Sélimɛ 8:21 - Cebaara Bible 2010

²¹ A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

Sélimɛ 8:21 Iomraidhean Croise

Sélimɛ 3:17

A wi gi joo nǎnw ma níì jo: «Tíigee kéele mii da joo lè níì jo mɔ a kɔ́ gi yasangaa lìi í, àmɛɛ mɔ baa mɔ céw syɛ́ɛnrɛ lóʔo lè níì gi kàa lìi. Koro na tári n dánga mɔ kapeeli kéele na. Mɔ a ra wɔʔɔ gbanʔama si náa ra yaliire taagi di ni mɔ siiw canya myɛ ni.

Sélimɛ 4:12

Mɔ ga tári fála, ti a tée ní di yasanri kaan mɔ ma í. Mɔ a pye ninyaari-mí-màʔaga, ní nifaalaga tári na.»

Sélimɛ 5:29

A wi li mɛ́ɛgi le ni li yiri Nowe. Ncan wi maa jo: «Faligbanyi ní fɔ̀rɔyi myɛ na wolo nyɛ lè tári naa na, dee Yawe dánga lè, pìíw naa wi a ba wolo kpɛʔɛlɛ kérigèle bee na.»

Sélimɛ 6:13

Lǎli bee ni a Kolocɔlɔɔ gi joo Nowe ma níì jo: «Mii n gi kɔ̀rirɔ n tímana bi syɔɔn ye myɛ kwɔ́ɔ láʔa yaà. Níì cán be péemi kèlē n tári nyìn. Mii si a be pínɛ kálagi ní tári ní.

Sélimɛ 6:17

Mii si na, mii a lònɛʔɛgɛ tìrige bi tári tɔ́n, jàngó bi cere yáriri myɛ kálagi di nyɛ lè nyɛ̀ʔɛni láara ni, ŋɔngara si i nyɛ di ni. Dee myɛ di nyɛ lè tári na, ti a kùu.

Sélimɛ 6:5

A Yawe baa gi nyaa syɔɔn péemi n tɔ̀nɔ n kpɔ́ʔɔ tári na n baa sɔ̀lɔ, á wi fúngi sɔ̀ngurɔ myɛ kòro kapeebyeri na canʔa o canʔa.

Sélimɛ 6:7

A Yawe jo: «Syɛ́ɛnbèle mii faan lè, mii a be pɛ́ɛ láʔa tásaligi na, poro ní yaweeri, ní yáriree di fulolo lè n fàra féjɛɛnri na. Níì cán mii n gi nyaa mii da caà yɛlɛ bi be faan í.»

Zyɔbi 14:4

Wìí wi a gbǎn yamunugo yirige yanɔnʔɔgɔ ni? Syɔɔn faala.

Ŋúnuyi 51:5

Níì cán mii n mii kolomi kèlē cán, mii kapeeli si i nyɛ mii yɛ́ʔɛ ma làla o làla.

Ŋúnuyi 58:3

Anbée ban gi nyɛ í! Yele n gi kɔ̀rirɔ ni námaraw kèlē kpéʔele. Yele kɔ́yi kapyere i nyɛ gàlagí tári ni.

Ŋúnuyi 58:4

Syɛɛnpeebèle n kólogi yaʔa nlaa yaà pe nɔ́ɔbèle láaya ni, jànvaafɔbèle i be pùununi sélegi nlaa yaà pe làrizeeli ni.

Yirile 29:18

Mi bàpɔw myɛ sórogi sáriga-wòlo-yafaangi na. Sáriga-sórigoo wii mii Yawe ma wee be sórigo náagi ni lè, woro wee núngo gi mii Yawe dɛ́nɛ lè.

Yirile 29:25

Koro kàdoʔo ma mi di yirige be kɔ́yi ni mi taʔa sáriga-sórigow na mi sórigo sáriga-wòlo-yafaangi na, sáriga wii, wee náagi sórogi ni kwóo Yawe yɛ́ʔɛ ma lè, woro wee núngo gi Yawe dɛ́nɛ lè.

Kàseegèle 20:9

Wìí wi a gbǎn gi joo si jo: «Mii n mii fúngi sámaga a gi pye dìgire fun, mii n niyɛɛ jée n mùnu n yirige kapeeli ni?»

Syɛɛnjóow 7:20

Syɔɔn faala o beè woziɔn ní tári na, wee wi kacǎngèle kpéʔele lè, wi si o kapeele kpéʔele í.

Ezayi 47:12

Koro na, mi kòro maa mɔ cánni kapyere kpéʔele, ní mɔ dɛɛmi kapyenɛʔɛrɛ, dee na mɔ tée i nyɛ lè nlaa yaà mɔ cárimi làla ni. Dɔ̀ʔɔ́ mɔ a gbǎn tɔ̀nɔ taa di ni, dɔ̀ʔɔ́ mɔ a gbǎn ba pye fyáara yáriga.

Ezayi 47:15

Wéle, ànbée pe a ba pye, bele kéele ní mɔ da ni miyɛɛ vɔ̀rɔgí lè, bele yíbele na mɔ miyɛɛ yaʔa lè nlaa yaà mɔ cárimi làla ni. Pe myɛ nibin nibin i curugu ni syée pe kàbangáriya na, syɔɔn faala a mɔ syɔɔ í!

Ezayi 48:8

Mɔ da kɔ́ɔ̀ gi kàa kéele lóʔo í, mɔ da yi cán í, nlaa yaà booma ni yi keele da jée mɔ líiweegèle ni í. Níì cán mii maa gi cán syɛɛnco-mí-kaanwee félege mɔ nyɛ lè, nlaa yaà n mɔ yaʔa mɔ nɔ́ɔw láʔa ni pe i mɔ yiri niceʔe.

Ezayi 53:6

Wo myɛ maa pùuni àmɛɛ bàala nyɛ lè, wo myɛ nibin nibin maa ni wo nyɛ́nɛ kóloyi lée, a Yawe si wo myɛ sìnzinmɛ túgoro tugo wi na.

Ezayi 65:6

Wéle, ki n sɛ́bɛ mii yɛ́ʔɛ ma n jo: Mii a tée pyèri í mii a be kéeli cɔɔnri, mii a gi sàraw kaan be ma,

Zyeremii 17:9

Syɔɔn fúngi n kolo n sɔ̀lɔ yáriri myɛ na, sámagajànma o gi na í, wìí wi a gbǎn gi cán?

Zyeremii 18:12

Kàjáa pe i gi nyuu níì jo: ‹Gee bee i nyɛ gbanzan! Wolo i caa bi woyɛɛ daʔa wolo funzɔnguri na, wo myɛ nibin nibin a taʔa wolo péemi zɔ̀ngbaɔn na.› »

Zyeremii 8:6

Mii n mii líiyi cáan, ní i lúro, pe o nyuu àmɛɛ gi yɛlɛ bi pye lè í. Wàa faala o kàdoʔo wáa wi peemɛ ma í, pe o gi nyuu si jo: Nyàʔá mii pye í? Pe myɛ n taʔa n fala be kàfyaali kurugo àmɛɛ syɔnʔɔ fùurí ni jǐn kapɛɛnnɛ ni lè.

Ezekyɛli 20:41

Mii a fɔ̀lɔ yele na àmɛɛ nùndaanna sáriga nyɛ lè, lǎli ni mii ga yele yirige lè syɛɛnfeleyi nínge ni, níì yele yirige yaà tátɛɛyi ni, yee ni yele cariga n fala lè, n yele kpóʔoro, mii a pye wojaɔn ní yele kéeli na syɛɛnfeleyi nyɛ́nɛ na.

Levii ye sáriga-wòlori 1:13

Wi si a li fúngi yárira, ní li tɔ́lɔyi jée lɔ̀ʔɔ ni. Sáriga-wòlow si ti myɛw wòlo sáriga bi sórigo sáriga-wòlo-yafaangi na. Sáriga-sórigoo wii, wee náagi sórogi ni kwóo lè, á wi núngi Yawe dɛ́nɛ.

Levii ye sáriga-wòlori 1:17

Wi a li yabi fókaanyi nínge ni, wi si a kɔ́ li láʔa siin í. Sáriga-wòlow a féjɛɛnni bee sórigo sáriga-wòlo-yafaangi na, kàjeri na, pe le lè náagi ni. Sáriga-sórigoo wii, wee náagi sórogi ni kwóo lè á wi núngi Yawe dɛ́nɛ.

Levii ye sáriga-wòlori 1:9

Wi a lɔ̀ʔɔ tɛ́ʔɛ bi li fúngi yárira, ní li tɔ́lɔyi jée, sáriga-wòlow si di myɛ sórigo sáriga-wòlo-yafaangi na. Naà Sáriga-sórigoo wii, wee náagi sórogi ni kwóo lè, á wi núngi Yawe dɛ́nɛ.

Levii ye sáriga-wòlori 26:31

Mii a yele kèkpoloyi kàriga kataya. Mii a yele tɛɛcǎnyi kálagi. Mii a ní fɔ̀lɔ́ ra yele nùndaanni yárira núngo syoo í.

Levii ye sáriga-wòlori 4:31

Wi a kaasǐnmi myɛ wòlo àmɛɛ be pínɛnyɛnnɛgi sáriga yaweele sinmɛ wóo lè, sáriga-wòlow a bi sórigo sáriga-wòlo-yafaangi na, gee bee a pye nùndaanna yáriga Yawe ma. Sáriga-wòlow a nǎnw bee kapeele kusulugo fáli kpéʔele, li kùsulugi a syɔɔ wi ma.

Levii ye sáriga-wòlori 8:28

Koro kàdoʔo ma a Mowizi di yirige be kɔ́yi ni n sórigo sáriga-wòlo-yafaangi na, sáriga-sórigow ǹjoʔo ni. A dee bee pye Aarɔn ní wi jáabèle télegele sáriga. Sáriga wii, wee náagi sórogi ni kwóo lè, á wi núngi Yawe dɛ́nɛ.

Córolo 15:3

yele ga ni jà sáriga wòlo Yawe ma wee náagi sórogi ni kwóo lè yoo, nyɔɔfaliga wololo sáriga yoo, pínɛnyɛnnɛgɛ sáriga yoo, wàlá yele kpóʔorojǎngèle wóo yoo, a gi pye yele yaweekpɔɔlaa, wàlá yele yaweepilaa sáriga yoo, wee núngo gi Yawe dɛ́nɛ lè, kánmi naa na gi yɛlɛ bi pye.

Matye 15:19

Níì cán dee di yìrigí lè syɔɔn fúngi ma, toro di nyɛ sɔ̀ngubeeri, ní syɛɛnkpoori, ní ceyuugi, ní nànyuugi, ní kanɔnʔɔbyeri, ní kàyuugi, ní jànvaaw séera, ní Kolocɔlɔɔ mɛ́ɛkalagiri ní,

Zyan 3:6

Céri ga wee see lè, wee bee i nyɛ cere, Pìicǎnni ga wee see lè, wee bee i nyɛ pìle.

Wɔrɔmi ye 1:21

níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

Wɔrɔmi ye 3:23

syɛ́ɛnbèle myɛ n kapeegèle kpéʔele níì kólogo Kolocɔlɔɔ nìjangbɔɔri kurugo.

2 Korɛnti ye 2:15

Níì cán wolo i nyɛ Kirisi nùndaanna yáriga, gee wi kaan Kolocɔlɔɔ ma lè, bele be syoo lè ní bele be pùuní lè, poro myɛ níngi ni.

Efɛzi ye 5:2

yaa táanri tàmagi na àmɛɛ Kirisi wɔ́ɔ̀ tàmaga le ní wolo ní lè níì wiyɛɛ gaan Kolocɔlɔɔ ma yakanʔa ní sáriga, wolo kéeli na àmɛɛ nùndaanna yáriga nyɛ lè.

Filipikaʔa ye 4:18

Mii si n yáriri myɛ taa, a di nɛʔɛ naa mii ma n sɔ̀lɔ. Yáriree yele da kaan Epafuroditi ma níì jo wi ba di kaan mii ma lè, mii n di taa, yáriri bee n mii tín, ti i nyɛ nùndaanna yárira, ní i nyɛ sárigacàɔn, wee wi Kolocɔlɔɔ dɛ́nɛ lè.

1 Zyan 5:19

Wolo n gi cán ncan wolo i nyɛ Kolocɔlɔɔ wòolo, dulunyanw myɛ si i nyɛ Wobeew kɔ́yɔ ni.

1 Samyɛli 26:19

Tɔ́ɔliw ni fànʔafɔw, mɔ wi lè mii kàfɔw, ki n yɛlɛ mi fɔ̀lɔ mi mɔ falipyew syɛ́ɛnrɛ lóʔo. Kapye Yawe wi mɔ yìrige mii kurugo, ki n yɛlɛ wi fɔ̀lɔ yakanʔa na, ki si ga pye syɔɔn ye bɛɛ, ki n yɛlɛ pe dánga Yawe yɛ́ʔɛ ma. Níì cán pe n mii nɛnɛ níjanʔa koro ga pye bi mii wàlí láʔa Yawe kɔ́rigi na níì mii pye: ‹Da syée mi sa ra kolocɔlɔbèle pèle nikwɔɔlɔ kpɔ̀ʔɔrɔ́.›