Sélimɛ 9:16 - Cebaara Bible 2010

¹⁶ Kùlobariw a pye nyɛ̀ʔɛni na, mii si a ra wee bee wéle sáā sɔ̀ngí bàngwɔɔ joogaanni na li nyɛ lè mii Kolocɔlɔɔ ní sìi yáriri myɛ nínge ni di nyɛ lè tári na.»

Sélimɛ 9:16 Iomraidhean Croise

Sélimɛ 17:13

Syɔ́ɔnwee be see mɔ kpáagi ni lè, ní púlowee mɔ syɔɔ wáli na lè, ki n yɛlɛ pe myɛ í kɛ́nɛw kpéʔele koro ga pye mii joogaanni fɛ̀ɛ í pye yele céri ni làla o làla.

Sélimɛ 17:19

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Sélimɛ 17:7

Mii a mii joogaanni yaʔa li kòro mii ní mɔ níngi ni, si wɔ́ɔ ba kòro mii ní mɔ yodaʔayi nínge ni mɔ kadoʔo ma. Li a kòro mii ní be làrigèle myɛ syɛ̀ɛnnɛ nínge ni bàā syée yaà làla o làla. Kánmi bee na mii a pye mɔ Kolocɔlɔw, si wɔ́ɔ ba pye mɔ yodaʔayi Kolocɔlɔɔ mɔ kadoʔo ma.

Sélimɛ 9:17

A Kolocɔlɔɔ gi joo Nowe ma níì wi pye: «Koro gi nyɛ joogaanni fɛ̀ɛ, lee mii kpéʔele lè mii ní cere yáriri myɛ nínge ni di lè tári na.»

2 Samyɛli 23:5

Kánmi bee na ban mii kpáagi nyɛ ní Kolocɔlɔɔ ní ì? Níì cán wi n bàngwɔɔ joogaanna kpéʔele ní mii ní. Li n sámaga n foro kàbanyi myɛ na níì sámaga n tɛ́ʔɛ. Wi a mii syɔɔli myɛ ní mii kínidɛnɛgi kèlē myɛ yaʔa ge fìín yiri ì?

Ezayi 55:3

Ye líiyi cáan, yáā maa mii ma, ye lóʔo, yele pìígèle a sìi taa. Mii a bàngwɔɔ joogaanna kpéʔele ní yele ní, kacǎnyi nyɔ́ɔ mii fàli Davidi ma lè, mii a yi foro.

Zyeremii 32:40

Mii a bàngwɔɔ joogaanna kpéʔele ní be ní, mii a ní wàli bi láʔa be na í, mii a kacànga kpéʔele be na, mii a mii yɛ́ɛgi fyáara lége be fúnyi ni, koro ga pye pe a ní kɔ́ wàli bi láʔa mii na í.

Ezekyɛli 34:26

Tɛ́ɛyi yi mii dǎndamagi màʔa lè, mii a dùba taʔa pe ní yoro na. Mii a ra zěyi kaangi yi lǎli ni, yi a pye dùba zěye.

Ezekyɛli 37:26

Mii a bɛ̀ɛlɛ joogaanna kpéʔele ní be ní, bàngwɔɔ joogaanna a pye yaà ní be ní. Mii a be télege, mii a be nɛʔɛ, si mii tɛɛcǎngi kpéʔele pe níngi ni ki kòro yaà làla o làla kwɔ́ɔmɔ fun.

Heburubèle 13:20

Kolocɔlɔɔ wi nyɛ lè fûnnyingi kaanfɔlɔ, woro wee wi wolo Kàfɔw Zyezu nyán n yirige kúbèle nínge ni lè, jàngó wi pye bǎbèle nàʔafɔgbɔɔɔ kwɔ́ɔmɔ fun joogaanni sìsyaan báriga ni,