Sélimɛ 9:1 - Cebaara Bible 2010

¹ A Kolocɔlɔɔ dùbaw taʔa Nowe ní wi jáabèle na níì be pye: «Ki n yɛlɛ ye see ye nɛʔɛ ye tári nyìn.

Sélimɛ 9:1 Iomraidhean Croise

Sélimɛ 1:22

A Kolocɔlɔɔ dùbaw taʔa di na níì jo: «Ki n yɛlɛ lǒgi fúngo yárira í da sii bàā nɛʔɛgi bi sólomi lɔ́ʔɔ nyìn, féjɛɛnri si wɔ́ɔ ra nɛʔɛgi tári na.»

Sélimɛ 1:28

A Kolocɔlɔɔ dùbaw taʔa be na níì be pye: «Ki n yɛlɛ yaa sii yaa nɛʔɛgi ye tári nyìn, yáā di kàragí. Ye tɛ́ɛn fábèle nyúngo na, ní féjɛɛnri nyúngo na di nyaari lè ǹjogi ni, n fàra yaweeri myɛ na di fulolo lè tári na.»

Sélimɛ 10:32

Yee bee si yi pye Nowe jáabèle túluyo woolo n yɛlɛ ní be yòdaʔayi, ní be syɛɛnfeleyi ní. Poro ni syɛɛnfeleyi yiri n cariga n màʔa lònɛʔɛgi sɔ̀lɔlɔ kàdoʔo ma.

Sélimɛ 2:3

A Kolocɔlɔɔ si dùbaw taʔa canya kɔrɔsiin wógi na, níì gi sámaga n yaʔa wiyɛɛ ma, ncan cángi bee ni wi ŋɔ́n n daa fáliw myɛ na wi kpéʔele lè dulunyanw faanna na.

Sélimɛ 24:60

A be dùbaw naa kpéʔele Erebeka ma níì jo: «Wo senyɛnnɛ, ki n yɛlɛ mɔ í ba pye syɛ̀ɛnnɛ selebingéle kagunɔ kagunɔbèlē tɛ́ɛyɛ sirakamayɛ saʔa. Mɔ piibèle si wɔ́ɔ pe nigoobèle kpàánweegéle fáliga syɔɔ taa.»

Sélimɛ 35:11

A Kolocɔlɔɔ níì wi pye: «Mii wi nyɛ Kolocɔlɔɔ, wee wi lè Séew Myɛ Kàfɔlɔ. Ki n yɛlɛ kàa í da fàrá mɔ na mɔ í pye syɛɛnnɛʔɛmɛ. Syɛɛnfelegaa, ní syɛɛnfeleye saʔa a yiri mɔ ni. Fànʔafɔɔlɔ a yiri mɔ sémɛɛnni ni.

Sélimɛ 8:17

Yaweeri féleye myɛ di nyɛ ní mɔ ní lè, ki n yɛlɛ mi wɔ́ɔ dee bee pínɛ mi yirige ní miyɛɛ ní. Gee bee n jo féjɛɛnri, ní yaweeri, ní yáriree myɛ di fulolo lè tári na, jàngó di cariga tári na bi see nɛʔɛ bi tári nyìn.»

Sélimɛ 9:19

Bele bee taanri be pye Nowe jáabèle, poro ni syɛ́ɛnbèle yiri n níì pye tári myɛ na.

Sélimɛ 9:2

Tári yaweere myɛ, n fàra féjɛɛnri myɛ na, ní yáriree myɛ di fulolo lè, n wɔ́ɔ̀ fàra fábèle myɛ na be nyɛ lè lǒgi ni, yele yɛ́ɛyi fyáara a pye dee bee myɛ na, ti a ra fɛ̀ɛgí yele na gbanʔama. Ti n le yele kɔ́yi ni.

Sélimɛ 9:7

Yele si na, ki n yɛlɛ yaa sii yaa kàa fàra yeyɛɛ na. Ki n yɛlɛ ye pye tári na yaa nɛʔɛgi.»

Ŋúnuyi 112:1

Aleluya! Syɔ́ɔnwee wi fɛ̀ɛgí lè Yawe na, ní i fundaanra kpéʔele gbanʔama wi kajoodɛɛngèle kéele na, wi i nyɛ dùba pyà.

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»