Sofonii 1:5 - Cebaara Bible 2010

⁵ ní bele be tuun nyɛ̀ʔɛni ŋɔripiigéle yɛ́ʔɛ ma kpáayi ǹjoyo ni lè, ní bele be tíri ni tuun ní i kɛ̀ɛ́ Yawe na lè, ní wɔ́ɔ i kɛ̀ɛ́ Milikɔmi na lè,

Sofonii 1:5 Iomraidhean Croise

1 Fànʔafɔbèle 11:33

Koro a kpéʔele àmɛɛ pe mii yaʔa lè ní i tíri ni tuun Asitarite yɛ́ʔɛ ma ki lè Siidɔn ye yasungi, ní Kemɔsyi yɛ́ʔɛ ma ki lè Mowabi kolocɔlɔw ní Milikɔmi yɛ́ʔɛ ma, ki lè Amɔn ye kolocɔlɔw, ní àmɛɛ gi nyɛ lè pe ga tánʔa n yɛlɛ ní mii kólogi kèlē ní í jàngó bàā gi kpéʔele gee gi sín mii yɛ́ʔɛ ma lè í, níì mii làlwaw kèlē ní mii kajoodɛɛngèle cò n yɛlɛ ní gi ní àmɛɛ Salomɔn tóow Davidi da ni gi kpéʔele lè í.

1 Fànʔafɔbèle 11:5

A Salomɔn wiyɛɛ daʔa Asitarite kpɔ̀ʔɔrɔli na, ki lè Siidɔn ye yasungi ní Milikɔmi kpɔ̀ʔɔrɔli na, ki lè Amɔn ye yanɔnʔɔgi.

1 Fànʔafɔbèle 18:21

A Elii sɛ̀ʔɛrɛ syɛ́ɛnbèle myɛ ma níì jo: «Làlìí ni yele a láʔa nya fíige-màʔaw na kàbanyi siin na? Kapye Yawe wi nyɛ Kolocɔlɔw wodeleo, ki n yɛlɛ ye taʔa woro na, ki si ga pye Baali wii, ye taʔa woro na.» Syɛ́ɛnbèle ga yafyɛn joo wi ma í.

2 Fànʔafɔbèle 17:32

Pe si maa wɔ́ɔ ni Yawe kpɔ́ʔɔgi. Pe maa wɔ́ɔ̀ syɛ́ɛnbèle pèle láa láa n màʔa n kpéʔele peyɛɛ ma sáriga-wòlo-tɛ́ɛyi sáriga-wòlobēle. Sáriga-wòlobèle bee maa pye be ma fáliw na sáriga-wòlo-tɛ́ɛyi kpaaya ni.

2 Fànʔafɔbèle 17:33

Kánmi bee na pe da ni Yawe kpɔ́ʔɔgi ní si i báara be kolocɔlɔbèle ma làrinijanni ni n yɛlɛ ní syɛɛnfeleyi kalɛɛgéle ní, beè pe be cò lè n pan.

2 Fànʔafɔbèle 17:41

Syɛɛnfeleyi bee maa ni Yawe kpɔ́ʔɔgi ní wɔ́ɔ i báara be yasunyi ma. A be pìíbèle, ní be pìíbèle pìibēle kòro ni gi kpéʔele ni syée nya n yɛlɛ ní be toolɛɛbèle kapyere ní fwɔɔ n baa nan níjanʔa na.

2 Fànʔafɔbèle 23:12

Sáriga-wòlo-yafaanyee Zyuda fànʔafɔbèle da faan Akazi kpaataʔagi ǹjoʔo ni lè n fàra sáriga-wòlo-yafaanyee na Manase da faan Yawe kpáagi kadàagēle siin na lè, a fànʔafɔw yee bee kpúmɔn n cáan. A wi ga yi tɔ́nʔɔnɔ, a wi yi poomiigi koli n núngo yaà, n sáà wáa Sedurɔn jǐnlɔgi ni.

Ezayi 22:1

Joogbanna Jǐnlɔgi yanyaʔa kéele na. Nyàʔá na mɔ lúgu ní mɔ syɛ́ɛnbèle myɛ ní bindàágèle na,

Ezayi 44:5

Wàa a gi joo si jo: ‹Mii i nyɛ Yawe wóo.› Wàa nikwɔɔ sáā Zyakɔbi mɛ́ɛgi yiri wiyɛɛ na. Wàa nikwɔɔ si wɔ́ɔ gi sɛ́bɛ wi kɔ́gi na si jo: ‹Yawe wóo mii nyɛ,› sáā wiyɛɛ gbɔ́ʔɔgi ní Isirayɛli mɛ́ɛgi ní.»

Ezayi 45:23

Mii n kàli niyɛɛ na, syɛɛnsinre i yirigi mii tiimaa nyɔ́ɔgi ni, dee di lè ti a gbǎn sàa í, ti n jo: ‹Pe myɛ a ra yégunri cáan mii yɛ́ʔɛ ma. Mii na nyíngèle myɛ a ra kɛ̀ɛ́.›

Ezayi 48:1

«Ye gee naa lóʔo Zyakɔbi kpáagi wòolo, yele bele na Isirayɛli mɛ́ɛgi nyɛ lè, yele bele ye yiri Zyuda yòdaʔayi ni lè, yele bele ye kɛ̀ɛ́ Yawe mɛ́ɛgi na lè, ní i Isirayɛli Kolocɔlɔw mɛ́ʔɛ yiri lè, kányɛʔɛ ní sínnɛ si o yaà í!

Zyeremii 12:16

Pe ga baa mii syɛ́ɛnbèle kóloyo tama yákirii na, ní i kɛ̀ɛ́ mii mɛ́ɛgi na níì jo: ‹Yawe woweew mɛ́ʔɛ na!› Amɛɛ pe da mii syɛ́ɛnbèle tama pe i kɛ̀ɛ́ Baali mɛ́ɛgi na lè, lǎli bee ni pe a sámaga tɛ́ɛn mii syɛ́ɛnbèle nínge ni.

Zyeremii 19:13

Zyerusalɛmi kpáayi, ní Zyuda fànʔafɔbèle kpaaya a pye yanɔnʔɔyɔ àmɛɛ Tofɛti nyɛ lè, kpáayi bee myɛ, yoro yee ǹjoyo ni pe da ni nùndaanni yáriga kaangi nyɛ̀ʔɛni ŋɔ́ripiigéle myɛ ma lè, ní i sáriga-yólogow wóo kolocɔlɔbèle pèle nikwɔɔlɔ ma.› »

Zyeremii 32:29

Kalide ye be too kěgi naa na lè pe a jée gi ni, pe a naà le kěgi naa na bi gi sórigo, n fàra kpáayi na, yee ǹjoyo ni pe da ni nùndaanni yáriga sórogi Baali ma lè, ní i sáriga-yólogow ŋuu kolocɔlɔbèle pèle nikwɔɔlɔ ma jàngó bi mii fúngi tanʔa.

Zyeremii 4:2

mɔ ga ni kɛ̀ɛ́ níì jo: ‹Yawe woweew mɛ́ʔɛ na› ní funviire, ní kányɛʔɛ, ní sínnɛ ni, lǎli bee ni syɛɛnfeleyi a ra dùbaw kpéʔele yiyɛɛ ma wi ni, yi a ra yiyɛɛ gbɔ́ʔɔgi wi ni.»

Zyeremii 49:1

Dee di joo Amɔn ye kéeli na lè. Yawe wi syɛ́ɛnri naa joo níì jo: «Nànbile o nyɛ Isirayɛli ma ì? Kɔriliio o nyɛ wi ma ì? Nyàʔá na Gadi pye Milikɔmi wóʔo, á wi syɛ́ɛnbèle tɛ́ɛn wi kěyi ni?

Zyeremii 5:2

Alí pe ga ni gi nyuu níì jo: ‹Yawe woweew mɛ́ʔɛ na!› Jànvaa kàliga be kɛ̀ɛ́.»

Zyeremii 5:7

«Mɛ̀ɛ́ mii a mɔ kusulugi syɔɔ bi sɛ́ɛ? Mɔ piibèle n mii yaʔa, ní i kɛ̀ɛ́ yariyaa na, yee yi lè yi o nyɛ Kolocɔlɔɔ í. Mii maa be tín yáriri na, pe si i kanɔnʔɔri kpéʔele. Pe i kpóʔoro saʔa nànjaacew kpaʔa ni.

Zyeremii 7:10

Koro kàdoʔo ma ní i maa n ba ni yèré mii yɛ́ʔɛ ma kpáagi naa ni, gee na mii mɛ́ɛgi nyɛ lè, ní i gi nyuu níì jo: Wolo n syɔɔ. Koro nyúngi gi nyɛ jàngó yele í da yanɔnʔɔyi bee myɛ kpéʔele!

Zyeremii 7:9

Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!

Zyeremii 8:2

Pe a be càli cángi yɛ́ʔɛ ma, ní yégi yɛ́ʔɛ ma, ní nyɛ̀ʔɛni ŋɔ́ripiigéle myɛ yɛ́ʔɛ ma, toro dee kéele li da be dɛ́nɛ lè, toro dee má pe da ni báara lè, toro dee na pe da peyɛɛ daʔa lè, níì kòro ni di caa, toro dee yɛ́ʔɛ má pe da ni tíri ni tuun ni kpɔ̀ʔɔrɔli kpéʔele lè. Kúceri a láa, pe a tɔ́n í. Pe a pye kariga tári na.

Oze sɛ́bɛw 10:2

Pe fúnyi n tíla, tɔ́ɔliw ni, pe a be kolomi túgoro tugo. Yawe a be sáriga-wòlo-yafaanyi cáan, si be yasungaangèle jabagi.

Oze sɛ́bɛw 4:15

Isirayɛli, àlí mɔ ga miyɛɛ gaan nànjaari ma, Zyuda ga yɛlɛ wi kolomɔ yaʔa bi nan woro na í. Yele a kɔ́ kári Giiligali ma í, yele a kɔ́ lúgu kári Bɛti-Avɛn ma í, yele a kɔ́ ra kɛ̀ɛ́ bàā gi nyuu si jo: ‹Yawe woweew mɛ́ʔɛ na í.› »

Amɔsi 5:26

Yele maa Sikuti láa ni syée wi pye yele fànʔafɔw n fàra Kiyun na, yi lè yele yasunyi, ní yele kolocɔlɔw ŋɔripile, loro lee yele sámaga yeyɛɛ ma lè.

Matye 6:24

«Syɔɔn faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ. Wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.

Kapyegèle 10:9

Ki nyǐndaligi na àmɛɛ be pye kólogi na n kɔ́ ni nùuní Zyɔpe na lè, a Pyɛri lúgu bíngi na sa Kolocɔlɔɔ nyɛ́ɛri, cángi si maa kɔ́ ni maa nyùngo ma.

Wɔrɔmi ye 14:11

Níì cán ki n sɛ́bɛ níì jo: «Kàfɔw n jo: ‹Amɛɛ gi nyɛ lè kányɛʔɛ mii i nyɛ sìi na, ànbée gi wɔ́ɔ̄ nyɛ kányɛʔɛ syɛ́ɛnbèle myɛ a ba kpùmɔnɔ mii taana. Pe myɛ a ra Kolocɔlɔɔ kpɔ̀ʔɔrɔ́ ní be nyɔ́ɔyi ní.› »

Làlwaw Kaanziin 10:20

Da fɛ̀ɛgí Yawe mɔ Kolocɔlɔw na, máā wi fáliw kpéʔele mí tan woro na, máā kɛ̀ɛ́ woro mɛ́ɛgi na.

Làlwaw Kaanziin 4:19

Mi wɔ́ɔ maa miyɛɛ kɔ̀rɔsíi, koro ga pye mɔ ga mɔ nyapiigèle yìrige n le nyɛ̀ʔɛni ni, níì cángi, ní yégi, ní ŋɔripiigèle nyaa, ti lè nyɛ̀ʔɛni yárira myɛw, mɔ a kɔ́ miyɛɛ yaʔa di kpɔ̀ʔɔrɔ láaw í mɔ taa mɔ í da kpùmɔnɔ́ di yɛʔɛ̀ ma í. Yawe mɔ Kolocɔlɔw n dee bee kaan nyɛ̀ʔɛni láara syɛɛnfeleye myɛ bìnɛw ma.

Zyozuwe 23:7

jàngó yele a kɔ́ yeyɛɛ nyáʔami ní syɛɛnfeleyi bee ní yi kòro yele níngi ni lè í. Yele a kɔ́ ra yi kolocɔlɔbèle mɛ́ɛyɛ yiri í, yele a kɔ́ ra kɛ̀ɛ́ pe mɛ́ɛyi na í, yele a kɔ́ ra báara be ma í, yele a kɔ́ ra tíri bàā tuun pe yɛʔɛ̀ ma í.