wee wi nyɛ lè wodɛ́ɛɔn ní fálaweeyi fúngo ni, mɔ tɛɛkòrogi si i nyɛ yaà píri ǹjoʔo ma, á mɔ si i gi nyuu miyɛɛ fúngi ni níì jo: ‹Wìí wi a gbǎn mii tìrige fwɔɔ bi sa nan tári na?›

Sofonii 2:8

«Mii n Mowabi ye tɛʔɛlɛyi lóʔo, ní Kolocɔlɔɔ mɛ́ɛkalagiri syɛ́ɛnrɛ Amɔn ye joo lè n mii syɛ́ɛnbèle faʔa, níì yìri pe tári láʔagoloyo kánma na.»

1 Pyɛri 5:5

Kánmi bee wonijanma na, yele wojáribèle, ki n yɛlɛ yaa lúro wolɛɛbèle ma. Ye myɛ ye màámi le yeyɛɛ na burogo, yáā bi kpéʔele yeyɛɛ ma, níì cán «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle, wi i nyɔɔgi bele bee na.»