Sélimɛ 9:23 - Cebaara Bible 2010

²³ Lǎli bee ni a Sɛmi ní Zyafɛti burogbɔɔgi láa n taʔa be fókaannyunyi na ní i syée ní kàdoʔo ní n sáà be tóow tɔ́n, wi da pye lè níbori. Pe maa be yɛ́ɛyi wáa n pari jàngó poro a kɔ́ poro tóow níbori nyaa í.

Sélimɛ 9:23 Iomraidhean Croise

Sélimɛ 9:22

A Kanaan tóow Kami sáà wi tóow nyaa níbori, a wi pan n baa gee bee joo wi senyɛnbèle siin ma kàfugi na.

Sélimɛ 9:24

Lǎli ni dùvɛɛnw cèlege Nowe ni lè, gee wi pìíbèle kàdotɔɔn kpéʔele wi na lè, a wi gee bee lóʔo.

Yirile 20:12

Da mɔ tóow ní mɔ nɔ́ɔw kpɔ̀ʔɔrɔ́, koro ga pye táree mii Yawe mɔ Kolocɔlɔw a kaan mɔ ma lè, mɔ siiw canya í nɛʔɛ di ni.

Levii ye sáriga-wòlori 19:32

Da yìrigí maa yèré ǹjoofiiri yɛ́ʔɛ ma, máā nànlɛɛɔ kpɔ́ʔɔgi. Da fɛ̀ɛgí mɔ Kolocɔlɔw na. Mii wi nyɛ Yawe.

Wɔrɔmi ye 13:7

Gee gi yɛlɛ syɛ́ɛnbèle myɛ ma lè, yaa gee bee kaangi be ma, ki n yɛlɛ yaa nyǔnyi lɔ́rɔ kaangi nyǔnyi lɔ́rɔ syɔɔfɔlɔ ma, yáā céwologi kaangi céwologi syɔɔfɔlɔ ma, wee na yele yɛlɛ bàā fɛ̀ɛgí lè, yaa fɛ̀ɛgí wi na, wee yele yɛlɛ bàā kpɔ́ʔɔgi lè, yaa wi kpɔ́ʔɔgi.

Galasi ye 6:1

Ni senyɛ̀nnɛ, syɔɔnwaa ga too kapeele ni, yele bele ye nyɛ lè Pìicǎnni kôdanʔabéle, ki n yɛlɛ ye wi yìrige ye yérige ní fûnnyinge ní. Mɔ wee wi wi yìrige lè, maa miyɛɛ kɔ̀rɔsíi koro ga pye Sutanaw a wɔ́ɔ kɔ́ mɔ lɛ́ɛlɛ bi lége kapeelaa ni í.

1 Timɔte 5:1

Ki ga yɛlɛ mɔ í kɔ́ fúlo nànlɛɛɔ na ní fungbanga ní í, fwɔɔ maa nyuu ní wi ní fûnnyinge na àmɛɛ mɔ tóo nyɛ lè, máā nyuu ní nìgɔcaribèle ní àmɛɛ mɔ senyɛ̀nnɛ nyɛ lè,

1 Timɔte 5:17

Wolɛɛbèle be Egiliziw sámagi ni kàragí lè, bele bee n yɛlɛ ní kpɔʔɔdɛɛyɛ siin-ziin ní, bele si be Kolocɔlɔɔ syɛ́ɛnri nyuu ní i syɛ́ɛnbèle tama lè, a poro wógi si tóro.

1 Timɔte 5:19

Pe ga keelaa joo n taʔa wolɛɛwaa na, ki ga yɛlɛ mɔ í yére gi ni í kapye mɔ ga gi lóʔo séerafɔɔlɔ siin wàlá taanri ma í.

1 Pyɛri 2:17

Yaa syɛ́ɛnbèle myɛ kpɔ́ʔɔgi, yé tàmaga le ní senyɛnnɛgi ní, yáā fɛ̀ɛgí Kolocɔlɔɔ na, yáā tári fɔ́lɔ kpɔ́ʔɔgi.

1 Pyɛri 4:8

Gee gi kpɔ́ʔɔ n sɔ̀lɔ kérigèle myɛ na lè, koro gi nyɛ yele í tàmaga le ní yeyɛɛ ní gbanʔama, níì cán tàmagi i kapeegèle saʔa tɔ́ngi.