Sofonii 1:3 - Cebaara Bible 2010

³ Mii a syɛ́ɛnbèle ní yaweeri kwɔ́ɔ bi láʔa yaà, mii a nyɛ̀ʔɛni féjɛɛnrɛ ní sólomi lɔ̀ʔɔ fàala kwɔ́ɔ bi láʔa yaà, ní kérigèle ge syɔɔn pùuní lè, bi koro ní syɛɛnpeebèle kwɔ́ɔ bi láʔa yaà, mii a syɔɔn ye kwɔ́ɔ bi láʔa yaà tásaligi na,» Yawe wi jo nya.

Sofonii 1:3 Iomraidhean Croise

Sélimɛ 6:7

A Yawe jo: «Syɛ́ɛnbèle mii faan lè, mii a be pɛ́ɛ láʔa tásaligi na, poro ní yaweeri, ní yáriree di fulolo lè n fàra féjɛɛnri na. Níì cán mii n gi nyaa mii da caà yɛlɛ bi be faan í.»

Ezayi 27:9

Kánmi bee na Zyakɔbi kolomi kùsulugo fáli a kpéʔele, wéle, koro ni wi kapeeli kùsuluzyɔɔrɔ a taa, Yawe a wi sáriga-wòlo-yafaangi kàdɛnɛyɛ pye àmɛɛ piremɛ kadɛnɛyɛ nyɛ, yee yi kàriga lè támiige. Wi Asyera gàángèle, ní wi cángi kpɔ̀ʔɔrɔlɔ gàángéle a ní yére í.

Ezayi 6:11

A mii jo: «Fwɔɔ bi ba nan làlìí na Kàfɔw?» A wi mii yari: «Fwɔɔ bi taa kěyi í ba kálagi bi pye syɛɛnnɛ fun, kpáayi í pye syɛ̀ɛnnɛ fun, tári í kálagi péw.

Ezayi 6:12

Fwɔɔ bi taa Yawe í syɛ́ɛnbèle nɛnɛ tórigo léelige, tári myɛ si kòro wowaara ní.

Zyeremii 12:4

Làla jòorí tári a kwɔ́ɔ kùu káyaagi na, sìnbirigi myɛ nyàā si wɔ́ɔ waʔa bi kòro nya bi làla jòorí kwɔ́ɔ? Di syɛ́ɛnbèle péemɛ kéele na yaweeri, ní féjɛɛnri i kálagi ni syée. Níì cán pe n jo: «Wi o wolo nyɛ̀ʔɛnaw nyaagi í.»

Zyeremii 50:3

Níì cán syɛɛnfelegaa n yìri solomɔkulo ma ni lúru ni syée wi kánmi na. Ki a wi tári kàriga tɛɛ̀kalagiga, syɛ̀ɛnnɛ a ní pye di ni í. Nǎnbèle ní yaweeri n fàn, ti n kwɔ́ɔ gi ni.

Zyeremii 7:20

Gee bee na Kàfɔw Yawe syɛ́ɛnri naa joo níì jo: ‹Wéle, mii fundanʔari, ní mii fundanʔagbɔɔri a too tɛ́ɛgi naa na, syɛ́ɛnbèle, ní yaweeri, ní sìnbirigi tíire, ní tári yasanra na. Ti a ra có bànvigi ni.›

Zyeremii 9:10

«Mii a Zyerusalɛmi pye gurubɛɛtooyo, ní gbàáyi tɛɛlaraga, mii a Zyuda kěyi kàriga tɛɛ̀kalagiya, syɛ̀ɛnnɛ fun.»

Ezekyɛli 44:12

Amɛɛ pe da ni báara syɛ́ɛnmi ma pi yasunyi yɛ́ʔɛ ma lè, n pye tɛɛtoolo Isirayɛli kpáagi wòolo ma lè, ní be kolomi sábabu, gee bee na mii mii kɔ́gi yìrige níì kàli n kaan be ma, Kàfɔw Yawe wi jo nya, pe a be kolomi túgoro tugo.

Ezekyɛli 7:19

Pe a be wáliw wáa kàlari-kóloyi ni, pe tɛ́ɛw si ba pye yafɔnʔɔgɔ. Pe wálifiiw, ní be tɛ́ɛw a gbǎn be syɔɔ Yawe fundanʔagbɔɔri canʔa na í. Pe a gbǎn be yákpodiriyi tín í, wàlá bi be fícarigèle nyìn í. Níì cán koro gi pye pe kàdɛnɛ-gbírigegi, ní be kolomi nyúngo.

Oze sɛ́bɛw 14:3

Ye kàdowaara syɛ́ɛnrɛ láa ye yaʔa yeyɛɛ ma, yé lúru ye pan Yawe ma. Ye ba gi joo wi ma ye jo: «Kolomi myɛ kùsulugo syɔɔ, mí fɔ̀lɔ wolo na ní funjànga ní! Wolo a ra wolo nyɔɔwari kpɔ̀ʔɔrɔlɔ wóo mɔ ma sáriga náapegèle sìndɛʔɛ ni.

Oze sɛ́bɛw 14:8

Bele pe a lúru pan lè, pe a ba ra tɛ̀ɛ́n wi nyínmi ni, pe a ní da lìíli fála da taagi, pe a ra fyɛ́ɛnrɛ kpéʔele àmɛɛ ɛrɛzɛn tírige nyɛ lè. Pe mɛ́ɛgi a yiri àmɛɛ Liban dùvɛɛnw wóʔo nyɛ lè.

Oze sɛ́bɛw 4:3

Koro na tári a pye kùu káyaʔa na, bele myɛ be nyɛ di ni lè pe a fána, poro ní sìnbirigi yaweere, ní nyɛ̀ʔɛni féjɛɛnrɛ. Alí sólomi lɔ́ʔɔ fàala a wɔ́ɔ kwɔ́ɔ yiri yaà.»

Zakarii 13:2

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Cángi bee na mii a yasunyi mɛ́ɛyɛ kwɔ́ɔ bi yirige tári ni, koro ga pye syɔɔn a ní kɔ́ sɔ̀ngí taa yi na í. Mii a wɔ́ɔ kanyaajoobèle ní nɔ́nʔɔri pìle yirige tári ni,

Matye 13:41

Syɔɔn-pya a ba wi tundunbèle tórigo koro ga pye yariga o yariga gi syɔɔn pùuní lè be sa gee bee ní kakolobyebèle myɛ kpóʔoro bi yirige woro fǎngi ni,

Matye 23:39

Níì cán mii a gi joo yele ma, nlaʔa lǎli naa na, yele a tɔ̀nɔ́ ní mii nyaa í, bi taa yele í ba gi joo si jo: ‹Wee wi maa lè Kàfɔw mɛ́ʔɛ na, ki n yɛlɛ dùbaw í pye wi ma.› »

Tɛ̀ɛnnɛ 2:14

Kàjáa mii n tìgi mɔ na kérigèle kèle cɛɛri na, koro gi nyɛ pèle i yaà mɔ ma bele be yére lè Balaami tamani ni, woro wee wi da Balaki tama lè jàngó wi karinyanga le Isirayɛli yòdaʔayi tɛɛsɔ̀lɔgɔ ni, koro ga pye paa yasunyi káara káa, si wɔ́ɔ ra kanɔnʔɔri kpéʔele.