Sélimɛ 6:9 - Cebaara Bible 2010

⁹ Nowe yòdaʔayi yi nyɛ yee naa. Nowe maa pye syɛɛnsiɔn. Wi maa pye kajoolo fun syɔ́ɔn wi lǎli syɛ̀ɛnnɛ nínge ni. Nowe maa pye pínɛnyɛnnɛgɛ na ní Kolocɔlɔɔ ní.

Sélimɛ 6:9 Iomraidhean Croise

Sélimɛ 10:1

Lònɛʔɛgi sɔ̀lɔlɔ kàdoʔo ma, Nowe jáabèle be lè Sɛmi, ní Kami, ní Zyafɛti, a poro nànbiigéle see. Nowe jáabèle bee yòdaʔaya yi nyɛ yee naa:

Sélimɛ 17:1

Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

Sélimɛ 2:4

Kánmi bee na nyɛ̀ʔɛni ní tári sélimɛ da pye lǎli ni di faan lè. Lǎli ni Yawe Kolocɔlɔɔ tári ní nyɛ̀ʔɛni faan n kwɔ́ɔ lè,

Sélimɛ 48:15

A wi dùba kpéʔele Zyozɛfu ma níì jo: Kolocɔlɔwee yɛ́ʔɛ ma mii tóolɛɛgi Abirahami, ní mii tóow Izaaki da ni síngi ni táanri lè, Kolocɔlɔw bee wi nyɛ mii nàʔafɔw nlaa mii nyɛ beè lè fwɔɔ n taa n baa nan níjanʔa na,

Sélimɛ 5:1

Adami yòdaʔayi sɛ́bɛ wi nyɛ wee naa: Cángee na Kolocɔlɔɔ syɔɔn faan lè, wi maa wi sámaga a wi woro Kolocɔlɔɔ wíri.

Sélimɛ 5:22

Matusalɛmi seeli kàdoʔo ma, a Henɔki níì yɛ̀ʔɛlɛ sirakele ní dabata taa pínɛnyɛnnɛgɛ na ní Kolocɔlɔɔ ní. Wi si maa níì nànbiigèle kèle see n fàra calipiigèlē na.

Sélimɛ 5:24

Henɔki maa pye pínɛnyɛnnɛgɛ na ní Kolocɔlɔɔ ní. Koro kàdoʔo ma a be fɔ̀n wi ni níì cán Kolocɔlɔɔ maa wi láa.

Sélimɛ 6:10

Nowe maa nàbiigéle taanri see, poro be nyɛ Sɛmi, ní Kami, ní Zyafɛti.

Sélimɛ 7:1

A Yawe gi joo Nowe ma níì jo: «Jée kɔ́rɔkpɔɔgi ni ní mɔ kpaʔa wóbèle myɛ ní. Níì cán mɔ nibin mii nyaa wozinw niyɛɛ yɛ́ʔɛ ma mɔ lali syɛ̀ɛnnɛ nínge ni.

2 Samyɛli 22:24

Mii maa pye tɛɛkololo fun wi ma. Mii maa ni niyɛɛ kɔ̀rɔsíi jàngó mii a kɔ́ too tɛɛlaa ni í.

1 Fànʔafɔbèle 3:6

A Salomɔn wi yari: «Mɔ n kacàngbɔʔɔ kpéʔele mɔ falipyew Davidi na wi lè mii tóow, àmɛɛ wi da ni táanri lè mɔ yɛ́ʔɛ ma kányɛɛgi, ní sínni, ní funviiri na. Mɔ n kacàngbɔɔgi bee kɔn wi kéeli na níì jaafɔlɔ kaan wi ma, wee wi tɛ́ɛn wi fàngoli na lè, àmɛɛ gi kpéʔele lè níjanʔa.

2 Cányi kèlē 15:17

Kàjáa sáriga-wòlo-tɛ́ɛyi da kálagi n yirige Isirayɛli ni í. Alí n gi yaʔa Aza fúngi myɛ n pye Yawe na wi sìíw làla myɛ ni.

2 Cányi kèlē 25:2

A wi i gi kpéʔele, gee gi sín Yawe nyɛ́nɛ na lè. Kàjáa wi da ni gi kpéʔele ní fungaa ní, gee gi sín n foro lè í.

Zyɔbi 1:1

Nànwaa maa pye yaà Usi tári ni, pe i wi yiri Zyɔbi. Wi maa tɔ̀nɔ n pye kajoolo fun syɔ́ɔn, níì sín. Wi maa ni fɛ̀ɛgí Kolocɔlɔɔ na, ní i còʔoró kapeebyeri na.

Zyɔbi 1:8

A Yawe Sutanaw pye: «A mɔ mii falipyew Zyɔbi kɔ̀rɔsíi lé? Syɔɔnwaa o nyɛ wi felege tári na í. Wi i nyɛ kajoolo fun, níì sín. Wi i fɛ̀ɛgí Kolocɔlɔɔ na, ní i còʔoró kapeebyeri na.»

Zyɔbi 12:4

Mii n baa pye syɔɔnwaa wee wi nyɛ lè kataanra yála wi tàannyɛnnɛ ma, lǎli ni mii ga ni mii Kolocɔlɔɔ mɛ́ɛgi yiri lè jàngó wi lóʔo mii ma. Syɛɛnsinw wi nyɛ lè kajoolo fun, wi n baa pye kataanra yála!

Ŋúnuyi 37:37

Da kolomɔ fun syɔ́ɔnw kɔ̀rɔsíi, da syɛɛnsinw wéle. Bɛ̀ɛlɛ légefɔlɔ nyɛ̀ʔɛnaw i nyɔɔgi.

Ŋúnuyi 37:39

Syɛɛnsinbèle syɔɔlɔ i yìrigí Yawe ma, woro wi nyɛ be tɛɛlàragi wɔʔɔli canʔa na.

Kàseegèle 4:18

Syɛɛnsinbèle kóbile i nyɛ àmɛɛ canvolovɔ́ngɔ gbɛɛnmɛ nyɛ, bee na kàa taari lè bi taa cángi í ba tɛ́ɛn nyùngo ni.

Syɛɛnjóow 7:20

Syɔɔn faala o beè woziɔn ní tári na, wee wi kacǎngèle kpéʔele lè, wi si o kapeele kpéʔele í.

Ezekyɛli 14:14

á nǎnbèle naa taanri pye di ni pe lè Nowe, ní Danyɛli, ní Zyɔbi, syɛ́ɛnbèle bee a peyɛɛ sìíw syɔɔ pe sínni báriga ni, Kàfɔw Yawe wi jo nya.

Ezekyɛli 14:20

á Nowe, ní Danyɛli, ní Zyɔbi pye di ni, mii woweew mɛ́ʔɛ na, Kàfɔw Yawe wi jo nya, pe a gbǎn nànbile wàlá calipile syɔɔ í. Kàjáa pe a peyɛɛ sìíw syɔɔ pe sínni báriga ni.› »

Habakuki 2:4

Wéle, kpɔɔmɔ n syɛɛnaa-sìnzinw fúngo nyìn, kàjáa syɛɛnsinw a sìi taa wi tágali báriga ni.

Luki 1:6

Pe myɛ siinw maa pye syɛɛnsinbéle Kolocɔlɔɔ yɛ́ʔɛ ma, ní tɔ̀nɔ́ i Kàfɔw tundunro, ní wi kajoodɛɛngèle myɛ kpéʔele tɛɛkolobile fun.

Luki 2:25

Nànwaa si maa pye Zyerusalɛmi ni pe i wi yiri Simeyɔn. Nǎnw bee maa pye syɛɛnsiɔn, ní i fɛ̀ɛgí Kolocɔlɔɔ na, ní wɔ́ɔ i yɛɛ̀nyingi sige, gee Kolocɔlɔɔ da joo wi a ba kaan Isirayɛli ye ma lè. Pìicǎnni si maa ni wi kàragí.

Luki 23:50

Nànwaa maa pye yaà pe i wi yiri Zyozɛfu, wi maa pye Arimate ye wóo gi pye lè Zyefukègaa, wi maa pye kpóʔorojooli kacɔɔnriwaa, ní i nyɛ syɛɛncaɔn, ní wɔ́ɔ̀ sín, ní i Kolocɔlɔɔ fǎngi sige. Wi da fɔ̀lɔ wozanbèle syɛɛnjóoro, ní be kapyeli na í.

Kapyegèle 10:22

A be wi yari: «Kɔrɔnɛ wi lè sùlasiibèle dabata kàrigafɔlɔ, wi i nyɛ syɛɛnsiɔn ní wɔ́ɔ i fɛ̀ɛgí Kolocɔlɔɔ na, a Zyefubèle myɛ i wi mɛ́ɛtaangi yiri, nyɛ̀ʔɛni tundunjanwaa n wi sàmi níì jo wi mɔ yeri mɔ í kári wi kpaʔa ma wi sa syɛɛnraa lóʔo mɔ ma.»

Wɔrɔmi ye 1:17

Níì cán Syɛɛnjóocǎnri di sínni tèé, lee li taagi lè Kolocɔlɔɔ ma, ní i taagi tágali yagana báriga ni, àmɛɛ Kolocɔlɔɔ syɛɛnsɛbɛri gi joo lè níì jo: «Syɛɛnsinw a sìi taa tágali báriga ni.»

Galasi ye 3:11

Kàjáa ki n fílige Kolocɔlɔɔ Syɛɛnsɛbɛri ni ncan syɔɔn faala a gbǎn sínni taa Kolocɔlɔɔ nyɛ́nɛ na làlwaw báriga ni í, àmɛɛ gi jo lè: «Syɛɛnsinw a sìi taa tágali báriga ni.»

Làlwaw Kaanziin 18:13

Mɔ a pye tɛɛlɛ fun Yawe mɔ Kolocɔlɔw yɛ́ʔɛ ma.

Heburubèle 11:7

Tágali báriga ni Nowe da kɔ́rɔkpɔɔgi sámaga, àmɛɛ Kolocɔlɔɔ da wi sàmi lè kérigèle na, gele ge lè syɔɔn da kɔ́ɔ̀ ge nyaa í, wi maa ni fɛ̀ɛgí Kolocɔlɔɔ na níì gi sámaga jàngó woro ní wi kpaʔa wóbèle í syɔɔ. Tágali bee báriga ni wi da kútiiw cáan dulunyanw syɛ̀ɛnnɛ na, ní baa pye sínni kɔriliio lee li yìri lè tágali ma.

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.

2 Pyɛri 2:5

Wi da wɔ́ɔ̀ booma dulunyanw yaʔa í, kàjáa Nowe wi da pye lè sínni syɛ́ɛnrɛ joofɔlɔ, wi maa woro syɔɔ n fàra syɛ̀ɛnnɛ kɔrɔsiin na, níì lònɛʔɛgi yaʔa a gi tìgi n too n Kolocɔlɔɔ yɛ́ʔɛnaa-sìnvyaabèle dulunyan tɔ́n.