Sofonii 1:17 - Cebaara Bible 2010

¹⁷ Mii a syɔɔn ye le wɔʔɔgi ni, pe a ra táanri àmɛɛ fúunbéle nyɛ lè, níì cán pe n kapeele pye Yawe na. Mii a be sìsyaanw wo àmɛɛ támiige nyɛ lè, pe céri a pye kànyaʔara.

Sofonii 1:17 Iomraidhean Croise

Ŋúnuyi 83:10

Gee mɔ kpéʔele Madyan na lè, ní gee mɔ kpéʔele Sisera, ní Yabɛn na lè Kisyɔn lòcoologi nyɔ́ɔ na, ki n yɛlɛ mi koro félege kpéʔele be na!

Ezayi 29:10

Níì cán Yawe n ŋúnɔgbɔɔmɔ tìrige n tɔ́n yele na, wi n yele nyapiigèle tɔ́n, koro ge nyɛ kanyaajoobèle, wi n yele nyúnyi tɔ́n, yoro yi nyɛ kanyaabèle.

Ezayi 50:1

Yawe n syɛ́ɛnri naa joo níì jo: «Sán ceyaʔa-sɛ́bɛw nyɛ, wee mii tɛ́ʔɛ n yele nɔ́ɔw yaʔa lè? Wàlá mii fwɔɔlɔfɔwìí má mii yele pára? Ye wéle, yele n pára yele kolomi kéele na. Yele sìnzinmi kéele na yele nɔ́ɔw yaʔa.

Zyeremii 10:18

Níì cán Yawe wi syɛ́ɛnri naa joo níì jo: «Wéle, mii a tɔ̀nɔ́ tári syɛ̀ɛnnɛ wáa léelige kátali naa na. Mii a tɔ̀nɔ́ be gbɛ̀dɛ, koro ga pye pe be taa cò.»

Zyeremii 15:3

Mii a wɔʔɔveleye sicɛrɛ taʔa be na, Yawe wi jo nya, ŋɔséew a pye bàā be kúu, pɔ́nbèle a pye bàā be kíle da sulugu, nyɛ̀ʔɛni féjɛɛnrɛ, ní tári yaweere a pye bàā be káa, sáā gàlagí kpéʔele.

Zyeremii 18:21

Koro na pe jáabèle kaan kateekpɔɔgi ma, pe ŋɔrigɔ mi wáa ŋɔséew nyɔ́ɔ ma, ki n yɛlɛ pe cébèle í bɔ̀nɔ pìibēle ni, si pye lɔgucaala, káfalagi yáama í be nǎnbèle kpóo. Ki n yɛlɛ ŋɔséew í be nìgɔcaribèle kpúmɔn kpóo kapɛɛnni làla ni!

Zyeremii 2:17

Gee bee o kpéʔele mɔ na àmɛɛ mɔ Yawe mɔ Kolocɔlɔw yaʔa lè lǎli tiimaa ni, lee ni wi da kíni mɔ yɛ́ɛgi na kólogi ni lè ì?

Zyeremii 2:19

Ki n yɛlɛ mɔ péemi sàra í kaan mɔ ma, mɔ sinzinmi kèlē í wɔʔɔgɔ taʔa mɔ na. Ki n yɛlɛ mɔ í gi cán, si gi nyaa bi cán bi Yawe mɔ Kolocɔlɔw cée, gee bee i nyɛ yapeʔe, ní yasorogo, wàlá bi pye fyáakaanna fun mii kàbangi na,» Nyɛ̀ʔɛni Sùlasiibéle Kafɔlɔ Yawe wi jo nya.

Zyeremii 3:25

Wolo fɛ̀ɛ́ri di nyɛ wolo ma yasinɛgi, wolo faʔari si i nyɛ wolo ma làgogi. Níì cán wolo n kapeele pye Yawe wolo Kolocɔlɔw na, wolo ní wolo tóobèle nlaa yaà wolo cárimi làla ni fwɔɔ n baa nan níjanʔa na, wolo si ga Yawe wolo Kolocɔlɔw jóomɔ lóʔo í.»

Zyeremii 4:18

Koro gi nyɛ mɔ tánʔaganmi ní mɔ kapyegèle tɔ̀nɔ, mɔ péemi bi nyɛ bee bee. Gee bee tɔ̀nɔ́ i nyɛ yasorogo, ki tɔ̀nɔ́ i jǐn fwɔɔ mɔ zɔnw ni.

Zyeremii 8:2

Pe a be càli cángi yɛ́ʔɛ ma, ní yégi yɛ́ʔɛ ma, ní nyɛ̀ʔɛni ŋɔ́ripiigéle myɛ yɛ́ʔɛ ma, toro dee kéele li da be dɛ́nɛ lè, toro dee má pe da ni báara lè, toro dee na pe da peyɛɛ daʔa lè, níì kòro ni di caa, toro dee yɛ́ʔɛ má pe da ni tíri ni tuun ni kpɔ̀ʔɔrɔli kpéʔele lè. Kúceri a láa, pe a tɔ́n í. Pe a pye kariga tári na.

Kayaagi Nyɛnigɛ 1:14

Wi kɔ́gi n mii kapeebyeri zúu pwɔɔ. Ti n pala pala tiyɛɛ na, ti n lúgu n mii cò yákpoli ni. Kàfɔw n mii bárigaw kwɔ́ɔ. Wi n mii le be kɔ́yi ni, bele be lè mii a gbǎn yafyɛn pye be na í.

Kayaagi Nyɛnigɛ 1:18

Yawe wi sín, níì cán mii wi baa pye niceʔe wi syɛ́ɛnri kánma na, dee wi joo n gbàn lè. Ye lóʔo, yele syɛɛnfeleyi myɛ, ye mii yayaagi nyaa! Mii nàngeele sinján pìcaabèle, ní mii nìgɔcaribèle n kári púlori na.

Kayaagi Nyɛnigɛ 1:8

Zyerusalɛmi n kàa fàra wi kapeegèle na, koro na wi baa pye yanɔnʔɔgɔ. Bele myɛ pe da ni wi kpɔ́ʔɔgi lè, pe i wi faari àmɛɛ pe wi níborigi nyaagi lè. Wi tiimaw i cɛ́ɛn ní i lúrugu kàdoʔo ma.

Kayaagi Nyɛnigɛ 2:21

Pìíbèle ní wolɛɛbèle i tuun ni sáanri tári na kàlari-kóloyi ni. Mii nàngeele sinján pìcaabèle, ní mii nìgɔcaribèle n too ŋɔséew báriga ni. Mɔ n kpóolo kpéʔele mɔ fundanʔari canʔa na, mɔ n kɔnɔgi nyinimɛ fun.

Ezekyɛli 16:38

Mii a mɔ kútiiw ceri àmɛɛ be kanɔnʔɔbyecebèle kútii cɛnɛ lè, n fàra cébèle bele na be sìsyaanw ŋuu lè, mii a mɔ cáan sìnsyaan ni mii fundanʔagbɔɔri, ní mii yéjaagi báriga ni.

Ezekyɛli 24:7

Níì cán sìsyaanw gi wo lè, wi n kòro ki níngi ni. Ki n wi taʔa fálawaʔa na, ki ga wi wo tári na si wi tɔ́n ní támiige ní í.

Ezekyɛli 24:8

Mii si n sìsyaanw yaʔa fálawaagi na sìndɔn ni jàngó wi mii fundanʔagbɔɔri yìrige si gi yaʔa mii í mii gɔ̀lɔ́w wòlo.

Amɔsi 4:10

«Mii n káfalagi yáama cáan yele na àmɛɛ ki da pye Ezyipiti ni lè. Mii n ŋɔsée tɛ́ʔɛ n yele nìgɔcaribèle kpóo, níì yele syɔ́ɔnyi yaʔa a be yi cò n kári. Mii n yele kapɛɛnkpumɔnbèle fɔ́nʔɔnɔ núngo yaʔa ki i yìrigí ni jǐn yele fínaagèle ni. Koro ní ki myɛ ní yele ga sèʔê lúru n pan mii ma í,» Yawe wi jo nya.

Misye 7:13

Tári a kálagi di syɛ́ɛnbèle kéele na, koro a pye be kapyegèle tɔ̀nɔ kéele na.

Matye 15:14

Ye be yaʔa yaà, fúunbéle be nyɛ, ní i fúunbèle pèle tala. Fúuɔn ga ni wi fúunnyɛnnɛ tala, pe myɛ siinw a pínɛ too weʔe ni.»

Wɔrɔmi ye 11:25

Ni senyɛ̀nnɛ, mii o caa yele í kòro kalarali naa sìnján ni í, kapye koro ban í, yele a kɔ́ ra yeyɛɛ jóro sícilibēle, kalarali bee li nyɛ ncan Kolocɔlɔɔ n Isirayɛli syɛ́ɛnbèle pèle fúnyo tɔ́n bi taa syɛɛnfeleyi wozanya nyɔ́ɔ í ba foro yee yi yɛlɛ bi syɔɔ lè.

Wɔrɔmi ye 11:7

Mɛ̀ɛ́ si gi nyɛ? Gee Isirayɛli ye da ni caa lè, pe ga gi taa í, á Kolocɔlɔɔ wonyɛnɛ-wòlobèle si gi taa, á wozanbèle fúnyo tɔ́n be na.

2 Korɛnti ye 4:4

Dulunyanw naa kolocɔlɔɔ n sìndagabèle sɔ̀ngurɔ tɔ́n, koro ga pye pe a kɔ́ Syɛɛnjóocǎnri gbɛ̀ɛnmɛ nyaa í, bee bi Kirisi nìjangbɔɔri tèé lè, woro wee wi nyɛ lè Kolocɔlɔɔ niwiriw.

2 Pyɛri 1:9

Kàjáa syɔ́ɔnwee wi nyɛ lè wi ga dee bee taa í, wi i nyɛ fúuɔn, wi o nyaagi léelige í, àmɛɛ wi booma kapeegèle da jée n mùnu n láʔa wi na lè, wi n fɛ̀ʔɛ gee bee na.

1 Zyan 2:11

Wee si wi wi senyɛnnɛ kéele yaʔa a li wi bɛɛn lè, wee bee i nyɛ yébilimi ni. Wi i táanri yébilimi ni, tɛ́ɛgee ni wi syée lè wi ga gi cán í, níì cán yébilimi n wi kàriga fúuɔn.

Tɛ̀ɛnnɛ 3:17

Níì cán mɔ i gi nyuu miyɛɛ kéeli na níì jo: Mii i nyɛ lɔrɔfɔlɔ, mii lɔ́ri n nɛʔɛ, mii màko ní o nyɛ yafyɛn na í, bi gi taa mɔ ga gi cán ncan mɔ i nyɛ fɔ̀rɔgi kɔ́yɔ ni í, ní i nyɛ nyinimɛ wóo ní í, ní wɔ́ɔ i nyɛ foomɔfɔlɔ, ní fúuɔn, ní níbori í.