Sélimɛ 7:23 - Cebaara Bible 2010

²³ Sìi yáriri myɛ di pye tári yɛ́ʔɛ kurugo lè, a Kolocɔlɔɔ di pɛ́ɛ n láʔa yaà. Ti n pɛ́ɛ n láʔa yaà tári na. Yafyɛn da níì kòro í, fwɔɔ Nowe ní bele pe da pye ní wi ní kɔ́rɔkpɔɔgi ni lè.

Sélimɛ 7:23 Iomraidhean Croise

Sélimɛ 6:17

Mii si na, mii a lònɛʔɛgɛ tìrige bi tári tɔ́n, jàngó bi cere yáriri myɛ kálagi di nyɛ lè nyɛ̀ʔɛni láara ni, ŋɔngara si i nyɛ di ni. Dee myɛ di nyɛ lè tári na, ti a kùu.

Sélimɛ 8:18

A Nowe yiri kɔ́rɔkpɔɔgi ni, woro ní wi jáabèle, ní wi céw, ní wi jáabèle càbala ní.

Zyɔbi 5:19

Wi a mɔ syɔɔ wɔʔɔgi ma tɔlɔyɔ kɔrɔni, tɔlɔyɔ kɔrɔsiin wógi na, kapeegi a nan mɔ na í.

Ŋúnuyi 91:1

Syɔ́ɔnwee wi jée n làra wee láara ni wi nyɛ lè Pe Myɛ Nyúngo na, wee bee n kòro Séew Myɛ Fɔ́lɔ nyínmɛ ni.

Ŋúnuyi 91:7

Alí kálagili bee ga syɛ̀ɛnnɛ saala kagunɔ cáan mɔ taana, á selebingéle kagunɔ too mɔ kaliige ma, yafyɛn a nan mɔ na í.

Kàseegèle 11:4

Lɔ́ri a gbǎn ba yarigaa nyɔɔ fundanʔagbɔɔri canʔa na í, kàjáa sínni i syɔɔn syoo kùúw ma.

Matye 25:46

Bele bee myɛ a sa jée wɔʔɔli ni, lee li lè, li a kwɔ́ɔ bi nyaa í, syɛɛnsinbèle si sa jée sìibangwɔɔw ni.»

Heburubèle 11:7

Tágali báriga ni Nowe da kɔ́rɔkpɔɔgi sámaga, àmɛɛ Kolocɔlɔɔ da wi sàmi lè kérigèle na, gele ge lè syɔɔn da kɔ́ɔ̀ ge nyaa í, wi maa ni fɛ̀ɛgí Kolocɔlɔɔ na níì gi sámaga jàngó woro ní wi kpaʔa wóbèle í syɔɔ. Tágali bee báriga ni wi da kútiiw cáan dulunyanw syɛ̀ɛnnɛ na, ní baa pye sínni kɔriliio lee li yìri lè tágali ma.

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.

2 Pyɛri 2:5

Wi da wɔ́ɔ̀ booma dulunyanw yaʔa í, kàjáa Nowe wi da pye lè sínni syɛ́ɛnrɛ joofɔlɔ, wi maa woro syɔɔ n fàra syɛ̀ɛnnɛ kɔrɔsiin na, níì lònɛʔɛgi yaʔa a gi tìgi n too n Kolocɔlɔɔ yɛ́ʔɛnaa-sìnvyaabèle dulunyan tɔ́n.

2 Pyɛri 2:9

Kánmi bee na Kàfɔw gi cán àmɛɛ wi a gbǎn wi yɛ́ɛgi fyáafɔɔlɔ yirige be kagbanyi ni lè, si syɛɛnnaa-sìnzinbèle kɔn wɔʔɔgi kánma na kútiiw canjerige yɛ́ʔɛ na,

2 Pyɛri 3:6

Gee bee báriga ni lònɛʔɛgi da wɔ́ɔ̀ pan n baa lǎli bee dulunyan tɔ́n n kálagi.