Sofonii 1:13 - Cebaara Bible 2010

¹³ Pe lɔ́ri a fuguri láa, pe kpáayi a kòro wowaaya ní. Pe a kpaaya faan, pe si a tɛ́ɛn yi ni í, pe a ɛrɛzɛn tírire cɔ́rɔ, pe si a gbaa di dùvɛɛnw na í.

Sofonii 1:13 Iomraidhean Croise

Ezayi 6:11

A mii jo: «Fwɔɔ bi ba nan làlìí na Kàfɔw?» A wi mii yari: «Fwɔɔ bi taa kěyi í ba kálagi bi pye syɛɛnnɛ fun, kpáayi í pye syɛ̀ɛnnɛ fun, tári í kálagi péw.

Zyeremii 15:13

Mii a mɔ lɔ́ri, ní mɔ lɔ́ri tɛɛkɔnyɔ kaan kawaʔa na pe fuguri bi láa mɔ kapeegèle myɛ kéele na, gele ge kpéʔele mɔ tásaligi myɛ na lè.

Zyeremii 17:3

Mii sìnbirigi nyanbelege, mii i mɔ kɔ́lɔ yáriri, ní mɔ lɔ́ri tɛɛkɔnyɔ myɛ kaangi a be i fuguri ni lée n fàra mɔ sáriga-wòlo-tɛ́ɛyi na, mɔ kapeeli kéele na mɔ kpéʔele mɔ tásaligi myɛ na lè.

Zyeremii 4:20

Pe i kálagila nyuu ni taari kálagila na, níì cán tári myɛ n kálagi. Mii fànikpaayi n pàla n kálagi làrinijanna ni, n mii tɛɛlàrayi fànibēle kálagi làla nibin ni.

Zyeremii 4:7

Càaraw n ye n yiri wi tɛɛlàragi ni, syɛɛnfeleyi kálagifɔlɔ i nyɛ n kwɔ́ɔ tánʔani na, wi n yiri n kwɔ́ɔ wi tɛɛkòrogi ni bi mɔ tári kálagi. Mɔ keyi a pye kataya, syɛ̀ɛnnɛ a ní pye yi ni í.

Zyeremii 5:17

Ki a mɔ yaliilaari ní mɔ búruw lìi, ki a mɔ nanbiigèle ní mɔ calipiigèle lìi, ki a mɔ yaweeyiligèle ní mɔ yaweekpologèle lìi, ki a mɔ ɛrɛzɛn tíriri ní mɔ děsyaantiiri lìi, ki a mɔ keniriyi kálagi ní ŋɔséew ní, yee na mɔ mɔ sɔngumi taʔa lè.

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Zyeremii 9:19

Koro na, cébèle, ki n yɛlɛ ye Yawe syɛ́ɛnri lóʔo, ye gi yaʔa ki jée yele líiweegèle ni, gee wi nyɔ́ɔgi nyuu lè! Yáā yele calipiigèle tama kùúgi nyɛniganma na. Ye myɛ nibin nibin sáā yeyɛɛ dama nyamɛɛwáari na.

Kayaagi Nyɛnigɛ 5:2

Wolo kɔ́rigi n kàriga n kaan nibɔɔnnɔ ma, wolo kpáayi n kaan niteleye ma.

Ezekyɛli 22:31

Mii n mii fundanʔagbɔɔri yàli be na, mii n be kálagi n kwɔ́ɔ ní mii fundanʔagbɔɔri náa ní. Mii n be kapyegèle yaʔa a ge lúru n kòro be nyúnyi ni, Kàfɔw Yawe wi jo nya.»

Ezekyɛli 7:19

Pe a be wáliw wáa kàlari-kóloyi ni, pe tɛ́ɛw si ba pye yafɔnʔɔgɔ. Pe wálifiiw, ní be tɛ́ɛw a gbǎn be syɔɔ Yawe fundanʔagbɔɔri canʔa na í. Pe a gbǎn be yákpodiriyi tín í, wàlá bi be fícarigèle nyìn í. Níì cán koro gi pye pe kàdɛnɛ-gbírigegi, ní be kolomi nyúngo.

Ezekyɛli 7:21

Mii a di le nibɔɔnnɔ kɔ́yɔ ni pe di fuguri láa, bi di pye tári kakazuubéle yakoliro, koro ga pye pe di kpéʔele yafaʔaga.

Ezekyɛli 7:24

Syɛɛnfeleyi yi pee n sɔ̀lɔ lè, mii a yoro kɔ́ri yi pan jàngó yi ba be kpáayi syɔɔ taa. Mii a fànnɛʔɛgɛfɔbèle nɛ̀ɛgbɔʔɔgɔ kwɔ́ɔ, pe tɛɛcǎnyi a nɔ́nʔɔ.

Amɔsi 5:11

Amɛɛ yele wɔ́ɔ̀ foomɔfɔw tánʔana lè, ní àmɛɛ yele bile syɔɔ wi ma lè námara kpɔ́ʔɔrɔ, kpáayi yele faan ní kàdɛnɛgboloyi ní lè yele a jée yi ni í, ɛrɛzɛn tíricǎnri yele cɔ́rɔ lè yele a gbaa ti dùvɛɛnw na í.

Misye 3:12

Koro na, yele kéeli na Siyɔn a tɔ̀nɔ́ fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.

Misye 6:15

Mɔ a ra lùguri lúru, mɔ si a ra yaliire lée í, mɔ a ra olivyew pulɔlɔ, mɔ si a ra sìnmɛ taagi í, mɔ a ra dùvɛɛnfɔnw wóo, mɔ si a dùvɛɛn taa gbaa í.

Sofonii 1:9

Cángi bee na bele myɛ be yegi ni kpaaweegèle kána lè, ní bele pe be Kàfɔw kpaʔa nyìngí péemi, ní námaraw na lè, mii a keele tɛ́ʔɛ be na.

Làlwaw Kaanziin 28:30

Mɔ a pìcaa cò, nànwaa nikwɔɔ si ba wi kálagi. Mɔ a kpaʔa faan mɔ si a tɛ́ɛn gi ni í. Mɔ a ɛrɛzɛn tírire cɔ́rɔ, mɔ si a di yasanri taa í.

Làlwaw Kaanziin 28:39

Mɔ a ra ɛrɛzɛn tírire cɔ́rɔ, mɔ a di fála, mɔ si a dùvɛɛn taa gbaa í wàlá bi ɛrɛzɛn-jɔnjɔnyɔ cɛnɛ í, níì cán fyɛ́ɛnri a yi lìi.

Làlwaw Kaanziin 28:51

Ki a ba ra mɔ yaweeri pìibēle káa bi wɔ́ɔ ra mɔ tásaligi yasanra líi, fwɔɔ bi taa ki mɔ kálagi kwɔ́ɔ. Ki a tée yaliifálara wàlá dùvɛɛnfɔɔn, wàlá sìnmɛ wàlá mɔ yaweekpologèle pìiwaa wàlá mɔ yaweeyiligèle pìiwaa yaʔa mɔ ma í fwɔɔ bi taa ki mɔ kálagi kwɔ́ɔ.