Sofonii 1:15 - Cebaara Bible 2010

¹⁵ Cángi bee i nyɛ fundanʔagbɔɔrɔ canʔa, ní wɔʔɔgɔ, ní funjurugoro canʔa, kálagila, ní kálagigbɔɔlɔ canʔa gii, yébilimɛ ní yébiliwɔɔlɔ canʔa gii, nyɛ̀ʔɛwɔɔlɔ ní nìgolowirige canʔa gii.

Sofonii 1:15 Iomraidhean Croise

Ezayi 13:9

Wéle, Yawe cángi gi maa gee, nyinimɛ o gi ni í, cangbanga, ní fundanʔagbɔɔrɔ, ní kayaagbɔʔɔ canʔa gii, gee ki a ba tári kàriga lè wowaara ní, gee ki a ba kapeebyebèle kwɔ́ɔ lè.

Ezayi 22:5

Níì cán funjurugoro, ní tɔ́nʔɔnɔnɔ, ní funwɔɔrɔ canʔa gii, gee Kàfɔw tórigo naa lè, woro wee wi lè Nyɛ̀ʔɛni Sùlasiibéle Kafɔlɔ Yawe, tǒw i kpúmɔn ni cáan yanyaagi jǐnlɔgɔ ni, pe i yákpolo wáa nyanbelegi ma ni syɔɔlɔ caa.

Ezayi 8:22

Koro kàdoʔo ma pe a ra wéle tári na, wéle, ki a pye fɔ̀rɔgɔ, ní yébilimɛ, ní wɔʔɔgi yébiliwɔɔlɔ. Pe a ŋɔrigɔ wáa yébiliwɔɔlɔ ni.

Zyeremii 30:7

Wɔʔɔlɔ! Níì cán cángi bee tɔ̀nɔ́ i nyɛ cângbɔʔɔ! Ki felege ga kɔ́ɔ̀ pye í. Fɔ̀rɔgɔ làla lii Zyakɔbi ma, kàjáa wi a yiri gi ni wozyɔɔɔ ní.

Zyowɛli 2:11

Yawe i yákpolo wáa wi kapɛɛnkpumɔnbèle yɛ́ʔɛ ma. Níì cán wi kapɛɛnkpumɔnbèle kabiga n kpɔ́ʔɔ cama, a wi syɛ́ɛnri forofɔlɔ sée kpɔ́ʔɔ. Níì cán Yawe cángi i nyɛ cângbɔʔɔ, fyáakpɔɔrɔ canʔa tɔ̀nɔ́ gii, wìí wi a gbǎn gi sígi yérige?

Zyowɛli 2:2

Yébilige, ní yébiliwɔɔlɔ canʔa gii, fàfaanya ní nìgolowirige canʔa gii, ki i maa àmɛɛ nyǐnjerige nyɛ lè nyanbeleyi na. Syɛɛnfelegaa wéle, gee gi nɛʔɛ lè á gi fǎngi wɔ́ɔ̀ kpɔ́ʔɔ, gee gi lè ki felege da kɔ́ɔ̀ pye beè í, ki felege si a ní wɔ́ɔ pye nyáana yìrigèle gele ni ge maa lè í.

Sofonii 1:18

Pe wálifiiw yoo, pe tɛ́ɛw yoo, toro a gbǎn ba be syɔɔ Yawe fundanʔagbɔɔri canʔa na í. Wi yejaagi náa a tápow sórigo, ki a tɔ̀nɔ́ pye fyáakpɔɔrɔ àmɛɛ wi a tári syɛ̀ɛnnɛ myɛ kálagi kwɔ́ɔ lè.»

Sofonii 2:2

sáni kajoo-mí-cerili í pàlá pan lè, sáni cángi bee í ba sɔ̀lɔ àmɛɛ sùweʔe nyɛ lè, sáni Yawe fundanʔari káfugbanga í ba too yele na lè, sáni Yawe fundanʔari canʔa í ba nan yele na lè!

Matye 24:29

«Wɔʔɔli bee canya kàdoʔo ma, cángi a kàri yébilimɛ terire, yégi a ní fílige í, ŋɔripiigèle sáā yìrigí nyɛ̀ʔɛni na bi ba ra tuun tári na, nyɛ̀ʔɛni fàngboloyo a cúngo.

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Làlwaw Kaanziin 28:52

Ki a sa tɛ́ɛn mɔ taana kapɛɛnni kánma na kěyi myɛ ni mɔ nyɛ lè fwɔɔ bi taa tòdɔnɔ-nìriyee na mɔ a mɔ sɔngunmi taʔa lè yee bee í too mɔ tári tɛ́ɛyɛ myɛ ni. Ki a tɛ́ɛn mɔ taana kapɛɛnni kánma na kěyi myɛ ni mɔ nyɛ lè tári ni, dee Yawe mɔ Kolocɔlɔw a kaan mɔ ma lè.

2 Pyɛri 3:7

Kàjáa syɛ́ɛnri bee wonijanra báriga ni nyɛ̀ʔɛgèle ní tári di nyɛ lè tɔ́ɔliw ni, ti i nyɛ wogɔnrɔ ní náagi kánma na, Kolocɔlɔɔ n di yaʔa yaà bi taa cángi bee í ba nan, gee ni wi a kútiiw ceri woro yɛ́ʔɛnaa-sìnvyaabèle na si be kálagi lè.

Tɛ̀ɛnnɛ 6:17

níì cán pe fundanʔagbɔɔri canʔa n nan, wìí si wi a gbǎn yére di sige?»