Sofonii 1:10 - Cebaara Bible 2010

¹⁰ Cángi bee na yákpowáara a ra lúro yaà Fábèle kpàánweele ma, Yawe wi jo nya, sùpiire a ra lúro yaà kèyabifɔngi ma, kálagigbɔɔlɔ tinmɛ a ra lúro yaà dǎndamayi na.

Sofonii 1:10 Iomraidhean Croise

2 Samyɛli 5:7

Kàjáa a Davidi Siyɔn tɛɛnirigi syɔɔ n taa. Koro gi nyɛ Davidi kèkpɔɔgi.

2 Samyɛli 5:9

A Davidi tɛ́ɛn tɛɛnirigi ni, ní i gi yiri «Davidi kèkpɔɔgi.» A wi kpaaya faan n gi màʔa, n séli Milo na n fala fungo ma.

2 Fànʔafɔbèle 22:14

A sáriga-wòlow Hilikiya, ní Ahikami, ní Akibɔɔri, ní Syafan, ní Asaya kári kanyaajoocew Hulida ma wi pye lè búroyi tɛ́ʔɛfɔlɔ Syalumi céw, Syalumi wi pye lè Tikiva jáaw, Tikiva wi pye lè Harasi jáaw. Hulida maa pye wodɛ́ɛɔn ní Zyerusalɛmi kèyabifɔngi ni. A pe ga sáà joo n kwɔ́ɔ wi ma,

2 Cányi kèlē 3:1

A Salomɔn séli Yawe kpáagi faanna na Zyerusalɛmi ni, Moriya nyanbelegi na, beè Yawe da wiyɛɛ dɛ̀ɛn wi tóow Davidi na lè, tɛ́ɛgi ni, gee Davidi da sámaga Orinan kàsyɔɔgi na lè, wi lè Yebusi ye wów.

2 Cányi kèlē 32:22

Kánmi bee na Yawe Ezekyasi ní Zyerusalɛmi ye syɔɔ Asirii fànʔafɔw Senakeribi, ní syɛ́ɛnbèle myɛ ma, níì ŋɔ́ndaala kaan be ma kàbanyi myɛ na.

2 Cányi kèlē 33:14

Koro kàdoʔo ma a wi tò faan Davidi kěgi kàdoʔo ma, Gihɔn canʔajeemɛ kabangi na, jǐnlɔgi ni, fwɔɔ n sáà nan Fábèle kpàánweele na, a wi Ofɛli màʔa, wi maa wi faan a wi tɔnɔ gbanʔama. A wi kapɛɛnkpumɔn-kùndigibéle télege Zyuda kèniriyi myɛ ni.

2 Cányi kèlē 34:22

Hilikiya ní bele fànʔafɔw da nyɛ́nɛ n wòlo lè a poro kári kanyaajoocew Hulida ma wi pye lè búroyi tɛ́ʔɛfɔlɔ Syalumi céw, Syalumi wi pye lè Tokehati jáaw, Tokehati wi pye lè Hasira jáaw. Hulida n pye wodɛ́ɛɔn ní Zyerusalɛmi kèyabifɔ́ngi ni. A be joo ní wi ní n yɛlɛ ní gee ní pe yɛlɛ bi joo lè.

Nehemii 12:39

ní Efirayimi kpàánweeli ǹjoʔo ni, ní Kpàánweelɛɛli na, ní Fábèle kpàánweele na, ní Hananeyɛli kpaataʔa-tɔ́nɔgi na, ni Dabataw kpaataʔa-tɔ́nɔgɔ na fwɔɔ n sáà nan Bǎbèle kpàánweele na. A wo sáà yére Gáridibèle kpàánweele na.

Nehemii 3:3

A Senaa yòdaʔayi Fábèle kpàánweele faan. A be li pari níì li kɔ̀riyi le, níì li gbóʔoroyi, ní li yasɔʔɔyi le.

Ezayi 59:11

Wolo myɛ i kaana àmɛɛ ursibéle nyɛ lè, wolo i kɔ́nʔɔri sìnyére ni àmɛɛ kàtogèlē nyɛ lè. Wolo i kútiisinw sige, yafyɛn si ga nyaa í! Wolo i syɔɔli sige, kàjáa li n canʔana wolo na.

Zyeremii 39:2

Sedesyasi fǎngi yɛ̀ʔɛlɛ kɛɛ ní nibin wólo yeye sicɛrɛ wóʔo, canya kpanjɛrɛ wóʔo na, a be weʔe fùru kěgi tò na.

Zyeremii 4:31

Mii i yákpowáara lúro, mɔ a jo cɔlɔɔ yákpowáara dii, wee wi nyɛ seeli na lè, wɔʔɔgɔ yákpowáara, mɔ a jo wee wi nyɛ pìiselio seele na lè. Calipili Siyɔn yákpoli lii. Li i cɛ́ɛn, li i kɔ́yi sáanri níì jo: «Wɔʔɔgɔ i mii na, mii i tuun syɛɛnkpoobèle kúruyo láara ni.»

Ezekyɛli 6:13

Lǎli ni pe woguubèle ga baa pye lè pe yasunyi nínge ni, n be sáriga-wòlo-yafaanyi màʔa dǎndama-tɔ́nɔyi myɛ, ní nyanbeleyi myɛ ǹjoyo ni, ní tiipiriyi myɛ, ní syɛni tiitɔnyi myɛ láara ni, beè pe da ni nùndaanteeli yárira sórogi lè be yasunyi myɛ ma, lǎli bee ni yele a gi cán bi cán mii wi nyɛ Yawe.

Amɔsi 8:3

Cángi bee na fànʔafɔ-gbaagi ŋúnuyo a ba kàri bi pye cɛ́ɛnmɛ,» Kàfɔw Yawe wi jo nya, «kúbèle a tɔ̀nɔ́ ba nɛʔɛ, pe a ra be wábagi da máari tɛ́ɛyi myɛ ni pyèrio.»

Sofonii 1:15

Cángi bee i nyɛ fundanʔagbɔɔrɔ canʔa, ní wɔʔɔgɔ, ní funjurugoro canʔa, kálagila, ní kálagigbɔɔlɔ canʔa gii, yébilimɛ ní yébiliwɔɔlɔ canʔa gii, nyɛ̀ʔɛwɔɔlɔ ní nìgolowirige canʔa gii.

Sofonii 1:7

Ye kòro pyèrio Kàfɔw Yawe yɛ́ʔɛ ma! Níì cán Yawe cángi n nùuni, Yawe n tɔ̀nɔ n sárigaw sámaga, wi n wi woyeribèle sámaga n yaʔa wiyɛɛ ma kɔlɔ̀ na.»