Sélimɛ 9:3 - Cebaara Bible 2010

³ Yáriree myɛ di fíigi ni máari lè, ní i nyɛ sìi na, ti a pye yele ma lìile. Mii n toro kaan yele ma àmɛɛ mii tiisanri kaan yele ma lè.

Sélimɛ 9:3 Iomraidhean Croise

Sélimɛ 9:2

Tári yaweere myɛ, n fàra féjɛɛnri myɛ na, ní yáriree myɛ di fulolo lè, n wɔ́ɔ̀ fàra fábèle myɛ na be nyɛ lè lǒgi ni, yele yɛ́ɛyi fyáara a pye dee bee myɛ na, ti a ra fɛ̀ɛgí yele na gbanʔama. Ti n le yele kɔ́yi ni.

Levii ye sáriga-wòlori 22:8

Wi a kɔ́ yaweekuugo wàlá yaweʔe wogáa-gorolo káara káa bi wiyɛɛ nɔ́nʔɔ ní di ní í. Mii wi nyɛ Yawe.

Wɔrɔmi ye 14:14

Wolo Kàfɔw Zyezu n gi tɛ̀ɛn mii na, a mii gi cán n fílige ncan yarigaa faala ga nɔ́nʔɔ kiyɛɛ ma í. Kàjáa syɔɔn ga yarigaa córo yanɔnʔɔgɔ, ki n nɔ́nʔɔ wee bee ma.

Wɔrɔmi ye 14:17

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni.

Wɔrɔmi ye 14:20

Ki ga yɛlɛ mɔ í Kolocɔlɔɔ fáliw kálagi lìile kéele na í. Wolo n gi cán yaliiri féleye myɛ a gbǎn lìi. Kàjáa dee ti a pye lè mɔ senyɛnwaa toolo sábabu, mɔ ga dee bee lìi, koro gi pee.

Wɔrɔmi ye 14:3

Wee wi yáriri myɛ líi lè, ki ga yɛlɛ wi yaliifálari yagana lìifɔlɔ faʔa í, ki ga wɔ́ɔ̀ yɛlɛ yaliifálari yagana lìifɔlɔ í yáriri myɛ lìifɔlɔ córo kolomɔfɔlɔ í, níì cán Kolocɔlɔɔ n wi sámaga n cò.

1 Korɛnti ye 10:23

Syɔɔn a gbǎn kérigèle myɛ kpéʔele, koro i nyɛ kányɛʔɛ, kàjáa ye gi cán tɔ̀nɔ o nyɛ ke myɛ ni í. Syɔɔn a gbǎn kérigèle myɛ kpéʔele, ke myɛ si a gbǎn kàa taʔa wi na í.

1 Korɛnti ye 10:31

Gee bee na yele ga ni líi yoo, yele ga ni gbo yoo, yariga o yariga yele kpéʔele lè, ki n yɛlɛ yaa gi kpéʔele ki pye Kolocɔlɔɔ kpɔ̀ʔɔrɔlɔ kéele.

Làlwaw Kaanziin 12:15

Koro ní ki myɛ ní, ki ga mɔ dɛ́nɛ mɔ a gbǎn yaweelaa kɔ̀rirɔ kpóo bi mɔ yaʔa mɔ tɛɛkòrogi ni bi li káari káa bi yɛlɛ ní dùbawee ní Yawe mɔ Kolocɔlɔw ga taʔa mɔ na lè. Syɛɛnnɔnʔɔɔ ní syɛɛnmunuɔ myɛ siinw a gbǎn káa di na àmɛɛ pe wogaà, ní sɔ̀ɔ félegaa káara káa lè.

Kɔlɔsi ye 2:16

Gee bee na yele a kɔ́ syɔɔnwaa faala yaʔa wi kolomɔ kaan yele ma yele lìíli ní yele gbaali kéele na í, koro ga jáa fɛ́tii, wàlá yevɔngɔ, wàlá cândɛnɛgɛ kéele na í.