Sélimɛ 9:6 - Cebaara Bible 2010

⁶ Wàa ga wi syɛɛnnyɛnnɛ sìsyaan wo, syɔɔnwaa wi a wɔ́ɔ wee bee fɔ́lɔ wóo wo. Níì cán Kolocɔlɔɔ n syɔɔn kpéʔele woro niwirio.

Sélimɛ 9:6 Iomraidhean Croise

Sélimɛ 4:14

Wéle, mɔ n mii nɛnɛ n léeli tɛɛ̀falagi naa na níjanʔa a gi nyaa mii n yɛlɛ bi kári sa làra léelige mɔ na. Mii a pye ninyaari-mí-màʔaga, ní nifaalaga tári na. Syɔ́ɔnwee faala wi ga sáà mii nyaa lè, wi a mii kpóo.»

Sélimɛ 42:22

Lǎli bee ni a Wurubɛn gi joo be ma níì be yari: «Mii da gi joo yele ma níì yele pye: ‹Ye a kɔ́ kapeele pye pìíw na í ì?› Yele si ga fɔ̀lɔ n lóʔo mii ma í. Awá tɔ́ɔliw ni doò, wi sìsyaanw kéele li yíbe wolo ma lee.»

Sélimɛ 5:1

Adami yòdaʔayi sɛ́bɛ wi nyɛ wee naa: Cángee na Kolocɔlɔɔ syɔɔn faan lè, wi maa wi sámaga a wi woro Kolocɔlɔɔ wíri.

2 Samyɛli 4:11

N náa kɔ́ɔ̀ yére syɛɛnpeebèle be sáà syɛɛnsiɔn kpóo lè wi kpáagi ni, wi yasinɛgi na, mii si yele yaʔa lé mii a yele yíbe tɔ́ɔliw ni wi sìsyaanw kéele na si yele kálagi bi yirige tári ni í?»

1 Fànʔafɔbèle 2:9

Tɔ́ɔliw ni, mɔ a kɔ́ wi yaʔa sìnwɔʔɔ ni í, níì cán mɔ i nyɛ nàn-sícilio, gee mɔ yɛlɛ bi kpéʔele wi na lè, mɔ a koro cán. Ki yaʔa wi ǹjoofiiretɔw í kári kúseʔe ma sìsyaan ni.»

2 Fànʔafɔbèle 11:1

A Akazya nɔ́ɔw Atalii ga gi nyaa woro pìíw n kùu, a wi yìri n fànʔafɔ-dúlugi wòolo myɛ kpóo.

2 Fànʔafɔbèle 11:16

A be wi cò n sɔ̀lɔ syɔ́ɔnyi tɛɛ̀jeele kólogo ni, a pe ga sáà nan fànʔafɔw kpaʔa na, a be wi kpóo yaà beè.

2 Fànʔafɔbèle 11:20

A tári syɛ̀ɛnnɛ myɛ i fundaanra kpéʔele. A kěgi syɔɔ n nyíngi Atalii kpóogwɔɔli kàdoʔo ma ní ŋɔséew ní fànʔafɔw kpaʔa ni.

2 Cányi kèlē 33:24

A wi falipyebèle nyɔɔ kúun wi na níì wi kpóo wi kpáagi ni.

Ŋúnuyi 51:4

Mii wéli mi mii kolomi myɛ láʔa mii na, mii kapeeli jée mi láʔa mii na.

Yirile 20:13

Mɔ a kɔ́ syɔɔn kpóo í.

Kàseegèle 28:17

Wee na syɛɛnkpoori kapeele nyɛ lè, wi i fé ni syée wéegi ma, wàa a kɔ́ wi yérige í.

Syɛɛnjóow 3:3

Kpóoli làla i yaà, a pɔʔɔli làla i yaà. Jabagili làla i yaà, a faanni làla i yaà.

Levii ye sáriga-wòlori 17:4

n gi yaʔa wi ga pan ní yaweeli bee ní syɛ́ɛnmi tɛɛfaraga fànikpaʔa yɛ́ʔɛ ma n baa kaan Yawe ma sáriga Yawe kpɔ̀ʔɔrɔli fànikpaʔa yɛ́ʔɛ ma í, sìsyaanw kapeele a córo nǎnw bee na, ncan wi n sìsyaan wo. Pe a nǎnw bee kwɔ́ɔ bi yirige wi syɛ́ɛnbèle nínge ni.

Levii ye sáriga-wòlori 24:17

Wàa ga wi syɛɛnnyɛnnɛ kpúmɔn n kpóo, pe a wɔ́ɔ syɔ́ɔnw bee kpóo.

Córolo 35:16

Syɔɔnwaa ga wi syɛɛnnyɛnnɛ kpúmɔn ní tunmɔrɔ yáriga ní, á wi kùu koro fúngo ni, syɛɛnkpóō wii. Pe a syɛɛnkpoow kpóo.

Córolo 35:25

Syɛ́ɛnmi a syɛɛnkpóow syɔɔ sìsyaanw wolo gɔlɔ́-wòloo ma bi lúrugo tórigo kàsuro-jée-kěgi ma, gee ni wi da fàn n sáà jée lè, wi a kòro yaà beè bi taa sáriga-wòlobèle kàfɔlɔ í ba kùu, woro wee na be kàlifaali sìnjànma wo lè.

Córolo 35:33

Táree ni yele a sa pye lè, yele a kɔ́ di nɔ́nʔɔ í, níì cán sìsyaanw i tári nɔ́ɔnri. Sìsyaanwee wi ga wo tári ni lè, yafyɛn a gbǎn wi woli kapeele kusulugo fáli kpéʔele tári kéele na í, kapye wi wovɔw tiimaa sìsyaan ban í.

Matye 26:52

A Zyezu wi yari: «Mi mɔ ŋɔséew lúrugo mi le kpàfogi ni. Níì cán bele myɛ be ŋɔséebèle lée lè, pe a wɔ́ɔ bele bee kpóo ní ŋɔséebéle ní.

Wɔrɔmi ye 13:4

níì cán fànʔafɔlɔ i nyɛ Kolocɔlɔɔ falipyeo mɔ nyɔɔmi kéele na. Mɔ si ga ni kapeegèle kpéʔele, ki n yɛlɛ mɔ í da fɛ̀ɛgí wi na kɛ. Níì cán ŋɔséew o nyɛ wi kɔ́gi ni gbanzan í, wi i nyɛ Kolocɔlɔɔ falipyeo bàā Kolocɔlɔɔ fundanʔari cáan kapeebyebèle na.

1 Korɛnti ye 11:7

Nàɔn ga yɛlɛ wi wi nyúngi tɔ́n í, níì cán woro wi nyɛ Kolocɔlɔɔ niwiriw, ní i Kolocɔlɔɔ nìjanri tèé, céw si i nǎnw nìjanra tèé.

Làlwaw Kaanziin 19:11

Kàjáa nàɔn syɛɛnnyɛnnɛ kéele ga wi bɛɛn, á wi sáà làra n wi sige, níì yìri wi kánmi na n wi kpúmɔn kùumɔ, a wi zǐn kùu, syɔ́ɔnw bee ga fàn n kári kěgi bee kàa ma,

Làlwaw Kaanziin 5:17

Mɔ a kɔ́ syɔɔn kpóo í.

Zyaki 3:9

Ní loro ní wolo Kàfɔw kpɔ̀ʔɔrɔ́ wi lè wolo Tóow, loro wonijanni ní wolo wɔ́ɔ̄ syɛ́ɛnbèle dángi, poro bele Kolocɔlɔɔ faan a be woro tiimaa wíri lè.

Tɛ̀ɛnnɛ 13:10

Wee ga yɛlɛ ní púlori ní lè, pe a wi cò bi tórigo di na. Wee si wi pèle kúu ní ŋɔsée ní lè, pe a wɔ́ɔ wee bee kpóo ní ŋɔsée ní. Gee bee na Kolocɔlɔɔ syɛɛncanbèle yɛlɛ paa kpàracogo kpéʔele si tágali cò.

Jàbɔbèle 9:56

Kánmi bee na Kolocɔlɔɔ Abimelɛki sàra n yɛlɛ ní kapeegee ní wi kpéʔele wi tóow na lè àmɛɛ wi da wi senyɛnbèle togoye taanri ní kpɔrigɔ kpóo lè.

1 Samyɛli 15:33

A Samyɛli jo: «Amɛɛ mɔ ŋɔséew càbala bɔ̀nɔ be pìibēle ni lè, kánmi bee na mɔ nɔ́ɔw a wɔ́ɔ bɔ̀nɔ wi pìíw ni cesanbèle nínge ni.» A Samyɛli Agagi cɛnɛ cɛnɛ Yawe yɛ́ʔɛ ma Giiligali ni.