Sofonii 1:8 - Cebaara Bible 2010

⁸ Yawe n jo: «Mii sárigaw canʔa na, mii a keele tɛ́ʔɛ syɛɛnkpolobèle ní fànʔafɔw jàala na, ní bele myɛ na be yalenibɔnri nii lè.

Sofonii 1:8 Iomraidhean Croise

2 Fànʔafɔbèle 10:22

A Zyehu Baali falipyebèle búroyo tɛ́ʔɛfɔlɔ pye: «Buroyo yirige mi kaan bele myɛ má be báara Baali ma lè.» A wi búroyi yirige n kaan.

Ezayi 10:12

Kàjáa lǎli ni Kàfɔw ga kwɔ́ɔ wi fáliw myɛ na lè, Siyɔn nyanbelegi na, ní Zyerusalɛmi ni, wi a wɔʔɔlɔ taʔa Asirii fànʔafɔw na, wi fúngi nɛ̀ɛgbɔʔɔgɔ yasanra, ní wi nɛ̀ɛnyɛnɛgi kpɔ́ɔmɔ wéleganma kéele na.

Ezayi 2:6

Mɔ n tɔ̀nɔ n mɔ syɛ́ɛnbèle yaʔa, pe lè Zyakɔbi kpáagi wòolo, níì cán pe n nyìn canʔafolomɔ wóbèle kalɛɛgéle na, ní cɛ́lɛfɔbèle na àmɛɛ Filisitini ye nyɛ lè, á pe wɔ́ɔ̀ bɛ̀ɛ ní táraa nikwɔɔ wòolo ní.

Ezayi 24:21

Cángi bee na, Yawe a ǹjoʔo ma sùlasiibèle kpúmɔn yaà ǹjogi ni, si wɔ́ɔ tári fànʔafɔɔlɔ kpúmɔn naa tári na.

Ezayi 39:7

«Pe a mɔ pìíbèle pèle cò, bele pe a yiri mɔ ni lè, poro bele mɔ a see lè, bi kári ní be ní sa be wòlo, si be cáan be pye falipyebèlē Babilɔni fànʔafɔw kpaʔa ni.»

Habakuki 1:10

Poro be peyɛɛ nyɛ́nɛ fànʔafɔbèle na, fànʔafɔbiigèle i nyɛ be ma kɔ̀nʔɔrɔ yárigéle. Pe i peyɛɛ nyɛ́nɛ kèniriyi myɛ na, pe i tári fàarí ni kpoʔolo ní i lúru ni jǐn yi ni.

Làlwaw Kaanziin 22:5

«Cɔlɔɔ a kɔ́ nàɔn yalere le í, nàɔn a wɔ́ɔ kɔ́ cɔlɔɔ yalere le í. Syɔ́ɔnwee faala wi ga ni gee bee kpéʔele lè, wi i nyɛ yanɔnʔɔgɔ Yawe mɔ Kolocɔlɔw ma.