Sélimɛ 9:5 - Cebaara Bible 2010

⁵ Yele sìsyaanw wi nyɛ lè yele sìíw, mii a wɔ́ɔ ba yíbege kpéʔele wi kéeli na. Yaweʔe o yaweʔe ga syɔɔn kpóo, mii a yaweegi bee yíbe syɔ́ɔnw bee sìsyaan kéele na. Syɔɔn ga wɔ́ɔ̀ wi syɛɛnnyɛnnɛ kpóo, mii a wi yíbe wi syɛɛnnyɛnw sìsyaan kéele na. Mii a tɔ̀nɔ́ syɔɔn yíbe wi senyɛnw sìi kéele na.

Sélimɛ 9:5 Iomraidhean Croise

Sélimɛ 42:22

Lǎli bee ni a Wurubɛn gi joo be ma níì be yari: «Mii da gi joo yele ma níì yele pye: ‹Ye a kɔ́ kapeele pye pìíw na í ì?› Yele si ga fɔ̀lɔ n lóʔo mii ma í. Awá tɔ́ɔliw ni doò, wi sìsyaanw kéele li yíbe wolo ma lee.»

2 Samyɛli 4:11

N náa kɔ́ɔ̀ yére syɛɛnpeebèle be sáà syɛɛnsiɔn kpóo lè wi kpáagi ni, wi yasinɛgi na, mii si yele yaʔa lé mii a yele yíbe tɔ́ɔliw ni wi sìsyaanw kéele na si yele kálagi bi yirige tári ni í?»

1 Fànʔafɔbèle 2:6

Ki kpéʔele mi yɛlɛ ní mɔ sícilimi ní, mɔ a kɔ́ wi ǹjoofiiretɔw yaʔa wi kári kúseʔe ma yɛɛ̀nyinge na í.

2 Fànʔafɔbèle 11:1

A Akazya nɔ́ɔw Atalii ga gi nyaa woro pìíw n kùu, a wi yìri n fànʔafɔ-dúlugi wòolo myɛ kpóo.

2 Cányi kèlē 24:22

Kacǎnnee Zakarii tóow Yehoyada da kpéʔele fànʔafɔw Zyowasi na lè, wi ga sɔ̀ngi lee bee na í, níì wi jáaw kpóo. N Zakarii yaʔa kúkoliw na, a wi gi joo níì jo: «Ki n yɛlɛ Yawe í gi nyaa si yíbege kpéʔele gi kéeli na.»

2 Cányi kèlē 33:24

A wi falipyebèle nyɔɔ kúun wi na níì wi kpóo wi kpáagi ni.

2 Cányi kèlē 33:25

Kàjáa bele myɛ pe da nyɔɔ kúun fànʔafɔw Amɔn na lè, a tári syɛ̀ɛnnɛ bele bee kpúmɔn n kpóo, níì wi jáaw Zyozyasi télege fǎngi na wi sìndɛɛgi ni.

Ŋúnuyi 9:12

Yaa ŋúu Yawe ma, woro wee wi nyɛ lè wodɛ́ɛɔn ní Siyɔn ni. Kakpoloyi wi kpéʔele lè, yaa yi kéeli nyuu syɛɛnfeleyi myɛ nínge ni!

Yirile 20:13

Mɔ a kɔ́ syɔɔn kpóo í.

Yirile 21:12

«Syɔ́ɔnwee wi ga wi syɛɛnnyɛnnɛ kpúmɔn n kpóo lè, pe a syɔ́ɔnw bee kpóo wii.

Levii ye sáriga-wòlori 19:16

Bele be nyɛ lè mɔ syɛ́ɛnbèle mɔ a kɔ́ ra be mɛ́ɛyi kálagi da máari í. Mɔ a kɔ́ keelaa joo taʔa mɔ syɛɛnnyɛnnɛ na jàngó pe wi kpóo í. Mii wi nyɛ Yawe.

Levii ye sáriga-wòlori 24:17

Wàa ga wi syɛɛnnyɛnnɛ kpúmɔn n kpóo, pe a wɔ́ɔ syɔ́ɔnw bee kpóo.

Levii ye sáriga-wòlori 24:21

Wee wi ga yaweele kpúmɔn n kpóo lè, wi a li sìndɛɛgi kaan. Wee si wi ga syɔɔn kpúmɔn n kpóo lè, pe a wɔ́ɔ wi kpóo.

Córolo 35:16

Syɔɔnwaa ga wi syɛɛnnyɛnnɛ kpúmɔn ní tunmɔrɔ yáriga ní, á wi kùu koro fúngo ni, syɛɛnkpóō wii. Pe a syɛɛnkpoow kpóo.

Córolo 35:17

Wi ga kàdɛnɛgɛ cò wi kɔ́gi ni, gee ki a gbǎn syɔɔn kpóo lè, n tɛ́ʔɛ n wi kpúmɔn, á wi kùu koro fúngo ni, syɛɛnkpóō wii. Pe a syɛɛnkpóow kpóo.

Córolo 35:18

Tiige yárigee ki a gbǎn syɔɔn kpóo lè, wi ga koro kàa cò kɔ́gi ni n tɛ́ʔɛ n wi kpúmɔn á wi kùu koro fúngo ni, syɛɛnkpóō wii. Pe a syɛɛnkpóow kpóo.

Córolo 35:21

wàlá wi ga wi para níì wi kpúmɔn ní wi kɔ́gi ní, á wi kùu koro fúngo ni, pe a kpúmɔnfɔw kpóo, syɛɛnkpóō wii. Sìsyaanw wolo gɔlɔ́-wòloo ga wi fàra n nyaa, wi a wi kpóo.

Matye 23:35

Koro na Kolocɔlɔɔ a ba yele yíbe syɛɛnsinbèle myɛ sìsyaan kéele na, wee wi wo lè tári na, n séli syɛɛnsinw Abɛli sìsyaanw na n baa nan Zakarii wów na, wi lè Barakii jáaw, wee yele da kpóo lè kpɔ̀ʔɔrɔli kpaʔa fúngo ni sáriga-wòlo-yafaangi taana.

Kapyegèle 17:26

Wi n syɛɛnfeleyi myɛ yirige nàɔn nibin ni, níì be télege télege tári tɛ́ɛyɛ myɛ ni, níì gi kɔ̀rirɔ n be làrigèle ní be tɛɛ̀tɛ́nɛyi láʔagéle wòlo,

Làlwaw Kaanziin 19:11

Kàjáa nàɔn syɛɛnnyɛnnɛ kéele ga wi bɛɛn, á wi sáà làra n wi sige, níì yìri wi kánmi na n wi kpúmɔn kùumɔ, a wi zǐn kùu, syɔ́ɔnw bee ga fàn n kári kěgi bee kàa ma,

Làlwaw Kaanziin 19:12

wi kěgi wólɛɛbéle a tun be sa wi cò bi pan ba le sìsyaanw wolo gɔlɔ́-wòloo kɔ́yɔ ni, koro ga pye wi kùu.

Jàbɔbèle 9:56

Kánmi bee na Kolocɔlɔɔ Abimelɛki sàra n yɛlɛ ní kapeegee ní wi kpéʔele wi tóow na lè àmɛɛ wi da wi senyɛnbèle togoye taanri ní kpɔrigɔ kpóo lè.