Sélimɛ 6:7 - Cebaara Bible 2010

⁷ A Yawe jo: «Syɛ́ɛnbèle mii faan lè, mii a be pɛ́ɛ láʔa tásaligi na, poro ní yaweeri, ní yáriree di fulolo lè n fàra féjɛɛnri na. Níì cán mii n gi nyaa mii da caà yɛlɛ bi be faan í.»

Sélimɛ 6:7 Iomraidhean Croise

Sélimɛ 6:6

A Yawe gi nyaa woro da caà yɛlɛ bi syɔɔn faan naa tári na í. A gi tɔ̀nɔ n pye wi ma funbɛɛnrɛ.

Sélimɛ 7:21

Yala o yala ni sìi pye lè, a li i fíigi ni máari tári na, a dee bee myɛ kùu. Gee bee n jo féjɛɛnri, ní kěgi yaweere, ní sìnbirigi wóro, n fàra yáriree na di fulolo tári na lè, ní syɔɔn ye myɛw.

Sélimɛ 7:4

Níì cán canya kɔrɔsiin ga kwɔ́ɔ, mii a zěgi cáan tári na canya togoye siin ní yébiliye togoye siin ni. Kánmi bee na sìi yáriri myɛ mii faan lè, mii a dee bee pɛ́ɛ láʔa yaà tásaligi na.»

Sélimɛ 8:21

A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

Ŋúnuyi 37:20

Kàjáa syɛɛnpeebèle a kálagi, Yawe nigoobèle a pye àmɛɛ nyàápun-jànga nyɛ lè. Pe a kwɔ́ɔ, pe a tɔ̀nɔ́ kwɔ́ɔ wírige kwɔ́ɔganma na.

Kàseegèle 10:27

Yawe yɛ́ɛgi fyáara i syɔɔn siiw canya nɛʔɛgi, kàjáa syɛɛnpeebèle sìi yɛ̀ʔɛlɛ n cɛ́rɛ.

Kàseegèle 16:4

Nyùngo i nyɛ Yawe ma wi yakpéʔeleri myɛ na, àlí syɛɛnpeew i nyɛ wɔʔɔgi canʔa kánma na.

Ezayi 27:11

Káganbiiri ga waʔa lǎli ni lè, pe n di kabagi. Càbala n baa naà le di na. Sícilimɛ fun syɛ̀ɛnnɛ bɛɛ, koro na wee wi be faan lè, wi ga nyinimɛ taa be na í, wee wi be sámaga lè, wi ga nyɔɔ be na í.

Oze sɛ́bɛw 4:3

Koro na tári a pye kùu káyaʔa na, bele myɛ be nyɛ di ni lè pe a fána, poro ní sìnbirigi yaweere, ní nyɛ̀ʔɛni féjɛɛnrɛ. Alí sólomi lɔ́ʔɔ fàala a wɔ́ɔ kwɔ́ɔ yiri yaà.»

Amɔsi 7:3

A Yawe kàdoʔo wáa gee bee pyele ma níì jo: «Gee bee a ní pye í.»

Amɔsi 7:6

A Kàfɔw Yawe kàdoʔo wáa gee bee pyele ma níì jo: «Gee bee a ní pye í.»

Sofonii 1:18

Pe wálifiiw yoo, pe tɛ́ɛw yoo, toro a gbǎn ba be syɔɔ Yawe fundanʔagbɔɔri canʔa na í. Wi yejaagi náa a tápow sórigo, ki a tɔ̀nɔ́ pye fyáakpɔɔrɔ àmɛɛ wi a tári syɛ̀ɛnnɛ myɛ kálagi kwɔ́ɔ lè.»

Sofonii 1:2

Yawe n jo: «Mii a yáriri myɛ kwɔ́ɔ bi láʔa tásaligi na.

Sofonii 1:3

Mii a syɛ́ɛnbèle ní yaweeri kwɔ́ɔ bi láʔa yaà, mii a nyɛ̀ʔɛni féjɛɛnrɛ ní sólomi lɔ̀ʔɔ fàala kwɔ́ɔ bi láʔa yaà, ní kérigèle ge syɔɔn pùuní lè, bi koro ní syɛɛnpeebèle kwɔ́ɔ bi láʔa yaà, mii a syɔɔn ye kwɔ́ɔ bi láʔa yaà tásaligi na,» Yawe wi jo nya.

Làlwaw Kaanziin 28:63

Amɛɛ ki da Yawe dɛ́nɛ bi kacànna kpéʔele yele na bi yele nɛʔɛ lè, ànbée ki a wɔ́ɔ wi dɛ́nɛ bi yele kálagi bi yele kwɔ́ɔ. Pe a yele kɔn bi yirige tásaligi ni, gee ni yele a jée lè bi gi syɔɔ taa.

Làlwaw Kaanziin 29:20

Yawe a wi wàli bi yirige Isirayɛli syɛɛnfeleyi myɛ ni bi kaan wɔʔɔli ma bi yɛlɛ ní joogaanni dánga syɛ́ɛnrɛ myɛ ní di sɛ́bɛ lè làlwa-sɛ́bɛw naa ni.

1 Samyɛli 15:11

«Amɛɛ mii Sawuli kpéʔele lè fànʔafɔlɔ, ki ga níì mii dɛ́nɛ í. Níì cán wi n lúru mii kurugo, wi ga mii syɛ́ɛnri foro í.» A Samyɛli fúngi tanʔa, a wi i yákpoli wáa Yawe kurugo yébiligi myɛ ni.