Sélimɛ 8:1 - Cebaara Bible 2010

¹ Koro kàdoʔo ma a Kolocɔlɔɔ ní wɔ́ɔ̀ sɔ̀ngi Nowe kéeli na, ní wɔ́ɔ̀ sɔ̀ngi yaweeri myɛ kéele na di lè sìnbirigi, ní kěgi wóro di pye lè ní wi ní kɔ́rɔkpɔɔgi ni. A Kolocɔlɔɔ káfalaga yìrige, a ki i funu tári na. A lǒgi fala n séli ni tíri.

Sélimɛ 8:1 Iomraidhean Croise

Sélimɛ 19:29

Lǎli ni si Kolocɔlɔɔ tɛɛfiigi kèye kálagi lè, beè Lɔti da pye lè wodɛ́ɛɔn ní, wi maa sɔ̀ngi Abirahami kéeli na níì Lɔti yirige yaà kálagili nínge ni.

Sélimɛ 30:22

Lǎli bee ni a Kolocɔlɔɔ sɔ̀ngi n taa Arasyɛli na níì wi nyɛ́ɛrigi lóʔo, níì wi ceseegi múgu.

Sélimɛ 9:10

bi li kpéʔele ní sìi yáriri myɛ ní di nyɛ ní yele ní lè, ti lè féjɛɛnri, ní kěgi yaweere, ní sìnbirigi wóro myɛw, dee myɛ di yiri ní yele ní kɔ́rɔkpɔɔgi ni lè, n fàra dee myɛ na ti a ba pye naa tári na lè.

Nehemii 13:14

Ee mii Kolocɔlɔw, sɔ̀ngi mi taa mii na kéeli bee na. Sínni kèlē mii kpéʔele lè mii Kolocɔlɔw kpaʔa, ní gi fáliw kéele na, mɔ a kɔ ge kurugo láʔa yaà í.

Nehemii 13:22

A mii Levii ye pye pe peyɛɛ jéemununi fáli kpéʔele, pé pan pe ba ra kpàánweegèle kɔ̀rɔsíi, koro ga pye be cândɛnɛgi sámaga nyɔɔ. Ee mii Kolocɔlɔw, sɔ̀ngi mi taa mii na kéeli bee na wɔ́ɔgēle, mí nyinimɛ taa mii na mi yɛlɛ ní mɔ nyininɛʔɛmi ní.

Nehemii 13:29

Ee mii Kolocɔlɔw, sɔ̀ngi mi taa be na, níì cán pe n sáriga-wòlobèle, ní Levii ye sáriga-wòlori fáli, ní joogaanni nɔ́nʔɔ.

Nehemii 13:31

A mii kàjeri yakanʔa kéele cɔɔnri n yɛlɛ ní làrigèle ní ge kɔ̀rirɔ n tímana di kaanni kéele na lè, n wɔ́ɔ̀ fàra yaliiseliri kéele na. Ee mii Kolocɔlɔw, sɔ̀ngi mi taa mii na, mí kacànna kpéʔele mii na.

Zyɔbi 12:15

Wi ga lǒyi cò, ki n pye waama. Wi ga yi yaʔa, yi n tári nyìn.

Zyɔbi 14:13

Ee! Ki maa yɛlɛ mɔ í mii làriga kúbèle tɛɛkòrogo ni, bi mii yaʔa yaà wolarigaɔ ní fwɔɔ bi taa mɔ fundanʔari í ba kwɔ́ɔ, si làlaa tɛ̀ɛn mii na, lee ni mɔ a sɔ̀ngí taa mii na lè.

Ŋúnuyi 105:42

Níì cán wi maa ni sɔ̀ngí ni taagi wi syɛɛncanri na wi da joo lè Abirahami ma, wi lè wi falipyew.

Ŋúnuyi 106:4

Ee Yawe, sɔ̀ngi mi taa mii na àmɛɛ mɔ sɔ̀ngí ni taagi mɔ syɛ́ɛnbèle na lè! Ba mii dɛ̀ɛmɛ mɔ syɔɔli báriga ni,

Ŋúnuyi 115:12

Yawe i sɔ̀ngí ni taagi wolo na, wi a dùba taʔa wolo na, wi a dùba taʔa Isirayɛli kpáagi wòolo na, wi a dùba taʔa Aarɔn kpáagi wòolo na.

Ŋúnuyi 132:1

Njogi lúgufɔɔlɔ ŋúnugo. Yawe, sɔ̀ngi mi taa Davidi na sɔ̀ngi mi taa wi fɔ̀rɔyi myɛ na!

Ŋúnuyi 136:23

Woro wee wi sɔ̀ngi n taa wolo bele na wo da pye lè màámi ni, níì cán wi funjǎngi a tée kwɔ́ɔ í!

Ŋúnuyi 137:7

Yawe, sɔ̀ngi mi taa Edɔmi ye na, poro bele pe da ni gi nyuu lè Zyerusalɛmi cângalagigi na, níì jo: «Yaa gi jabagi, yaa gi jabagi fwɔɔ ye sa nan gi kàpɔɔnw na.»

Ŋúnuyi 29:10

Yawe maa pye yaà wodɛ́ɛɔn ní fǎngi na lòkpɔɔgi làla ni, Yawe i nyɛ wodɛ́ɛɔn ní fànʔafɔlɔ làrigèle myɛ ni.

Ŋúnuyi 36:6

Ee Yawe, mɔ funjǎngi i yaà nyɛ̀ʔɛgèle na, mɔ kányɛɛgi n lúgu fwɔɔ n sáà nan fàfaanyi na.

Yirile 14:21

A Mowizi wi kɔ́gi sánʔa sólomi lɔ̀ʔɔ ǹjoʔo ni. A Yawe sólomi lɔ̀ʔɔ ŋɔrigɔ yébiligi bee myɛ ni ní káfalakpɔʔɔ ní, gee gi yìri canʔafolomɔ ma lè. A gi sólomi lɔ̀ʔɔ ceri n pye tɛɛwaʔa.

Yirile 15:10

Mɔ n mɔ nyɔ́ɔgi káfalaga fɛɛ n wáa, a sólomi lɔ̀ʔɔ be tɔ́n. Pe n tìgi n tɛ́ɛn fànnɛʔɛgɛ lógi nɔ́ʔɔ na àmɛɛ tunmɔnyinnɛ nyɛ lè.

Yirile 2:24

A Kolocɔlɔɔ be sùpiigèle lóʔo, níì sɔ̀ngi joogaanni kéele na wi da kpéʔele Abirahami, ní Izaaki, ní Zyakɔbi ma lè.

Kàseegèle 25:23

Solomɔkulo kàbangi káfalaga i maa ní zěgi ní, nyínnee si li nyuu lè làrama ni li i nyɛ yɛɛtanʔaga gbanʔama.

Ezayi 44:27

Mii i gi nyuu lòcurugi ma níì jo: ‹Ki n yɛlɛ mi waʔa. Mii a mɔ cábiyi syɔɔnri.›

Zyeremii 50:38

Waama, wi lǒyi kánma na! Yi waʔa! Níì cán yasunyo tára dii. Pe fyáakpɔɔrɔ yáriyi n cúromɔ wáa be na.

Amɔsi 8:7

Yawe n kàli, Zyakɔbi nɛ̀ɛgbɔʔɔgi na níì jo: «Mii a tée fɛ̀ʔɛ be kapyelaa faala na nyáana í.

Zyonasi 4:11

A mii, mii da yɛlɛ bi nyinimɛ taa Niniivi na ì, ki lè kèkpɔɔgi, gee ni syɛ́ɛnmi nyɛ, bee bi sɔ̀lɔ sirakamayɛ kɔrɔni na lè ì, poro bele be lè pe ga be kàliiyi cán n wàli be kàmɔnbèle na í, a yaweenɛʔɛrɛ wɔ́ɔ i nyɛ gi ni?»

Nahumi 1:4

Wi i fúlo sólomi lɔ́ʔɔ na ní i gi waari, wi i cábiyi myɛ lòyo syɔɔnri. Basyan ní Karimɛli fǎngi i kálagi ni syée, Liban tiifyɛɛnri i fánagi.

Habakuki 3:2

Yawe, mii n mɔ kapyegèle kéele lóʔo, fyáara n mii cò, Yawe, mɔ kapyeli yɛ́ʔɛ ma, li foro yɛ́ɛgèle fúngo ni! Li yaʔa li cán yɛ́ɛgèle fúngo ni! Kàjáa n mɔ yaʔa mɔ fundanʔari fúngo ni, sɔ̀ngi mi taa mɔ nyinidaari kéele na.

Zakarii 10:11

Pe a gàlagíw solomɔ lɔ́ʔɔ jeli, wi a sólomi lɔ̀ʔɔ kùnguruyo kpúmɔn, Niili tɛɛcùruyi myɛ si a waʔa. Asirii nɛ̀ɛnyɛnɛgi a kpúmɔn cáan, Ezyipiti fǎngi kàgbeele a wàlí láʔa yaà.

Córolo 10:9

Yele kàsiitun-nyɛ́nw ga pan ba kapɛɛnni kpúmɔn ní yele ní yele tári ni, á yele si yiri ni syée sa tún ní wi ní, ye búrubèle wìi gbanʔama. Yawe yele Kolocɔlɔw a sɔ̀ngí taa yele kéeli na, si yele syɔɔ yele nigoow ma.

Córolo 22:32

A Yawe nyɛ̀ʔɛni tunduɔn gi joo Balaami ma níì wi pye: «Nyàʔá na mɔ mɔ jofaniw kpúmɔn n taa tɔlɔyɔ taanri? Wéle, mii wi da pan n baa kólogi tɔ́n mɔ na. Níì cán mii n mɔ nyaa kálagila kólogo ni.

Tɛ̀ɛnnɛ 16:19

A kèkpɔɔgi fala n jaa tɛɛyɛ taanri, á syɛɛnfeleyi wozanya kèkpoloyo too. A Kolocɔlɔɔ sɔ̀ngi n taa kèkpɔɔgi kéele na, gi lè Babilɔni, níì wi fundanʔagbɔɔri dùvɛɛn kaan gi ma yagbaali ni ki gbaa.

Tɛ̀ɛnnɛ 18:5

Níì cán ki kapeegèle n taani keyɛɛ na fwɔɔ n sáà nan nyɛ̀ʔɛni na, a Kolocɔlɔɔ sɔ̀ngi n taa ki kakolobyeri na.

1 Samyɛli 1:19

A be sɔ̀li n yìri nyǐngi nyɔ́ɔ na, a pe ga sáà Yawe kpɔ̀ʔɔrɔ n kwɔ́ɔ, a be lúru n kári be kpaʔa ma, Arama ma. A Elikana baa sínɛ ní wi céw Ani ní, a Yawe wi nyɛ́ɛrigi lóʔo.