Sélimɛ 8:20 - Cebaara Bible 2010

²⁰ A Nowe sáriga-wòlo-yafanʔa faan Yawe ma níì tàa wòlo yaweecǎnri myɛ, ní féjɛɛnjǎnri myɛ ni n kpéʔele sáriga-sórigoo sáriga-wòlo-yafaangi na.

Sélimɛ 8:20 Iomraidhean Croise

Sélimɛ 13:18

A Abirami wi fànikpaayi kɔ́n n kàriga n pan n baa tɛ́ɛn Mamire syɛni tíiri nínge ni, Heburɔn taana. A wi sáriga-wòlo-yafanʔa faan yaà beè Yawe ma.

Sélimɛ 13:4

A wi wɔ́ɔ̀ nan sáriga-wòlo-yafaangi na, gee wi da sélì faan yaà lè. A Abirami Yawe mɛ́ɛyi yeri yaà beè.

Sélimɛ 22:2

A Kolocɔlɔɔ wi pye: «Ki n yɛlɛ mi mɔ piiw Izaaki kɔ́ri maa syée, wi lè mɔ piinibingi, woro wee kéele li mɔ dɛ́nɛ lè. Maa syée ní wi ní Moriya tári ma. Mii ga sáà nyanbelegee tɛ̀ɛn mɔ na lè, mi wi wòlo yaà beè mii ma sáriga-sórigoo.»

Sélimɛ 22:9

Lǎli ni be sáà nan lè tɛ́ɛgi na, gee Kolocɔlɔɔ da tɛ̀ɛn lè, a Abirahami sáriga-wòlo-yafanʔa faan yaà beè, níì kàjeri taani gi na, níì wi jáaw Izaaki pwɔɔ n taʔa sáriga-wòlo-yafaangi ǹjoʔo ni kàjeri na.

Sélimɛ 26:25

A Izaaki sáriga-wòlo-yafanʔa faan tɛ́ɛgi bee ni níì Yawe mɛ́ɛgi yeri, níì wi fànikpaagi kóri yaà. A wi falipyebèle níì kɔ̀lɔ́waa túgu yaà.

Sélimɛ 33:20

A wi sáriga-wòlo-yafanʔa kpéʔele yaà tɛ́ɛgi bee ni níì gi mɛ́ɛgi le ni gi yiri Ɛli-Elowe-Isirayɛli.

Sélimɛ 35:1

A Kolocɔlɔɔ gi joo Zyakɔbi ma níì jo: «Yìri maa lúru Betɛli ma mi sa tɛ́ɛn yaà beè, mí sáriga-wòlo-yafanʔa kpéʔele yaà beè Kolocɔlɔɔ ma, woro wee wi da wiyɛɛ dɛ̀ɛn mɔ na lè, lǎli ni mɔ da ni fé mɔ senyɛnw Ezau na lè.»

Sélimɛ 35:7

A wi sáriga-wòlo-yafanʔa faan yaà níì tɛ́ɛgi bee mɛ́ʔɛ le ni gi yiri Ɛli-Betɛli. Níì cán nɛɛ bee Kolocɔlɔɔ da wiyɛɛ dɛ̀ɛn wi na, lǎli ni wi da ni fé bi syɔɔ wi senyɛnw ma lè.

Sélimɛ 4:4

A Abɛli si kári ní wi bǎbèle pìiselibèle pèle, ní be sǐnmi myɛ ní. A Yawe fɔ̀lɔ Abɛli ní wi sárigaw na.

Sélimɛ 7:2

Siin-ziin tɛ́ɛyɛ kɔrɔsiin cò yaweecǎnri féleye myɛ ni, nàɔn ní cɔlɔɔ, mí siin-ziin cò yaweenɔnʔɔri myɛ ni, nàɔn ní cɔlɔɔ, mi lége ní miyɛɛ ní kɔ́rɔw ni.

Sélimɛ 7:3

Mí wɔ́ɔ siin-ziin tɛ́ɛyɛ kɔrɔsiin cò nyɛ̀ʔɛni féjɛɛnrɛ féleye myɛ ni, nàɔn ní cɔlɔɔ, koro ga pye bi di féleyi yaʔa yi kòro beè sìi na tári myɛ yɛ́ʔɛ kurugo.

Sélimɛ 8:19

Yaweeri myɛ, ní féjɛɛnri myɛ, n fàra yáriree myɛ na di fulolo lè tári na, n yɛlɛ ní di féleyi ní, a toro yiri kɔ́rɔkpɔɔgi ni.

Zyɔbi 1:5

Lìigboloyi bee canya ga foro, Zyɔbi n tun pe n sáà wi jáabèle yeri, wi n baa be sámaga-nyɔɔni fáli kpéʔele. Wi i gáà sɔ̀li n yìri n sáriga-sórigoo wòlo pe myɛ nibin nibin kéele na. Zyɔbi i gáà jo: «Dɔ̀ʔɔ́ mii jáabèle n kapeele pye, níì dánga syɛ́ɛnrɛ joo n wáa Kolocɔlɔɔ na be fúngi ni.» Koro Zyɔbi da tàli ni kpéʔele.

Yirile 10:25

A Mowizi wi yari: «Mɔ tiimaa n yɛlɛ bi sárigaw ní sáriga-sórigow yaweegéle kaan wolo ma, koro ga pye wolo í sa di wòlo sáriga Yawe wolo Kolocɔlɔw ma.

Yirile 29:18

Mi bàpɔw myɛ sórogi sáriga-wòlo-yafaangi na. Sáriga-sórigoo wii mii Yawe ma wee be sórigo náagi ni lè, woro wee núngo gi mii Yawe dɛ́nɛ lè.

Yirile 29:25

Koro kàdoʔo ma mi di yirige be kɔ́yi ni mi taʔa sáriga-sórigow na mi sórigo sáriga-wòlo-yafaangi na, sáriga wii, wee náagi sórogi ni kwóo Yawe yɛ́ʔɛ ma lè, woro wee núngo gi Yawe dɛ́nɛ lè.

Córolo 7:21

ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

Wɔrɔmi ye 12:1

Ni senyɛ̀nnɛ, mii i yele nyɛ́ɛri Kolocɔlɔɔ nyínimi báriga ni, ye yele céri kaan Kolocɔlɔɔ ma ti pye sárigaweeo, wee wi nyɛ lè wojaɔn ní, níì Kolocɔlɔɔ dɛ́nɛ, koro ki a pye yele ma Kolocɔlɔɔ kpɔ̀ʔɔrɔli wodeele.

Heburubèle 13:10

Sáriga-wòlo-yafanʔa i nyɛ wolo ma, bele be Kolocɔlɔɔ kpɔ̀ʔɔrɔli fànikpaʔa fáli kpéʔele lè, tànʔa o nyɛ bele bee ma be lìi yafaangi bee sáriga na í.

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.

1 Pyɛri 2:9

Yele si i nyɛ syɛɛnfelegaa, gee Kolocɔlɔɔ nyɛ́nɛ n wòlo lè, ní i nyɛ wi fǎngi sáriga-wòlobēle, ní ní i nyɛ syɛɛncanbéle, bele Kolocɔlɔɔ sámaga n yaʔa wiyɛɛ ma lè, ní wɔ́ɔ i nyɛ wi tiimaa syɛ̀ɛnnɛ, koro ga pye yele í da woro nyɔɔ-mí-foroli kèlē nyuu, woro wee wi yele yeri n yirige lè yébilimi ni n lége wi bìngaari gbɛ̀ɛnmɛ ni lè.