Sofonii 1:14 - Cebaara Bible 2010

¹⁴ «Yawe cângbɔɔgi n nùuni, ki n nùuni, ki i maa kelekele. Nànniriw a ra yákpobɛnʔɛ wáa Yawe cángi tìnmɛ kéele na.

Sofonii 1:14 Iomraidhean Croise

Ezayi 15:4

Hɛsyibɔn, ní Eleyale i sùpiigèle wáa, a be yákpogèle i lúro fwɔɔ Yahasi ma, koro na Mowabi kapɛɛnkpumɔnbèle i sùpiigèle wáa, zɔ̌nbèle i cɛ̀lɛ́ be na.

Ezayi 33:7

Zyerusalɛmi nànniribèle be yákpogèle wáa bele kàfugi na. Yɛɛ̀nyingi tundunbéle be nyaan bele gbanʔama.

Ezayi 66:6

Yákpogbɔɔlɔ i yirigi kěgi ni, yákpolo i yirigi kpɔ̀ʔɔrɔli kpaʔa ni. Yawe yákpoli lii, woro wee wi wi nigoobèle sàra kaangi be ma lè.

Ezayi 8:22

Koro kàdoʔo ma pe a ra wéle tári na, wéle, ki a pye fɔ̀rɔgɔ, ní yébilimɛ, ní wɔʔɔgi yébiliwɔɔlɔ. Pe a ŋɔrigɔ wáa yébiliwɔɔlɔ ni.

Zyeremii 25:36

Ye bànaʔabèle yákpowáara lóʔo, ní yaweeri yɛɛ̀kinibéle cɛ́ɛnmɛ, níì cán Yawe n be yaweenaʔa-tɛ́ɛgi kálagi.

Zyeremii 30:7

Wɔʔɔlɔ! Níì cán cángi bee tɔ̀nɔ́ i nyɛ cângbɔʔɔ! Ki felege ga kɔ́ɔ̀ pye í. Fɔ̀rɔgɔ làla lii Zyakɔbi ma, kàjáa wi a yiri gi ni wozyɔɔɔ ní.

Zyeremii 46:5

Nyàʔá na mii be nyaa pe i cɛ̀lɛ́? Pe i lúrugu kàdoʔo ma. Fànʔa n taa be nànniribèle na, pe i fé, ni fé, pe o kàragí ni wéle í. Fyáakpɔɔrɔ i nyɛ kàbanyi myɛ na,» Yawe wi jo nya.

Zyeremii 48:41

Pe n fànʔa taa Keriyɔti na, kèniriyi n láʔa yaà, Mowabi nànniribèle fúnyo si i nyɛ cángi bee àmɛɛ cɔlɔɔ wóʔo nyɛ, wee wi nyɛ seeli na lè.

Ezekyɛli 12:23

Awá, ki joo be ma mí be pye: Kàfɔw Yawe wi syɛ́ɛnri naa joo níì jo: Mii a kàseeli bee sàa. Pe a ní da li wáa Isirayɛli ni í. Kàjáa ki joo be ma mí be pye: ‹Cányi i nùuni, yee ni yanyaayi myɛ a foro lè.›

Ezekyɛli 30:3

Níì cán cángi i nùuní, Yawe cángi i nùuní, fàfaanra canʔa gii, syɛɛnfeleyi làla li a pye.

Ezekyɛli 7:12

Lǎli i maa, cángi i nùuní! Yasyɔɔw ga yɛlɛ waa fundaanra kpéʔele í, yapáraw ga yɛlɛ waa kùu káyaʔa kpéʔele í! Níì cán fundanʔari fànʔa n folo n yiri kěgi syɛɛnnɛʔɛmɛ myɛ kánma na.

Ezekyɛli 7:16

Pe wogorobèle a fàn bi syɔɔ, pe a pye nyanbeleyi na àmɛɛ jǐnlɔyi kàtogèlē nyɛ lè. Pe myɛ nibin nibin i cɛ́ɛn pe kolomi kéele na.

Zyowɛli 1:15

Ee! Cángi naa félege! Níì cán Yawe cángi n nùuni, ki i maa àmɛɛ cangaa nyɛ, gee ni Séew Myɛ Kàfɔlɔ a kálagila kpéʔele lè.

Zyowɛli 2:1

Ye tòmaagi wìi Siyɔn ni! Yaa yákpolo wáa mii nyanbejǎngi na! Ki n yɛlɛ tári syɛ̀ɛnnɛ myɛ í da cɛ̀lɛ́! Níì cán Yawe cángi i maa, ncan ki n nùuni.

Zyowɛli 2:11

Yawe i yákpolo wáa wi kapɛɛnkpumɔnbèle yɛ́ʔɛ ma. Níì cán wi kapɛɛnkpumɔnbèle kabiga n kpɔ́ʔɔ cama, a wi syɛ́ɛnri forofɔlɔ sée kpɔ́ʔɔ. Níì cán Yawe cángi i nyɛ cângbɔʔɔ, fyáakpɔɔrɔ canʔa tɔ̀nɔ́ gii, wìí wi a gbǎn gi sígi yérige?

Amɔsi 8:2

A wi mii pye: «Amɔsi, nyàʔá mɔ nyaa?» A mii wi yari: «Yasanlɛɛgwɔɔrɔ sɛʔɛlɛ.» A Yawe mii pye: «Mii syɛ́ɛnbèle Isirayɛli ye làrigwɔɔli li lɛɛ n kwɔ́ɔ nya. Mii a tée ní be kùsulugi syɔɔ í.

Sofonii 1:10

Cángi bee na yákpowáara a ra lúro yaà Fábèle kpàánweele ma, Yawe wi jo nya, sùpiire a ra lúro yaà kèyabifɔngi ma, kálagigbɔɔlɔ tinmɛ a ra lúro yaà dǎndamayi na.

Sofonii 1:7

Ye kòro pyèrio Kàfɔw Yawe yɛ́ʔɛ ma! Níì cán Yawe cángi n nùuni, Yawe n tɔ̀nɔ n sárigaw sámaga, wi n wi woyeribèle sámaga n yaʔa wiyɛɛ ma kɔlɔ̀ na.»

Kapyegèle 2:20

Cángi a ba kàri yébilimɛ, yégi si kàri sìsyaan, sáni Kàfɔw cângbɔʔɔ í nan lè ki lè nìjangbɔɔri canʔa.

Filipikaʔa ye 4:5

Ki n yɛlɛ syɛ́ɛnbèle myɛ í yele fûnnyingi kéele cán. Ye wéle Kàfɔw n nùuni naa.

1 Tesaloniki ye 4:16

Níì cán Kàfɔw tiimaa a yìri nyɛ̀ʔɛni na bi tìgi ní báriga yákpogbɔɔlɔ ní, ní nyɛ̀ʔɛni tundungbɔɔɔ yákpolo ní, ní Kolocɔlɔɔ búruw wìimɛ ní, bele si be kùu lè Kirisi ni, poro pe a séli nyán yìri.

Heburubèle 12:26

Lǎli bee ni wi yákpoli maa tári cúngo, kàjáa tɔ́ɔliw ni wi n gi joo níì jo: «Mii a ní tári cúngo tɔlɔgɔ nibin, kàjáa tári yagana ban mii a cúngo í, fwɔɔ mii í wɔ́ɔ nyɛ̀ʔɛni cúngo.»

Zyaki 5:9

Ni senyɛ̀nnɛ, ki ga yɛlɛ yele í da tíri yeyɛɛ na í, koro ga pye Kolocɔlɔɔ kútiiw a kɔ́ too yele na í. Kútiijoow wi nan n kwɔ́ɔ wee kpaaweeli na.

2 Pyɛri 2:3

Pe a jànvaa syɛ́ɛnri tɛ́ʔɛ bi yele kpéʔele be jàgi-yárira be nyabɛɛnni kéele na. Kútiiw Kolocɔlɔɔ ceri be na lè nlaa yaà làridɔɔnnɔ ni, wee bee i nyɛ kólogi na n kwɔ́ɔ, pe kálagili si wɔ́ɔ i nyɛ̀nɛ na ni be sige.