Sélimɛ 9:21 - Cebaara Bible 2010

²¹ A wi si dùvɛɛnw gbaa a wi yɛ́ɛgi wɔ́ɔ wi na, a wi wiyɛɛ waragi n yaʔa níbori wi fànikpaagi nínge ni.

Sélimɛ 9:21 Iomraidhean Croise

Sélimɛ 6:9

Nowe yòdaʔayi yi nyɛ yee naa. Nowe maa pye syɛɛnsiɔn. Wi maa pye kajoolo fun syɔ́ɔn wi lǎli syɛ̀ɛnnɛ nínge ni. Nowe maa pye pínɛnyɛnnɛgɛ na ní Kolocɔlɔɔ ní.

Sélimɛ 9:20

A Nowe tári vàlá séli, níì ɛrɛzɛn tírire cɔ́rɔ.

Kàseegèle 20:1

Dùvɛɛnw i nyɛ nɛ̀ɛnyɛnɛgɛfɔlɔ, singbǎnmi i nyɛ kàfulonɛʔɛgɛ. Wee wi ga pùuni n jée bi ni lè wi a pye sícilio í.

Syɛɛnjóow 7:20

Syɔɔn faala o beè woziɔn ní tári na, wee wi kacǎngèle kpéʔele lè, wi si o kapeele kpéʔele í.

Wɔrɔmi ye 13:13

Ki n yɛlɛ waa síngi waa táanri bi yɛlɛ ní cángi làla tánʔaganma ní, wáā woyɛɛ kɔ̀rɔsíi kakolobyeri ní singbaadinri na, si wɔ́ɔ ra woyɛɛ kɔ̀rɔsíi kanɔnʔɔri, ní cecaabeeri, ní nànjaabeeri na, ní kàsiiw, ní nyabɛɛnni na.

1 Korɛnti ye 10:12

Kánmi bee na wee wi ga ni gi sɔ̀ngí lè n jo woro n sámaga n yére, ki n yɛlɛ waa wiyɛɛ kɔ̀rɔsíi, koro ga pye wi a kɔ́ too í.

Galasi ye 5:21

ní paragi, ní singbaadinri, ní kakolobyeri ní, n fàra kérigèle kèle nikwɔɔlɔ na, gele ge nyɛ lè sèjira ní gele naa ní. Mii a gi joo yele ma àmɛɛ mii da sélì gi joo lè níì jo: Kérigèle bee kpéʔelefɔɔlɔ a gbǎn Kolocɔlɔɔ fǎngi kɔ́rigɔ lìi í.

Tiiti 2:2

Ki joo nànlɛɛbèle ma pe peyɛɛ cǒmi cán páā síngi paa táanri, si pye yákirifɔɔlɔ, pé wɔ́ɔ cólogo tágali, ní tàmagi, ní kpàracogi kàbaan na.

Tɛ̀ɛnnɛ 3:18

Mii i mɔ lálii jàngó mɔ í tɛ́ɛw syɔɔ mii ma, wee be sámaga lè ní náagi ní a wi nyɔɔ, koro ga pye mɔ í lɔnɛʔɛrɛ taa, mí buroviiye syɔɔ koro ga pye mɔ í yalere taa, jàngó pe a kɔ́ ra mɔ nyaagi níbori í, mí wɔ́ɔ nyapiiyáa-tíinmɛ syɔɔ mi pɔ̀li mɔ nyapiigèle na, koro ga pye mɔ í da nyaagi.