Sofonii 1:7 - Cebaara Bible 2010

⁷ Ye kòro pyèrio Kàfɔw Yawe yɛ́ʔɛ ma! Níì cán Yawe cángi n nùuni, Yawe n tɔ̀nɔ n sárigaw sámaga, wi n wi woyeribèle sámaga n yaʔa wiyɛɛ ma kɔlɔ̀ na.»

Sofonii 1:7 Iomraidhean Croise

Zyɔbi 24:1

«Nyàʔá na Séew Myɛ Kàfɔlɔ ga làrigèle kèle kɔn n yaʔa í? Bele be wi cán lè, nyàʔá na pe o wi cányi nyaagi í?

Ŋúnuyi 46:10

Woro wi kapɛɛngèle yéregi fwɔɔ n sáà nan yaà tári láʔala na. Wi i sedeyi kabagi, ní i tàbaabèle cɛnɛ. Wi i kapɛɛnkpumɔn-wòtorobèle sórogi ní naà ní.

Ezayi 13:3

Mii n syɛɛnrɛ joo n gbàn bele má be yaʔa kɔlɔ̀ na mii ma lè, mii n wɔ́ɔ̀ mii nànniribèle yeri mii fundanʔari kéele na, poro bele be fundaanri kpéʔele mii séew kéele na lè.

Ezayi 13:6

Yaa nyaan yaa peele, níì cán Yawe cángi n nùuni, ki i maa àmɛɛ kálagigbɔɔlɔ nyɛ, lee li yìri Séew Myɛ Kafɔlɔ ma lè.

Ezayi 2:12

Níì cán Yawe wi lè Nyɛ̀ʔɛni Sùlasiibéle Kafɔlɔ, wi n canʔa tɛ́ʔɛ nɛ̀ɛnyɛnɛgi fɔ̀ɔlɔ myɛ, ní kpɔ́ɔmi fɔ̀ɔlɔ myɛ kánma na, ní yariga o yariga kánmi na ki kiyɛɛ yìrigí ǹjoʔo ma lè, ki si a ba tìrige táàma.

Ezayi 29:2

Mii a Ariyɛli gbɛ̀dɛ. Sùpiiwáara, ní cɛ́ɛnmɛ a pye yaà. Kěgi a pye mii ma àmɛɛ fúru nyɛ lè.

Ezayi 34:5

Níì cán n mii ŋɔséew yaʔa nyɛ̀ʔɛni na, wi n gbaa n tín a wi yɛ́ɛgi i wóo. Wéle wi a tìgi bi too Edɔmi syɛ́ɛnbèle na, bele mii yaʔa lè péw kálagili kútii kánma na lè.

Ezayi 34:6

Yawe ŋɔséew n tín sìsyaanw na, sǐnmi n tára wi na. Bàpiigèle, ní sikepɔbèle sìsyaan, ní bàpɔbèle zǎloogēle sinmɛ i nyɛ wi na. Níì cán sáriga a wòlo Yawe ma Bosira ni. Kpóogbɔɔlɔ í wɔ́ɔ pye Edɔmi tári ni.

Ezayi 6:5

Lǎli bee ni a mii jo: «Wɔʔɔlɔ i nyɛ mii na! Mii n pùuni, níì cán mii i nyɛ syɔɔnwaa, wee nyɔ́ɔwara di nɔ́nʔɔ lè, mii i nyɛ syɛ́ɛnbèle pèle nínge ni, bele nyɔ́ɔwara di nɔ́nʔɔ lè, á mii nyapiigèle si Fànʔafɔw Yawe nyaa, woro wee wi lè Nyɛ̀ʔɛni Sùlasiibéle Kafɔlɔ.»

Zyeremii 46:10

Cángi bee i nyɛ Kàfɔw Yawe wóʔo, wi lè Nyɛ̀ʔɛni Sùlasiibéle Kafɔlɔ, gɔ̀lɔ́-wòloro canʔa si gii, gee ni wi a gɔ̀lɔ́w wòlo wi nigoobèle na lè. Ŋɔséew i káa, wi i tíngi, wi i be sìsyaanw gbo ni yɛ́ɛgi wóo. Níì cán sáriga wii Kàfɔw ma, Yawe wi lè Nyɛ̀ʔɛni Sùlasiibéle Kafɔlɔ, solomɔkulo tári ma, Ufurati cábigi kàbaan na.

Ezekyɛli 7:10

Cángi wéle gee! Ki wéle, ki i maa! Mɔ wógi i maa! Sàbinni n fyɛ́ɛn! Nɛ̀ɛgbɔʔɔgi n folo n yiri!

Ezekyɛli 7:7

Mɔ wee wi nyɛ lè wodɛ́ɛɔn ní tári ni, mɔ na gi nan! Lǎli i maa, cángi i nùuní ni maa, ki lè nyáʔamini canʔa, fundaanra yákpogéle a ní lóʔo nyanbeleyi na í!

Zyowɛli 1:15

Ee! Cángi naa félege! Níì cán Yawe cángi n nùuni, ki i maa àmɛɛ cangaa nyɛ, gee ni Séew Myɛ Kàfɔlɔ a kálagila kpéʔele lè.

Zyowɛli 2:11

Yawe i yákpolo wáa wi kapɛɛnkpumɔnbèle yɛ́ʔɛ ma. Níì cán wi kapɛɛnkpumɔnbèle kabiga n kpɔ́ʔɔ cama, a wi syɛ́ɛnri forofɔlɔ sée kpɔ́ʔɔ. Níì cán Yawe cángi i nyɛ cângbɔʔɔ, fyáakpɔɔrɔ canʔa tɔ̀nɔ́ gii, wìí wi a gbǎn gi sígi yérige?

Amɔsi 6:10

Wàa senyɛnnɛ ga pan ba wi kúceri láa bi sórigo ní ba ni be kaceleyi lée ni yirigi kpáagi ni, wi a ba wee yíbe wi nyɛ lè kpáagi fúngo ni si jo: «A wàa ní i lé naa ní mɔ ní?» Wi a wi yari: «Wàa o naa í.» Wi a wi pye: «Pyèri yaà! Níì cán Yawe mɛ́ɛgi ga yɛlɛ wo gi yeri í.»

Amɔsi 8:3

Cángi bee na fànʔafɔ-gbaagi ŋúnuyo a ba kàri bi pye cɛ́ɛnmɛ,» Kàfɔw Yawe wi jo nya, «kúbèle a tɔ̀nɔ́ ba nɛʔɛ, pe a ra be wábagi da máari tɛ́ɛyi myɛ ni pyèrio.»

Habakuki 2:20

Kàjáa Yawe i nyɛ wi kpɔ̀ʔɔrɔli kpaacanga ni. Ki n yɛlɛ tári myɛ í kòro pyèrio wi yɛʔɛ̀ ma!

Sofonii 1:14

«Yawe cângbɔɔgi n nùuni, ki n nùuni, ki i maa kelekele. Nànniriw a ra yákpobɛnʔɛ wáa Yawe cángi tìnmɛ kéele na.

Zakarii 14:1

Wéle, canʔa i maa Yawe ma, gee ni pe a ba mɔ yáriri lɛɛ peyɛɛ na lè mɔ níngi ni!

Zakarii 2:13

Wéle, mii a mii kɔ́gi yìrige yi kánmi na, yi a ba pye yi púlobèle yakoliro.› Yele si a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun.

Matye 22:4

A wi níì falipyebèle pèle nikwɔɔlɔ tun níì jo: ‹Ye sa mii syɛɛn-yeribèle pye, mii n mii lìíli sámaga n kwɔ́ɔ, níì cán mii n mii nǐyi ní mii sǐnmi yaweere kpóo, yáriri myɛ i nyɛ wozamaga-gwɔ́ɔrɔ ní, yaa maa ye ba cèpɔrigi lìile lìi.›

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.

Wɔrɔmi ye 9:20

Ee syɔɔn, mɔ wi nyɛ wìí ní si i Kolocɔlɔɔ kábala nya? A yafanʔa a gbǎn gi faanfɔlɔ yíbe lé si jo: «Nyàʔá na mɔ mii faan kánmi naa na?»

Filipikaʔa ye 4:5

Ki n yɛlɛ syɛ́ɛnbèle myɛ í yele fûnnyingi kéele cán. Ye wéle Kàfɔw n nùuni naa.

Kɔlɔsi ye 1:12

yele sáā bariga kaangi ní fundaanra ní Tofɔw Kolocɔlɔɔ ma, woro wee wi yele sámaga lè, koro ga pye yele í lɛɛlɛ taa wi syɛɛncanbèle kɔ́rigɔ ni gbɛ̀ɛ́nmi tɛ́ʔɛ ni.

1 Samyɛli 16:5

A wi be yari: «Li n tɛ́nɛ. Sáriga mii pan ba wòlo Yawe ma. Ki n yɛlɛ ye yeyɛɛ jéemununi fáli kpéʔele, yáā maa ní mii ní sárigaw ma.» A wi wɔ́ɔ̀ Izayi ní wi jáabèle jéemununɔ fáli kpéʔele níì be yeri sárigaw na.

1 Samyɛli 20:26

Sawuli ga yafyɛn joo cángi bee í. Níì cán wi maa ni gi sɔ̀ngí n jo keelaa li pàla n too wi na, a wi nɔ́nʔɔ wii. Kàkabalaga o nyɛ gi na í, a wi nɔ́nʔɔ wii.