Sofonii 1:16 - Cebaara Bible 2010

¹⁶ Tòmaʔa wiile canʔa, ní kapɛɛnnɛ sùpiiwáara canʔa gii, kèniriyi, ní jɛ̀ɛ́ngèle kpaataʔa-tɔ́nɔyɔ kánma na.

Sofonii 1:16 Iomraidhean Croise

Ezayi 27:13

Cángi bee na pe a tòmaakpɔɔgi wìi, lǎli bee ni bele pe da pùuni lè Asirii tári ni, pe a lúru pan, ní bele pe da cariga lè Ezyipiti tári ni. Pe a ba ra tuun da cíbele Yawe yɛ́ʔɛ ma nyanbejǎngi na, ki lè Zyerusalɛmi ni.

Ezayi 32:14

Níì cán kpaakpɔɔgi a yaʔa, kàfulonɛʔɛgi kaʔa a cée yaʔa, dǎndamagi, ní kpaataʔa-tɔ́nɔgi a kàri bi pye tɛɛfiige bi kòro nya làla o làla, bi pye seʔe jofanibèle fundaanra tɛ́ʔɛ, ní yaweeri tɛɛnaʔaga,

Ezayi 59:10

Wolo i tala ni syée àmɛɛ fúunbéle nyɛ lè gungo taana. Wolo i tala ni máari àmɛɛ bele nyɛ, bele be lè pe nyapiigèle o nyɛ be ma í. Wolo i kpírigi cânvulɛɛli na àmɛɛ cângwɔɔ-yébilige làla nyɛ lè, n wolo yaʔa cólogomi nínge ni wolo i nyɛ àmɛɛ kúbéle nyɛ lè.

Zyeremii 6:1

«Ye fàn ye yiri Zyerusalɛmi níngi ni, Bɛnzyamɛ syɛ́ɛnbèle, ye tòmaagi wìi Tekowa ni, ye dìrapo yìrige Bɛti-Hakerɛmi ni! Níì cán wɔʔɔlɔ, ní kálagigbɔɔlɔ n yìri solomɔkulo ma ni maa.

Zyeremii 8:16

Wi syɔ́ɔnyi fúlomɔ i lúro Dan kàbangi na, yi kàfulogi i tári myɛ cɛ̀lɛ́. Yi i maa, yi i tári, ní di fúngi yárira líi, ní kěgi ní gi tɛ́ɛnfɔbèle.

Ezekyɛli 7:7

Mɔ wee wi nyɛ lè wodɛ́ɛɔn ní tári ni, mɔ na gi nan! Lǎli i maa, cángi i nùuní ni maa, ki lè nyáʔamini canʔa, fundaanra yákpogéle a ní lóʔo nyanbeleyi na í!

Oze sɛ́bɛw 5:8

«Ye tòmaagi wìi Gibeya ni, ye búruw wìi Arama ni! Yaa sùpiigèle wáa Bɛti-Avɛn ni! Wéle mɔ kadoʔo ma, Bɛnzyamɛ!

Oze sɛ́bɛw 8:1

Tòmaagi taʔa nyɔ́ɔgi na. Nigoò i maa Yawe kpáagi kánma na àmɛɛ nyɔɔ̀ nyɛ lè. «Níì cán pe n mii joogaanni kálagi, pe n mii làlwaw cée.

Zyowɛli 2:1

Ye tòmaagi wìi Siyɔn ni! Yaa yákpolo wáa mii nyanbejǎngi na! Ki n yɛlɛ tári syɛ̀ɛnnɛ myɛ í da cɛ̀lɛ́! Níì cán Yawe cángi i maa, ncan ki n nùuni.

Amɔsi 3:6

A pe i kapɛɛnnɛ tòmaʔa wíi lé kàʔa ni syɛ́ɛnbèle í kòro sìnvyaa ni ? A wɔʔɔgɔ i tuun lé kàʔa na n gi yaʔa ki ga yìri Yawe ma í?

Habakuki 3:6

Wi i yèré céri ní i tári tímana, wi i wéle, níì syɛɛnfeleyi kaan a yi i foo ni yegi. Bàngwɔɔ nyanbeleyi i yìrigí yi tɛ́ɛyi ni, booma dandamayi i pegi ni tíri, n fàra booma kóbiigèle na.

Làlwaw Kaanziin 28:52

Ki a sa tɛ́ɛn mɔ taana kapɛɛnni kánma na kěyi myɛ ni mɔ nyɛ lè fwɔɔ bi taa tòdɔnɔ-nìriyee na mɔ a mɔ sɔngunmi taʔa lè yee bee í too mɔ tári tɛ́ɛyɛ myɛ ni. Ki a tɛ́ɛn mɔ taana kapɛɛnni kánma na kěyi myɛ ni mɔ nyɛ lè tári ni, dee Yawe mɔ Kolocɔlɔw a kaan mɔ ma lè.

Zyozuwe 6:20

A syɛ́ɛnmi yákpogèle wáa, á be tòmaayi wìi. Lǎli ni syɛ́ɛnbèle tòmaayi wìimɛ lóʔo lè, a be yákpogèle wáa gbanʔama, a tǒw kabi n too wiyɛɛ na, a syɛ́ɛnbèle myɛ nibin nibin lúgu n jée gbakama kěgi ni n gi jaa.