Sélimɛ 8:9 - Cebaara Bible 2010

⁹ Kàjáa kàtoli ga sáà li tɔ́lɔyi tɛɛ̀tɛʔɛlɛ taa í, a li lúru n pan wi ma bi ba jée kɔ́rɔkpɔɔgi ni. Níì cán lǒgi maa sèʔê pye tári tɛ́ɛyɛ myɛ ni. A wi kɔ́gi yirige n li cò n lúrugo n lége wiyɛɛ gurugo kɔ́rɔkpɔɔgi ni.

Sélimɛ 8:9 Iomraidhean Croise

Sélimɛ 8:10

A wi níì sige canya kɔrɔsiin, ní níì kàtoli yirige kɔ́rɔkpɔɔgi ni n tórigo.

Sélimɛ 8:8

A wi wɔ́ɔ̀ kàtolo yirige n tórigo koro ga pye bi gi wéle kapye lǒgi n tìgi n láʔa tári na.

Ŋúnuyi 116:7

Ni fungo, lúru mi tɛ́ɛn mɔ ŋɔ́ndaali ni, níì cán Yawe n kacànna pye mɔ na.

Ezayi 60:8

Bɛ̀lɛ́ be nyɛ bele bee, be yìrigí lè mɔ a jo fàfaanya yii, ní mɔ a jo kàtogèlē gɛɛ, gele ge syée ke zyàári ma lè?

Ezekyɛli 7:16

Pe wogorobèle a fàn bi syɔɔ, pe a pye nyanbeleyi na àmɛɛ jǐnlɔyi kàtogèlē nyɛ lè. Pe myɛ nibin nibin i cɛ́ɛn pe kolomi kéele na.

Matye 11:28

Yaa maa mii ma yele bele myɛ ye fɔ̀rɔgí lè, àmɛɛ yele túgori líbe lè, mii a ba ŋɔ́ndaali kaan yele ma.

Zyan 16:33

A mii kérigèle naa joo yele ma wii, koro ga pye yele í fûnnyingi taa mii ni. Yele a wɔʔɔli taa dulunyanw ni. Kàjáa ki n yɛlɛ ye soro, níì cán mii n dulunyanw jáa.»

Làlwaw Kaanziin 28:65

Bi mɔ yaʔa syɛɛnfeleyi bee nínge ni, mɔ a yɛɛ̀nyinge taa í, mɔ a tée tɛɛ̀ŋɔ́ndaala taa beè mɔ a nyɔ̌nni tɛ́ʔɛ lè í. Yawe a zɔ̀nviige yaʔa kaa mɔ kɔɔn, mɔ nyapiigèle fánʔa a kwɔ́ɔ, mɔ a ra wɔʔɔ fúngi ni.