Sofonii 1:18 - Cebaara Bible 2010

¹⁸ Pe wálifiiw yoo, pe tɛ́ɛw yoo, toro a gbǎn ba be syɔɔ Yawe fundanʔagbɔɔri canʔa na í. Wi yejaagi náa a tápow sórigo, ki a tɔ̀nɔ́ pye fyáakpɔɔrɔ àmɛɛ wi a tári syɛ̀ɛnnɛ myɛ kálagi kwɔ́ɔ lè.»

Sofonii 1:18 Iomraidhean Croise

Sélimɛ 6:7

A Yawe jo: «Syɛ́ɛnbèle mii faan lè, mii a be pɛ́ɛ láʔa tásaligi na, poro ní yaweeri, ní yáriree di fulolo lè n fàra féjɛɛnri na. Níì cán mii n gi nyaa mii da caà yɛlɛ bi be faan í.»

1 Fànʔafɔbèle 14:22

A Zyuda ye i gi kpéʔele gee gi pee Yawe nyɛ́nɛ na lè. A be wi yejaagi yìrige wi ma n sɔ̀lɔ gee na ki lè pe toolɛɛbèle da gi kpéʔele be kapeegèle báriga ni nyáana í.

Zyɔbi 21:30

Pe i kakolobyeo yaari bɔ̀nɔw canʔa na ní fundanʔagbɔɔri canʔa na.

Zyɔbi 3:15

bi pye ní fànʔafɔbiigèle ní, bele má tɛ́ɛw nyɛ lè, poro bele pe be kpáayi nyìn wálifiiw na lè.

Ŋúnuyi 78:58

Pe n syɛɛnfeleyi sáriga-wòlo-tɛ́ɛyɛ kéele tɛ́ʔɛ n wi fúngi tanʔa, níì be ǹdedanyi kéele tɛ́ʔɛ n kayaʔa wáa wi na.

Ŋúnuyi 79:5

Làlìí ni mɔ fundanʔari a kwɔ́ɔ, ee Yawe? Mɔ a kòro lé fundanʔari na bàā syée nya làla o làla? Mɔ káyaagi si wɔ́ɔ kòro lé bàā nyín àmɛɛ naà nyɛ lè?

Kàseegèle 11:4

Lɔ́ri a gbǎn ba yarigaa nyɔɔ fundanʔagbɔɔri canʔa na í, kàjáa sínni i syɔɔn syoo kùúw ma.

Kàseegèle 18:11

Lɔrɔfɔlɔ lɔ́ri i nyɛ kènirige. Wi sɔ̀nguri na ti i nyɛ tò, wee wi lè keele a gbǎn wi taa í.

Ezayi 1:24

Gee bee na Kàfɔw Yawe wi lè Nyɛ̀ʔɛni Sùlasiibéle Kafɔlɔ, Isirayɛli ye Séekpɔɔw Fɔ́lɔ, wi n jo: «Awá! Mii a niyɛɛ kpɛʔɛlɛ ní mii kàsiitun-nyɛ́nbèle kéele ní, mii a mii gɔ̀lɔ́w wòlo mii nigoobèle na.

Ezayi 10:17

Isirayɛli Gbɛ̀ɛ́nmi a ba kàri naà, wi Wojanw si kàri naanyìnge, gee ki a wi wúuri, ní wi wúuri tiipiiye sórigo kwɔ́ɔ lè canʔa nibin ni.

Ezayi 10:3

Nyàʔá yele a pye kpúmɔnri canʔa na, ní kálagi-gbɔ́ɔli li a yìri léelige bi pan lè? Wìí má yele a fàn bi kári koro ga pye bi syɔɔlɔ taa, ní sán yele a yele lɔ́ri yaʔa?

Zyeremii 7:20

Gee bee na Kàfɔw Yawe syɛ́ɛnri naa joo níì jo: ‹Wéle, mii fundanʔari, ní mii fundanʔagbɔɔri a too tɛ́ɛgi naa na, syɛ́ɛnbèle, ní yaweeri, ní sìnbirigi tíire, ní tári yasanra na. Ti a ra có bànvigi ni.›

Zyeremii 7:34

Mii a mugurumi, ní fundaanri ŋúnuyo, ní cefɔɔn fɔ́lɔ, ní cefɔnw ŋúnuyo kwɔ́ɔ Zyuda kěyi, ní Zyerusalɛmi kàlari-kóloyi ni. Níì cán tári a pye kataya.»

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Ezekyɛli 16:38

Mii a mɔ kútiiw ceri àmɛɛ be kanɔnʔɔbyecebèle kútii cɛnɛ lè, n fàra cébèle bele na be sìsyaanw ŋuu lè, mii a mɔ cáan sìnsyaan ni mii fundanʔagbɔɔri, ní mii yéjaagi báriga ni.

Ezekyɛli 23:25

Mii a mii yéjaagi yàli mɔ na, pe a mɔ cò ní fundanʔagbɔɔrɔ ní. Pe a fínaani ní líiyi láʔa mɔ na, ŋɔséew a mɔ kadoʔomaw kpóo cáan. Poro pe a mɔ nanbiigèle, ní mɔ calipiigèle cò, náagi a mɔ kadoʔomaw lìi.

Ezekyɛli 7:11

Tanʔari n yìri n pye sàbinnɛ péemi ma, yafyɛn ga níì kòro be ma í, pe nɛʔɛmɛ kafulogo a ní pye beè í, pe nɛʔɛmi ní gi myɛ ní wàa a ní kòro be ni í! Pe o nyaan ni peele be kéeli na í!

Ezekyɛli 7:19

Pe a be wáliw wáa kàlari-kóloyi ni, pe tɛ́ɛw si ba pye yafɔnʔɔgɔ. Pe wálifiiw, ní be tɛ́ɛw a gbǎn be syɔɔ Yawe fundanʔagbɔɔri canʔa na í. Pe a gbǎn be yákpodiriyi tín í, wàlá bi be fícarigèle nyìn í. Níì cán koro gi pye pe kàdɛnɛ-gbírigegi, ní be kolomi nyúngo.

Ezekyɛli 7:5

Kàfɔw Yawe wi syɛ́ɛnri naa joo níì jo: «Wɔʔɔgɔ, wɔʔɔgɔ nibin pee! Wéle, ki i maa!

Sofonii 1:11

Yele Makitɛsyi ye, yaa sùpiiri wáa, níì cán Kanaan syɛ́ɛnbèle myɛ n kwɔ́ɔ gi ni, nǎnbèle bele má wálifiiw fáli kàlifáa lè, pe a kwɔ́ɔ bi yirige yaà.

Sofonii 1:15

Cángi bee i nyɛ fundanʔagbɔɔrɔ canʔa, ní wɔʔɔgɔ, ní funjurugoro canʔa, kálagila, ní kálagigbɔɔlɔ canʔa gii, yébilimɛ ní yébiliwɔɔlɔ canʔa gii, nyɛ̀ʔɛwɔɔlɔ ní nìgolowirige canʔa gii.

Sofonii 2:2

sáni kajoo-mí-cerili í pàlá pan lè, sáni cángi bee í ba sɔ̀lɔ àmɛɛ sùweʔe nyɛ lè, sáni Yawe fundanʔari káfugbanga í ba too yele na lè, sáni Yawe fundanʔari canʔa í ba nan yele na lè!

Sofonii 3:8

Koro na ye mii sige, cángee na mii a yìri lè bi pye séerafɔlɔ,» Yawe wi jo nya, «níì cán mii n gi kɔ̀rirɔ n tímana bi syɛɛnfeleyi pínɛ yiyɛɛ ni, bi fǎnyi kpóʔoro yi pan mii ma, bi mii fundanʔagbɔɔri yàli yi na, mii fundanʔari gbànma myɛw. Níì cán mii yejaagi náa a tári myɛ sórigo.

Matye 16:26

Syɔɔn ga dulunyanw yárira myɛ taa, á wi sìíw baa pùuni, nyàʔá gee bee a nyɔɔ wi na? A yarigaa i yaà lé gee syɔɔn a sa kaan lè sìíw lɔ́rɔ, sìíw si taa?

1 Korɛnti ye 10:22

A yele caa lé wo nyabɛɛnnɛ wáa Kàfɔw na? Ba wolo nìri lé wi na?

Làlwaw Kaanziin 31:17

Cángi bee na mii fundanʔari a cò naà be kánmi na, mii a be cée, si mii yɛ́ɛgi làriga be na. Pe a be káa. Wɔʔɔyɔ saʔa ní kálagila saʔa a nan be na. Pe a ra gi nyuu cángi bee na si jo: ‹Amɛɛ kapeeyi naa wolo taa lè, gee bee ga taa ncan wolo Kolocɔlɔw o nyɛ wolo níngi ni í ì?›