Sélimɛ 8:22 - Cebaara Bible 2010

²² Lǎlee myɛ ni si tári a pye beè lè, yaliilùgu-lǎli, ní yaliilaa-lǎli, ní wéeri làla, ní káfugi làla, ní wɔ̀ɔ́gi, ní gbɛ̀ɛ́ngi làla, ní cángi, ní yébiligi làla a tée kwɔ́ɔ í.»

Sélimɛ 8:22 Iomraidhean Croise

Sélimɛ 45:6

Yɛ̀ʔɛlɛ siin kateegi taa n kwɔ́ɔ gee tári ni. Ki si n níì kòro yɛ̀ʔɛlɛ kagunɔ. Vàlá a pye í. Yaliilaara a pye í.

Yirile 34:21

Ki n yɛlɛ maa báara canya kɔrɔni. Ki ga pye can-kɔrɔsiin wógi na, mi ŋɔ́n mi daa. Alí ki ga pye yaliilùgu-lǎli ni wàlá yaliilaa-lǎli ni, ki n yɛlɛ maa cândɛnɛgi jàtée.

Zyeremii 31:35

Yawe wi syɛ́ɛnri naa joo, woro wee wi cángi télege lè kaa gbɛ̀ɛnmɛ yirigi cángi làla ni, n wɔ́ɔ̀ yégi ní ŋɔripiigèle télege kaa gbɛ̀ɛnmɛ yirigi yébiligi làla ni, woro wi sólomi lɔ̀ʔɔ tugu ni yìrigí, ni gi kùnguruyi kàfulogo kpéʔele, woro wee mɛ́ʔɛ gi nyɛ lè Yawe wi lè Nyɛ̀ʔɛni Sùlasiibéle Kafɔlɔ,

Zyeremii 5:24

Pe o gi nyuu peyɛɛ fúnyi ni kánmi naa na í si jo: ‹Ye tíi waa fɛ̀ɛgí Yawe na, wi lè wolo Kolocɔlɔw, woro wee wi zěgi kaangi lè ki lǎli ni, ki lè zěseligi, ní zěsangi, ní wɔ́ɔ̀ cégboogèle yaʔa wolo yaliilaari kéele na.›

Zyaki 5:7

Koro na ni senyɛ̀nnɛ, yaa Kàfɔw làribanna sige ní kpàracogo ní. Ye wéle àmɛɛ tèfalaɔ wi ségi yaliire sige lè ní kpàracogo ní bi taa zěseliyi ní zěsanyi í too di na lè, jàngó woro í yaliicànra taa.