Sélimɛ 7:7 - Cebaara Bible 2010

⁷ A Nowe jée kɔ́rɔkpɔɔgi ni, woro ní wi céw, ní wi pìíbèle, ní wi pìíbèle càbala jàngó bi syɔɔ lònɛʔɛgi ma.

Sélimɛ 7:7 Iomraidhean Croise

Sélimɛ 6:18

Mii si a mii joogaanni kpéʔele ní mɔ ní. Mɔ ní mɔ piibèle, ní mɔ céw, ní mɔ piibèle càbala, yele a jée kɔ́rɔkpɔɔgi ni.

Sélimɛ 7:1

A Yawe gi joo Nowe ma níì jo: «Jée kɔ́rɔkpɔɔgi ni ní mɔ kpaʔa wóbèle myɛ ní. Níì cán mɔ nibin mii nyaa wozinw niyɛɛ yɛ́ʔɛ ma mɔ lali syɛ̀ɛnnɛ nínge ni.

Kàseegèle 22:3

Syɔ́ɔnwee wi cìlige lè, wi i kapeegi nyaagi ní i làrá. Kàjáa kanaa-sìnjánbèle i sɔ̀lɔ́ kɔlɔ̀ na, ní i wɔʔɔgi taagi.

Matye 24:38

Níì cán sáni lòkpɔɔgi í tári tɔ́n lè, syɛ́ɛnbèle maa kòro ni líi ní i gbo, ní i cèpɔriyi kpéʔele, ní wɔ́ɔ i be pìíbèle kaangi nǎnbèle ma, pe maa ni gee bee myɛ kpéʔele n taa n baa nan Nowe cânjeegi na kɔ́rɔkpɔɔgi ni.

Luki 17:27

Níì cán syɛ́ɛnbèle maa ni líi, ní i gbo, ní i cèpɔrigi kpéʔele, ní wɔ́ɔ i be pìíbèle kaangi pe i be pɔri, níì kòro gee bee myɛ na ni kpéʔele n taa n sáà nan Nowe cânjeegi na kɔ́rɔkpɔɔgi ni. A lònɛʔɛgi pan n baa pe myɛ kpóo.

Heburubèle 11:7

Tágali báriga ni Nowe da kɔ́rɔkpɔɔgi sámaga, àmɛɛ Kolocɔlɔɔ da wi sàmi lè kérigèle na, gele ge lè syɔɔn da kɔ́ɔ̀ ge nyaa í, wi maa ni fɛ̀ɛgí Kolocɔlɔɔ na níì gi sámaga jàngó woro ní wi kpaʔa wóbèle í syɔɔ. Tágali bee báriga ni wi da kútiiw cáan dulunyanw syɛ̀ɛnnɛ na, ní baa pye sínni kɔriliio lee li yìri lè tágali ma.

Heburubèle 6:18

jàngó yi katɛɛyi siin yi lè yi a gbǎn fàli í, Kolocɔlɔɔ si a wɔ́ɔ gbǎn finɛ yi kéeli na í, yee bee kéele í wolo kɛɛlɛ gbanʔama, wolo bele wo fàn n sáà sɔ̀ngumi tɛɛtaʔaga taa n cò níì syɔɔ lè, koro gee Kolocɔlɔɔ tɛ́ʔɛ wolo yɛ́ʔɛ ma lè.

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.

2 Pyɛri 2:5

Wi da wɔ́ɔ̀ booma dulunyanw yaʔa í, kàjáa Nowe wi da pye lè sínni syɛ́ɛnrɛ joofɔlɔ, wi maa woro syɔɔ n fàra syɛ̀ɛnnɛ kɔrɔsiin na, níì lònɛʔɛgi yaʔa a gi tìgi n too n Kolocɔlɔɔ yɛ́ʔɛnaa-sìnvyaabèle dulunyan tɔ́n.