Sélimɛ 7:1 - Cebaara Bible 2010

¹ A Yawe gi joo Nowe ma níì jo: «Jée kɔ́rɔkpɔɔgi ni ní mɔ kpaʔa wóbèle myɛ ní. Níì cán mɔ nibin mii nyaa wozinw niyɛɛ yɛ́ʔɛ ma mɔ lali syɛ̀ɛnnɛ nínge ni.

Sélimɛ 7:1 Iomraidhean Croise

Sélimɛ 6:18

Mii si a mii joogaanni kpéʔele ní mɔ ní. Mɔ ní mɔ piibèle, ní mɔ céw, ní mɔ piibèle càbala, yele a jée kɔ́rɔkpɔɔgi ni.

Sélimɛ 6:9

Nowe yòdaʔayi yi nyɛ yee naa. Nowe maa pye syɛɛnsiɔn. Wi maa pye kajoolo fun syɔ́ɔn wi lǎli syɛ̀ɛnnɛ nínge ni. Nowe maa pye pínɛnyɛnnɛgɛ na ní Kolocɔlɔɔ ní.

Sélimɛ 7:13

Cángi bee tiimaa na Nowe jée kɔ́rɔkpɔɔgi ni, woro ní wi céw, ní wi pìíbèle be lè Sɛmi, ní Kami, ní Zyafɛti, n fàra wi pìíbèle càbala taanri na,

Sélimɛ 7:7

A Nowe jée kɔ́rɔkpɔɔgi ni, woro ní wi céw, ní wi pìíbèle, ní wi pìíbèle càbala jàngó bi syɔɔ lònɛʔɛgi ma.

2 Samyɛli 22:24

Mii maa pye tɛɛkololo fun wi ma. Mii maa ni niyɛɛ kɔ̀rɔsíi jàngó mii a kɔ́ too tɛɛlaa ni í.

Kàseegèle 10:9

Wee wi táanri funvii na lè, wee bee a tɛ́ɛn ŋɔ́ndaala na, wee si wi kogoloyi táanri lè, wee bee kéele a ba cán.

Kàseegèle 14:26

Wee wi fɛ̀ɛgí Yawe na lè, sɔ̀ngumɔ tɛɛtaʔajanga i nyɛ wi ma, wi si i nyɛ wi pìíbèle ma tɛɛlaraga.

Kàseegèle 18:10

Yawe mɛ́ɛgi i nyɛ kpaataʔa-nirige. Syɛɛnsiɔn i fé ni jǐn gi ni ni syoo keele ma.

Ezekyɛli 14:14

á nǎnbèle naa taanri pye di ni pe lè Nowe, ní Danyɛli, ní Zyɔbi, syɛ́ɛnbèle bee a peyɛɛ sìíw syɔɔ pe sínni báriga ni, Kàfɔw Yawe wi jo nya.

Sofonii 2:3

Yele bele myɛ ye nyɛ lè màámi fɔ̀ɔlɔ tári na, yaa Yawe caa, yele bele ye táanri wi kajoogèle na lè! Yaa sínni caa, yaa màabyeri caa! Dɔ̀ʔɔ́ yele a ba taa syɔɔ Yawe fundanʔari canʔa na.

Luki 1:6

Pe myɛ siinw maa pye syɛɛnsinbéle Kolocɔlɔɔ yɛ́ʔɛ ma, ní tɔ̀nɔ́ i Kàfɔw tundunro, ní wi kajoodɛɛngèle myɛ kpéʔele tɛɛkolobile fun.

Luki 17:26

Amɛɛ ki da pye lè Nowe lǎli ni, ànbée ki a wɔ́ɔ ba pye Syɔɔn-pya lǎli ni.

Kapyegèle 2:39

Níì cán Kolocɔlɔɔ maa li nyɔ́ɔgi fàli yele ní yele pìíbèle ma n fàra bele myɛ na be nyɛ lè léelige, poro bele kánma wolo Kàfɔw Kolocɔlɔɔ a yeri lè.»

Heburubèle 11:7

Tágali báriga ni Nowe da kɔ́rɔkpɔɔgi sámaga, àmɛɛ Kolocɔlɔɔ da wi sàmi lè kérigèle na, gele ge lè syɔɔn da kɔ́ɔ̀ ge nyaa í, wi maa ni fɛ̀ɛgí Kolocɔlɔɔ na níì gi sámaga jàngó woro ní wi kpaʔa wóbèle í syɔɔ. Tágali bee báriga ni wi da kútiiw cáan dulunyanw syɛ̀ɛnnɛ na, ní baa pye sínni kɔriliio lee li yìri lè tágali ma.

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.