Sofonii 1:12 - Cebaara Bible 2010

¹² Lǎli bee ni mii a Zyerusalɛmi fuguri bi màʔa ní fètingéle ní, mii a keele tɛ́ʔɛ bele na be tìgi n tɛ́ɛn be sindɛɛgi na lè ní i gi nyuu be fúnyi ni níì jo: ‹Yawe o kacànga wàlá kapeʔe kpéʔele í.›

Sofonii 1:12 Iomraidhean Croise

Zyɔbi 21:15

Wìí wi nyɛ Séew Myɛ Kàfɔlɔ, á gi yɛlɛ wolo í da báara wi ma? Wolo ga ni wi nyɛ́ɛri nyàʔá tɔ̀nɔfeleo wolo a taa gee bee ni?›

Ŋúnuyi 10:4

Syɛɛnpeeo i wiyɛɛ gbɔ́ʔɔgi ní i gi nyuu níì jo: «Yíbege o yaà í! Kolocɔlɔɔ o yaà í!» Wi sɔ̀nguri myɛ di nyɛ toro.

Ŋúnuyi 14:1

Ŋúnuŋùúbèle kùndigi wóʔo. Davidi ŋúnugi. Nilabalaga ki gi nyuu kiyɛɛ fúngi ni níì jo: «Kolocɔlɔɔ o yaà í!» Pe n peyɛɛ gálagi, pe n kapeekpoloyo kpéʔele. Syɔɔn faala o beè, wee wi kacàngēle kpéʔele lè í.

Ŋúnuyi 94:7

Pe i gi nyuu níì jo: «Yawe o gi nyaagi í, Zyakɔbi Kolocɔlɔw yákirii o gi na í.»

Ezayi 5:19

Pe si i gi nyuu níì jo: «Ki n yɛlɛ wi tɔlɔyɔ wári, ki n yɛlɛ wi kɔlɔ̀ wári ní wi kapyeli ní, koro ga pye wolo í li nyaa! Ki n yɛlɛ Isirayɛli ye Wojanw katimanana í da maa kelekele bi ba foro, koro ga pye wolo í li cán!»

Zyeremii 10:5

Kolocɔlɔbèle bee i nyɛ àmɛɛ tiikórigo nyɛ lè, pe o nyuu í, a pe be tugu wii, níì cán pe a gbǎn tánʔa í. Ye a kɔ́ ra fɛ̀ɛgí be na í. Níì cán fànʔa o be ni bi gbǎn kapeʔe kpéʔele í. Anbée gi wɔ́ɔ̄ nyɛ fànʔa o be ni bi gbǎn kacànna kpéʔele í.»

Zyeremii 48:11

Mowabi maa pye wodɛ́ɛɔn ní sági nlaa wi cárimi làla ni, wi maa ni tɛ̀ɛ́n sági wi sindɛɛgi ǹjoʔo ni, pe da ni wi yirigi yalegaa ni ni kàragí kàa ni í, wi ga cò n kári í. A wi tàánmi wɔ́ɔ̀ kòro wonijanma, wi núngi ga wɔ́ɔ̀ kàri í.

Ezekyɛli 8:12

A wi mii pye: «Syɔɔn-pya, a mɔ gi nyaa lé gee Isirayɛli kpáagi wòolo wolɛɛbèle kpéʔele yébilimi ni lè, pe myɛ nibin nibin pe kpaafunyi ni yi nyìn yɛɛcɔɔpiigèle na lè? Níì cán pe i gi nyuu níì jo: ‹Yawe o wolo nyaagi í, Yawe n tári yaʔa.› »

Ezekyɛli 9:4

A Yawe wi pye: «Sɔ̀lɔ mi màʔa kěgi nínge ni, Zyerusalɛmi níngi ni, mi fɛ̀ɛ kpúmɔn syɛ́ɛnbèle gbáagéle na, bele be cɛ́ɛn lè, ní i nyaan yanɔnʔɔyi myɛ kéele na yi kpéʔele lè gi ni.»

Ezekyɛli 9:9

A wi mii yari: «Isirayɛli kpáagi, ní Zyuda kpáagi wòolo kolomɔ n tɔ̀nɔ n kpɔ́ʔɔ n sɔ̀lɔ. Tári n nyìn syɛɛnkpoori na, kěgi n nyìn kakolobyeri na, níì cán pe i gi nyuu níì jo: ‹Yawe n tári yaʔa, Yawe o yafyɛn nyaagi í.›

Amɔsi 6:1

Wɔʔɔlɔ i nyɛ bele na be tɛ́ɛn lè ŋɔ́ndaala na Siyɔn ni, ní bele na be tɛ́ɛn lè yɛɛ̀nyinge na Samarii nyanbelegi na, ní wogbolobèle bee na pe nyɛ lè syɛɛnfeleyi wózelige poro bele kurugo Isirayɛli kpáagi wòolo syée lè.

Abidyasi 1:6

Ee! Pe n tɔ̀nɔ n Ezau fuguri! Wi tɛɛlaragèle n cariga n nyaa!

Malasyii 2:17

Yele i Yawe fɔ̀rɔgí ní yele syɛ́ɛnri ní, á yele si i gi nyuu níì jo: «Nyàʔá ní wolo wi fɔ̀rɔgí?» Koro gi nyɛ yele i gi nyuu níì jo: «Wee faala wi kapeeyi kpéʔele lè, wee bee n nyɔɔ Yawe nyɛ́nɛ na, syɛ́ɛnbèle bee félege kéele li wi dɛ́nɛ!» Wàlá ni gi nyuu níì jo: «Sán sínni Kolocɔlɔɔ nyɛ?»

2 Pyɛri 3:4

si jo: «Wi da wi nyɔ́ɔgi fàli níì jo woro a pan ì? Sán si wi nyɛ? Nlaa wo tóolɛɛbèle kùu lè yáriri myɛ i nyɛ ti kanlɛɛmi na nlaa yaà dulunyanw sélimɛ na.»

Tɛ̀ɛnnɛ 2:23

Mii a tɔ̀nɔ́ wi pìíbèle kpóo. Egilizibèle myɛ a gi cán bi cán mii wi syɛ́ɛnbèle zɔ̀nbēle ní be fúnyi sɔ̀ngurɔ sɛʔɛ ni wéle, mii a yele myɛ nibin nibin sàra bi yɛlɛ ní yele kapyegèle ní.