Sélimɛ 6:8 - Cebaara Bible 2010

⁸ Kàjáa Kolocɔlɔɔ maa kacànna pye Nowe na.

Sélimɛ 6:8 Iomraidhean Croise

Sélimɛ 19:19

Mii i mɔ nyɛ́ɛri mii wi lè mɔ púlow, mii n kpɔʔɔrɔ taa mɔ ma, mɔ n tɔ̀nɔ n nyɔɔ mii na, níì mii yaʔa sìi na. Mii si a gbǎn fàn bi syɔɔ bi sa nan nyanbelegi na í, kapeegi í kòro mii sìndaa ni kólogi na bi mii kpóo í.

Ŋúnuyi 145:20

Bele myɛ be tàmaga le ní Yawe ní lè, wi i be kpáaw wéle, kàjáa, wi i syɛɛnpeebèle myɛ kálagi.

Ŋúnuyi 84:11

Bi canʔa nibin kwɔ́ɔ mɔ kpɔʔɔrɔli kpaʔa kàcoolo kadàagēle na, koro n pɔ́rɔ n sɔ̀lɔ canya saala kagunɔ kwɔ́ɔlɔ na tɛɛgaa nikwɔɔ ni. Bi yére mii Kolocɔlɔw kpaʔa kpaaweele na, mii n koro fúngo cán n sɔ̀lɔ tɛ́ɛnni na syɛɛnpeebèle fànikpaaya ni.

Kàseegèle 12:2

Yawe i nyɔɔgi syɛɛncanw na, syɔɔnwee ni si sɔ̀ngubeeri nyɛ lè, Yawe i kolomɔ kaangi wee bee ma.

Kàseegèle 3:4

Kánmi bee na mɔ a kpɔʔɔrɔ, ní kacànna taa Kolocɔlɔɔ ní syɛ́ɛnbèle ma.

Kàseegèle 8:35

Níì cán syɔ́ɔnwee wi ga mii caa n nyaa lè, wi n sìíw taa, Yawe a fɔ̀lɔ wi na.

Zyeremii 31:2

Yawe wi syɛ́ɛnri naa joo níì jo: «Syɛ́ɛnbèle bele be syɔɔ ŋɔséew ma lè, pe n kpɔʔɔrɔ taa fìími tára ni. Isirayɛli i táanri ni syée wi ŋɔ́ndaali ma.»

Ezekyɛli 14:14

á nǎnbèle naa taanri pye di ni pe lè Nowe, ní Danyɛli, ní Zyɔbi, syɛ́ɛnbèle bee a peyɛɛ sìíw syɔɔ pe sínni báriga ni, Kàfɔw Yawe wi jo nya.

Matye 24:37

Amɛɛ ki da pye lè Nowe lǎli ni, ànbée ki a wɔ́ɔ ba pye Syɔɔn-pya laribanni ni.

Luki 1:30

A nyɛ̀ʔɛni tunduɔn wi pye: «Mɔ a kɔ́ ra fɛ̀ɛgí í, Marii, níì cán mɔ n dùba taa Kolocɔlɔɔ ma.

Luki 17:26

Amɛɛ ki da pye lè Nowe lǎli ni, ànbée ki a wɔ́ɔ ba pye Syɔɔn-pya lǎli ni.

Kapyegèle 7:46

Amɛɛ si Davidi baa kpɔʔɔrɔ taa Kolocɔlɔɔ ma lè, a wi wi nyɛ́ɛri níì jo, woro i caa bi tɛɛkòrogaa sámaga Zyakɔbi Kolocɔlɔw ma.

Wɔrɔmi ye 11:6

Kapye ki n kpéʔele n yɛlɛ ní kpɔ́ʔɔri ní, ki ní o nyɛ kapyegèle fɛ̀ɛ í. Kapye koro ban í, kpɔ́ʔɔri a ní dée pye kpɔʔɔrɔ í.

Wɔrɔmi ye 4:4

Syɔ́ɔnwee wi báara lè sàra na, pe o wi sàraw córo yakanʔa í, fwɔɔ fwɔɔtɔnrɔ.

1 Korɛnti ye 15:10

Kolocɔlɔɔ kpɔ́ʔɔri báriga ni si mii baa pye kánmi naa na mii nyɛ lè níjanʔa, kpɔ́ʔɔri bee wi kaan mii ma lè, ti ga yiri gbanzan í. Níì cán mii n báara n sɔ̀lɔ pe myɛ na. Koro ní ki myɛ ní mii séew báriga ni ban koro kpéʔele í, Kolocɔlɔɔ kpɔ́ʔɔri di nyɛ mii ma.

Galasi ye 1:15

Kàjáa wee wi mii nyɛ́nɛ n wòlo n yaʔa kɔlɔ̀ na sáni mii nɔ́ɔw í mii see lè, lǎli ni wi mii yeri wi nyínimi báriga ni lè,

2 Timɔte 1:18

Kàfɔw í gi yaʔa Kàfɔw í ba nyinimɛ taa wi na cángi bee. Kérigèle gele myɛ na wi da mii màkow nyɔɔ lè Efɛzi ni, mɔ n ge cán n sɔ̀lɔ wozanbèle na.

Tiiti 2:11

Kolocɔlɔɔ n wi kpɔ́ʔɔri tɛ̀ɛn jàngó syɛ́ɛnbèle myɛ í syɔɔli taa.

Tiiti 3:7

koro ga pye wolo í sín Kolocɔlɔɔ ma wi kpɔ́ʔɔri báriga ni si pye sìibangwɔɔw kɔriliibéle, sìíwee wi lè wolo sɔ̀ngumi tɛɛtaʔaga.

Heburubèle 4:16

Gee bee na wolo màko ga pye dɛ̀ɛmɛnɛ na lǎlee ni lè, ki n yɛlɛ wo nùuni ní nànzorodo ní fàngoli fɔ́lɔ na, woro wee wi kpɔ́ʔɔri kaangi lè, koro ga pye wi nyinimɛ taa wolo na si kpɔ́ʔɔri kaan wolo ma lǎli bee ni.

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.

2 Pyɛri 2:5

Wi da wɔ́ɔ̀ booma dulunyanw yaʔa í, kàjáa Nowe wi da pye lè sínni syɛ́ɛnrɛ joofɔlɔ, wi maa woro syɔɔ n fàra syɛ̀ɛnnɛ kɔrɔsiin na, níì lònɛʔɛgi yaʔa a gi tìgi n too n Kolocɔlɔɔ yɛ́ʔɛnaa-sìnvyaabèle dulunyan tɔ́n.