21 Yala o yala ni sìi pye lè, a li i fíigi ni máari tári na, a dee bee myɛ kùu. Gee bee n jo féjɛɛnri, ní kěgi yaweere, ní sìnbirigi wóro, n fàra yáriree na di fulolo tári na lè, ní syɔɔn ye myɛw.
Kánmi bee na Kolocɔlɔɔ sìnbirigi yaweere sámaga n yɛlɛ ní di féleyi ní, ní wɔ́ɔ̀ kěgi yaweere sámaga n yɛlɛ ní di féleyi ní, n fàra yáriree na di fulolo lè. A Kolocɔlɔɔ gee bee nyaa a gi nyɔɔ.
Lǎli bee ni a Kolocɔlɔɔ gi joo Nowe ma níì jo: «Mii n gi kɔ̀rirɔ n tímana bi syɔɔn ye myɛ kwɔ́ɔ láʔa yaà. Níì cán be péemi kèlē n tári nyìn. Mii si a be pínɛ kálagi ní tári ní.
Mii si na, mii a lònɛʔɛgɛ tìrige bi tári tɔ́n, jàngó bi cere yáriri myɛ kálagi di nyɛ lè nyɛ̀ʔɛni láara ni, ŋɔngara si i nyɛ di ni. Dee myɛ di nyɛ lè tári na, ti a kùu.
Níì cán canya kɔrɔsiin ga kwɔ́ɔ, mii a zěgi cáan tári na canya togoye siin ní yébiliye togoye siin ni. Kánmi bee na sìi yáriri myɛ mii faan lè, mii a dee bee pɛ́ɛ láʔa yaà tásaligi na.»
Koro na tári a pye kùu káyaʔa na, bele myɛ be nyɛ di ni lè pe a fána, poro ní sìnbirigi yaweere, ní nyɛ̀ʔɛni féjɛɛnrɛ. Alí sólomi lɔ́ʔɔ fàala a wɔ́ɔ kwɔ́ɔ yiri yaà.»
Naà i sórigolo kpéʔele ki yɛʔɛ̀ ma, naanyìnge si i nyɛ ki kàdoʔo ma, gee gi sórogi lè, tári maa pye ki yɛʔɛ̀ ma àmɛɛ Edɛn nángwɔɔ nyɛ lè, ki kàdoʔomaw si na, koro i nyɛ fìimɛ tɛɛ̀kalagiga, yafyɛn o syoo gi ma í!
Mii a syɛ́ɛnbèle ní yaweeri kwɔ́ɔ bi láʔa yaà, mii a nyɛ̀ʔɛni féjɛɛnrɛ ní sólomi lɔ̀ʔɔ fàala kwɔ́ɔ bi láʔa yaà, ní kérigèle ge syɔɔn pùuní lè, bi koro ní syɛɛnpeebèle kwɔ́ɔ bi láʔa yaà, mii a syɔɔn ye kwɔ́ɔ bi láʔa yaà tásaligi na,» Yawe wi jo nya.
Níì cán syɛ́ɛnbèle maa ni líi, ní i gbo, ní i cèpɔrigi kpéʔele, ní wɔ́ɔ i be pìíbèle kaangi pe i be pɔri, níì kòro gee bee myɛ na ni kpéʔele n taa n sáà nan Nowe cânjeegi na kɔ́rɔkpɔɔgi ni. A lònɛʔɛgi pan n baa pe myɛ kpóo.
Yasamagari myɛ i nyɛ wodɛʔɛrɛ ní kanyɔɔnɔ fun fangi láara ni, ti nyɛnɛ kéele si ban í, ti tɛ́ʔɛfɔw nyɛ́nɛ kéele lii, koro ní ki myɛ ní sɔ̀ngumɔ tɛɛtaʔaga i yaà,
Wi da wɔ́ɔ̀ booma dulunyanw yaʔa í, kàjáa Nowe wi da pye lè sínni syɛ́ɛnrɛ joofɔlɔ, wi maa woro syɔɔ n fàra syɛ̀ɛnnɛ kɔrɔsiin na, níì lònɛʔɛgi yaʔa a gi tìgi n too n Kolocɔlɔɔ yɛ́ʔɛnaa-sìnvyaabèle dulunyan tɔ́n.