Sélimɛ 9:2 - Cebaara Bible 2010

² Tári yaweere myɛ, n fàra féjɛɛnri myɛ na, ní yáriree myɛ di fulolo lè, n wɔ́ɔ̀ fàra fábèle myɛ na be nyɛ lè lǒgi ni, yele yɛ́ɛyi fyáara a pye dee bee myɛ na, ti a ra fɛ̀ɛgí yele na gbanʔama. Ti n le yele kɔ́yi ni.

Sélimɛ 9:2 Iomraidhean Croise

Sélimɛ 1:21

A Kolocɔlɔɔ sólomi lòkpɔʔɔ fúngo yaweekpoloyo sámaga n fàra sìi yáriri myɛ na di nyaʔami ni máari lè gi ni. A dee bee tɔ̀nɔ n nɛʔɛ gbanʔama n yɛlɛ ní di féleyi ní. A wi wɔ́ɔ̀ fókaanyi yárira myɛ sámaga, dee di yìrigí lè, n yɛlɛ ní di féleyi ní. A Kolocɔlɔɔ gee bee nyaa a gi nyɔɔ.

Sélimɛ 1:26

A Kolocɔlɔɔ jo: «Ki n yɛlɛ wo syɔɔn faan wolo niwirio, wi pye àmɛɛ wolo nyɛ lè, jàngó syɔɔn í tɛ́ɛn fábèle nyúngo na, ní féjɛɛnri ní ti yìrigí lè, ní kěgi yaweere, wí wɔ́ɔ tɛ́ɛn tári nyúngo na, n fàra yáriree myɛ na di fulolo lè tári na.»

Sélimɛ 1:28

A Kolocɔlɔɔ dùbaw taʔa be na níì be pye: «Ki n yɛlɛ yaa sii yaa nɛʔɛgi ye tári nyìn, yáā di kàragí. Ye tɛ́ɛn fábèle nyúngo na, ní féjɛɛnri nyúngo na di nyaari lè ǹjogi ni, n fàra yaweeri myɛ na di fulolo lè tári na.»

Sélimɛ 2:19

A Yawe Kolocɔlɔɔ tári tɛ́ʔɛ n sìnbirigi yaweere féleye myɛ, ní féjɛɛnri féleye myɛ sámaga n pan ní di ní nǎnw ma, si gi wéle kánmee na wi a ra di mɛ́ɛyi yiri lè. Mɛ́ʔɛ o mɛ́ʔɛ nǎnw ga le gi kàa na lè, gee bee í kòro gi mɛ́ɛgi.

Sélimɛ 35:5

A be yìri beè n kári. A Kolocɔlɔɔ fyáakpɔɔrɔ wáa kěyi syɛ̀ɛnnɛ na, yee yi be màʔa lè, pe ga fɔ̀lɔ n yiri n taʔa Zyakɔbi jáabèle na ni nɛnɛ í.

Sélimɛ 9:1

A Kolocɔlɔɔ dùbaw taʔa Nowe ní wi jáabèle na níì be pye: «Ki n yɛlɛ ye see ye nɛʔɛ ye tári nyìn.

Sélimɛ 9:3

Yáriree myɛ di fíigi ni máari lè, ní i nyɛ sìi na, ti a pye yele ma lìile. Mii n toro kaan yele ma àmɛɛ mii tiisanri kaan yele ma lè.

Zyɔbi 39:11

A mɔ a mɔ sɔngumi taʔa lé wi na àmɛɛ wi fǎngi nɛʔɛ lè? Mɔ a mɔ faligbanw yaʔa lé wi ma?

Ezekyɛli 34:25

Mii a yɛɛ̀nyinge joogaanna kpéʔele ní be ní, mii a sìnbirigi yaweere kwɔ́ɔ bi yirige tári ni. Pe a tɛ́ɛn yɛɛ̀nyinge na sági fìími tára ni, sáā ŋúnɔ kɔ́liyi nínge ni.

Oze sɛ́bɛw 2:18

Kàfɔw Yawe n jo: «Cángi bee na mɔ a ra mii yiri: ‹Mii nǎnw.› Mɔ a ní da mii yiri: ‹Mii Baali› í.

Levii ye sáriga-wòlori 26:22

Mii a sìnbirigi yaweere kɔ́ri wáa yele na. Ti a ra yele bɔ̀nɔ́ yele pìíbèle ni, si wɔ́ɔ ra yele yaweeri kálagi. Ti a yele cɛ́rɛ tári ni. Yele kóloyi a waʔa.

Levii ye sáriga-wòlori 26:6

Mii a tári yaʔa di kòro yɛɛ̀nyinge na. Yele a ra ŋúnɔ, syɔɔn faala a ra yele tɔ́ɔrɔ í. Mii a yaweepeeyi kwɔ́ɔ bi yirige tári ni. Ŋɔséew a tée sɔ̀lɔ yele tári ni í.

Zyaki 3:7

Syɔɔn n fànʔa taa yaweeri féleye myɛ na ni di fwɔɔgi, ti lè tɔlɔyɔ sicɛrɛ-jɛrɛ wóri, ní féjɛɛnri, ní dee ní di fulolo lè, n fàra lǒgi fúngo wóro na, ànbée ki da ni kpéʔele nlaa yaà ki sélimi na.