Sofonii 1:6 - Cebaara Bible 2010

⁶ ní bele be lúru Yawe kurugo lè, ní bele be lè pe o Yawe caa í, pe si wɔ́ɔ o wi yíbe í.

Sofonii 1:6 Iomraidhean Croise

2 Samyɛli 22:22

Níì cán mii n Yawe kólogi kèlē sámaga n cò. Mii ga téè peemɛ kpéʔele n wàli n láʔa mii Kolocɔlɔw na í.

2 Cányi kèlē 15:13

Syɔ́ɔnwee faala ga pye lè wi ga lúru ni Yawe Isirayɛli ye Kolocɔlɔw caa í, ki n yɛlɛ pe wi kpóo, n pyà fàra wolɛɛɔ na, n nàɔn fàra cɔlɔɔ̀ na.

Ŋúnuyi 10:4

Syɛɛnpeeo i wiyɛɛ gbɔ́ʔɔgi ní i gi nyuu níì jo: «Yíbege o yaà í! Kolocɔlɔɔ o yaà í!» Wi sɔ̀nguri myɛ di nyɛ toro.

Ŋúnuyi 125:5

Kàjáa bele be wɛ̀ɛ́ ni syée kogoloyi ni lè, ki n yɛlɛ Yawe í poro ní kakolobyebèle myɛ pínɛ kálagi! Ki n yɛlɛ Isirayɛli í yɛɛ̀nyinge taa!

Ŋúnuyi 36:3

Níì cán wi i wiyɛɛ sòoló bi gi tɛ̀ɛn woro o nyɛ kakolobyeo í, jàngó faʔara a kɔ́ too woro na í.

Ezayi 1:4

Wɔʔɔlɔ i nyɛ kapeebye-syɛɛnfelegi na, syɛ́ɛnbèle bele na poro bele na kolomi kèlē túgoro nyɛ lè, kaŋágabye-syɛɛnfelege, pìikálagiya! Pe n Yawe yaʔa, pe n Isirayɛli Wojanw faʔa, pe n lúru wi kurugo.

Ezayi 43:22

«Ee Zyakɔbi, mii mɛ́ɛgi ban mɔ yeri í! Ee Isirayɛli, mɔ n mii kéeli nyaa miyɛɛ na fɔ̀rɔgɔ.

Ezayi 9:12

Syɛ́ɛnbèle a lúru pan, wee má wi be kpúmɔn lè í, pe a ra Nyɛ̀ʔɛni Sùlasiibéle Kafɔlɔ Yawe caa í.

Ezayi 9:13

Yawe a wɔ́ɔ nyǔngi, ní nángi, ní sɛʔɛwari, ní nyɛ́nɛri ceri bi yirige yaà cannijanga na.

Zyeremii 10:25

Mɔ fundanʔagbɔɔri yàli tári syɛɛnfeleye na, yee yi lè yi ga mɔ cán í, ní syɛ́ɛnbèle na, bele be lè pe o mɔ mɛ́ɛgi yiri í! Níì cán pe i Zyakɔbi káa, pe i wi káa, pe i wi kálagi bi kwɔ́ɔ, pe i wi tɛɛkòrogi kàragí tɛɛ̀kalagiga.

Zyeremii 15:6

Mɔ n mii yaʔa, Yawe wi jo nya, mɔ n lúru kàdoʔo ma, kàjáa mii n mii kɔ́gi sánʔa n taʔa mɔ na bi mɔ kálagi, mii n kɔ́ɔ̀ fɔ̀rɔ nya ní mɔ ní.

Zyeremii 2:13

«Níì cán kapeeye siin mii syɛ́ɛnbèle kpéʔele. Pe n mii yaʔa, mii wee wi lè sìíw lɔ́ʔɔ pùnweele, ní sa ni lɔ̀ʔɔ wéeyaa túru peyɛɛ ma, lɔ̀ʔɔ wéeyaa, yee yi páʔala páʔala lè, yee yi lè lɔ̀ʔɔ a gbǎn kòro yi ni í.

Zyeremii 2:17

Gee bee o kpéʔele mɔ na àmɛɛ mɔ Yawe mɔ Kolocɔlɔw yaʔa lè lǎli tiimaa ni, lee ni wi da kíni mɔ yɛ́ɛgi na kólogi ni lè ì?

Zyeremii 3:10

Koro ní ki myɛ ní wi senyɛnjew Zyuda wi lè námarafɔw, woro ga lúru n pan mii ma ní wi fúngi myɛ ní í, jànvaa wi kpéʔele.» Yawe wi jo nya.

Ezekyɛli 3:20

Syɛɛnsiɔn ga láʔa wi sínni na, ní i kakoloyi kpéʔele, mii a karinyanga le wi yɛʔɛ̀ ma, wi a kùu. Mɔ ga pye mɔ ga wi sàmi í, wi a kùu wi kapeeli ni. Pe a ní sɔ̀ngi bi taa wi sínni kapyegèlē na wi kpéʔele lè í, mii si a mɔ yíbe wi sìsyaanw kéele na.

Oze sɛ́bɛw 11:7

Mii syɛ́ɛnbèle n peyɛɛ daʔa námaraw na. Pe i be yiri ǹjoʔo ma, kàjáa pe wàa faala ga yìri í.

Oze sɛ́bɛw 7:10

Isirayɛli ye nɛ̀ɛnyɛnɛgi i séeraw kpéʔele be kánmi na. Pe o lúrugu ni maa Yawe be Kolocɔlɔw ma í, àlí koro ní ki myɛ ní, pe o wi caa í.

Oze sɛ́bɛw 7:7

Pe myɛ n wári àmɛɛ fúru nyɛ lè, pe i be kútiijoobèle káa. Pe fànʔafɔbèle myɛ i tuun, pe wàa faala o mii mɛ́ɛgi yiri í.

Sofonii 3:2

Ki o joomɔ faala lúro í, ki o fɔ̀lɔ́ kpúmɔn-mí-kàrigala na í, ki o kiyɛɛ daari Yawe na í, ki o nùuní gi Kolocɔlɔw na í.

Wɔrɔmi ye 3:11

Syɔɔn faala o beè, wee wi keele kɔ́rɔ cán lè í, wàlá wee wi Kolocɔlɔɔ caa lè í.

Heburubèle 2:3

koro na wolo ga syɔɔli faʔa li lè wodeeli, mɛ̀ɛ́ wolo a syɔɔ wɔʔɔli ma bi sɛ́ɛ? Kàfɔw wi sélì syɔɔli bee kéele joo, á wi syɛɛnloʔobèle náà gi tɛ̀ɛn wolo na níì jo li i nyɛ kányɛʔɛ.

Zyozuwe 23:12

Yele ga kolo n lúru níì tan syɛɛnfeleyi bee na yi kòro yele níngi ni lè, yele ga bɛ̀ɛ ní yi ní cèpɔriyi na, yele ga yeyɛɛ nyáʔami yi ni,

1 Samyɛli 15:11

«Amɛɛ mii Sawuli kpéʔele lè fànʔafɔlɔ, ki ga níì mii dɛ́nɛ í. Níì cán wi n lúru mii kurugo, wi ga mii syɛ́ɛnri foro í.» A Samyɛli fúngi tanʔa, a wi i yákpoli wáa Yawe kurugo yébiligi myɛ ni.