Sélimɛ 6:6 - Cebaara Bible 2010

⁶ A Yawe gi nyaa woro da caà yɛlɛ bi syɔɔn faan naa tári na í. A gi tɔ̀nɔ n pye wi ma funbɛɛnrɛ.

Sélimɛ 6:6 Iomraidhean Croise

Sélimɛ 6:7

A Yawe jo: «Syɛ́ɛnbèle mii faan lè, mii a be pɛ́ɛ láʔa tásaligi na, poro ní yaweeri, ní yáriree di fulolo lè n fàra féjɛɛnri na. Níì cán mii n gi nyaa mii da caà yɛlɛ bi be faan í.»

2 Samyɛli 24:16

Lǎli ni nyɛ̀ʔɛni tunduɔn kɔ́gi yìrige Zyerusalɛmi na n jo woro a wi kálagi lè, a Yawe wi sɔ̀nguri láʔa wɔʔɔgi bee pyele na. A wi gi joo nyɛ̀ʔɛni tunduɔn ma wi pye syɛ́ɛnbèle nínge ni ni gàlagíw kpéʔele lè níì wi pye: «Ki n yɛlɛ nya! Mɔ kɔ́gi tìrige tɔ́ɔliw ni.» Yawe nyɛ̀ʔɛni tunduɔn maa pye Aravina kàsyɔɔgi taana, wi lè Yebusi ye wów.

1 Cányi kèlē 21:15

A Kolocɔlɔɔ nyɛ̀ʔɛni tundunwaa tórigo Zyerusalɛmi ma wi sa gi kálagi. N wi yaʔa gi kálagili na, a Yawe gi wéle, níì wi sɔ̀ngumi láʔa kálagili bee na. A wi gi joo nyɛ̀ʔɛni tunduɔn ma wi da ni gàlagíw kpéʔele lè, níì jo: «Ki n yɛlɛ nya, mɔ kɔ́gi tìrige tɔ́ɔliw ni.» Lǎli bee ni Yawe nyɛ̀ʔɛni tunduɔn maa pye Orinan kàsyɔɔgi taana, wi lè Yebusi ye wów.

Ŋúnuyi 106:45

Wi n sɔ̀ngi n taa wi joogaanni na be kéeli na, wi n nyinimɛ taa n yɛlɛ ní wi funjǎngi ní,

Ŋúnuyi 110:4

Yawe n kàli gi na n jo: «Mɔ i nyɛ sáriga-wòloo làla o làla n yɛlɛ ní Mɛlikizedɛki félegi ní. Wi si a tée wi sɔ̀nguri fàli í.»

Ŋúnuyi 119:158

Mii n syɛɛnco-mí-kaanbèle nyaa, pe kéeli n mii bɛɛn, poro bele be lè pe o sɔ̀ngí mɔ syɛ́ɛnri na í.

Ŋúnuyi 78:40

Pe n wi cée fìími tára ni tɔlɔyɔ saʔa! Pe n wi fúngi tanʔa n be yaʔa táwaari ni!

Ŋúnuyi 81:13

Lǎli bee ni a mii be yaʔa pe i syée be fungbanyi kóloyo ni, a pe i be tiimaa kakɔrirɔgèle kóloyo táanri.

Ŋúnuyi 95:10

Yɛ̀ʔɛlɛ togoye siin fúngo ni, a yìrili bee syɛ̀ɛnnɛ láa wòlo mii ni, a mii jo: «Syɛɛnfelegaa gii, gee fúngo gi kólogi yaʔa lè. Pe ga mii kólogi kèlē cán í.»

Yirile 32:14

Kapeegee Yawe da joo wi a kpéʔele wi syɛ́ɛnbèle na lè, a wi gi kpéʔeleli yaʔa.

Ezayi 48:18

Ee, mɔ ga maa yákirii yaʔa mii tundunri na, mɔ yɛɛ̀nyingi a dée pye àmɛɛ cábiga nyɛ lè, mɔ sínni a dée pye àmɛɛ sólomi lɔ̀ʔɔ kùnguruyo nyɛ lè.

Ezayi 63:10

Kàjáa pe n céemɛ kpéʔele, pe n wi Pìicǎnni fúngo tanʔa, a wi kàri n pye pe nigoo, woro wi kapɛɛnni kpúmɔn ní be ní.

Zyeremii 18:7

Làlaa ni mii ga gi joo syɛɛnfelegaa, wàlá fàngaa kéele na níì jo gi kɔ́n bi yiri yaà, bi kpúmɔn cáan, bi kálagi,

Zyeremii 26:19

A Zyuda fànʔafɔw Ezekyasi ní Zyuda ye myɛw wi kpóo lé? Ezekyasi ga fyáa Yawe na ì? Wi ga Yawe nyɛ́ɛri gbanʔama ì? Lǎli bee ni a Yawe wi sɔ̀ngumi láʔa kapeegi na wi da joo be kéeli na lè, á wolo si i caa bi kapeekpɔɔgi naa kpéʔele woyɛɛ na!»

Ezekyɛli 33:11

Ki joo be ma mí be pye: ‹Mii woweew mɛ́ʔɛ na, Kàfɔw Yawe wi jo nya, syɛɛnpeew kùu kéele o nyɛ mii kanidaanna í, fwɔɔ syɛɛnpeew í wi tánʔaganmi fàli si kòro sìi na. Ye lúru yaa maa, ye lúru yaa maa, yé yele kobeegi yaʔa. Nyàʔá na gi yɛlɛ yele í kɔ́ kùu, Isirayɛli kpáagi wòolo?›

Oze sɛ́bɛw 11:8

Kanmìí na mii a dée gbǎn mɔ yaʔa Efirayimi? Ba mɛ̀ɛ́ mii a dée gbǎn mɔ le kɔlɔ̀ ni, Isirayɛli? Kanmìí na mii a dée gbǎn mɔ kpéʔele àmɛɛ Adima nyɛ lè? Ba mɛ̀ɛ́ mii a dée mɔ kpéʔele àmɛɛ Seboyimi nyɛ lè? Mii fúngi n baa wáa n kàri, mii fúngi yárira myɛ i nyaʔami mii ni.

Zyowɛli 2:13

Ye yele fúnyi sulugu, yele búroyi ban yele yɛlɛ bi sulugu í, yé lúru ye pan Yawe yele Kolocɔlɔw ma. Níì cán wi i nyɛ funjàngafɔlɔ ní nyinidaaɔ, wi fúngi o taanri kelekele í, á wi nyínimi wɔ́ɔ̀ nɛʔɛ, wi i kàdoʔo wáa wɔʔɔgi kpéʔelele ma.

Zyonasi 3:10

A Kolocɔlɔɔ ga gi nyaa, gee pe da ni kpéʔele lè bi kàdoʔo wáa be tánʔaganbeemi ma, a Kolocɔlɔɔ wɔ́ɔ̀ kapeegi yaʔa, gee wi da tímana bi pye be na lè, wi ga gi kpéʔele í.

Malasyii 3:6

«Awá, mii wi nyɛ lè Yawe, mii o fɛ̀ɛ́ í. Koro na yele ye nyɛ lè Zyakɔbi jáabèle, yele ga kálagi n yiri yaà í.

Córolo 23:19

Kolocɔlɔɔ o nyɛ syɔɔn bi finɛ í. Wi o nyɛ Adami pyà bi kɔ́ mii-ga-ra-cán joo keele na í. Gee wi joo lè, a wi a gi yaʔa lé sìngbeʔele ni? Wi ga syɛɛnrɛ joo, a wi a di yaʔa lé sìnvoro ni?

Wɔrɔmi ye 11:29

Níì cán Kolocɔlɔɔ o wi sɔ̀nguri kàragí wi yakaanyi ní wi nyɛ́nɛ-wòloli kéele na nyáana í.

Efɛzi ye 4:30

Ki ga yɛlɛ yele wàa í kɔ́ Kolocɔlɔɔ Pìicǎnni kanibɛɛnnɛ kpéʔele í, níì cán loro li nyɛ Kolocɔlɔɔ fɛ̀ɛ́w, wee wi taʔa yele na lè bi taa syɔɔli canʔa í ba nan.

Làlwaw Kaanziin 32:29

Pe ga maa pye sícilibēle, gee pe a dée cán wàli lè, koro gi nyɛ, pe mǎà dée pe nyɛ̀ʔɛnaw kéele cán.

Làlwaw Kaanziin 32:36

Yawe a wi syɛ́ɛnbèle kútii joo, kàjáa wi a nyinimɛ taa wi falipyebèle na, lǎli ni wi ga gi nyaa a be fǎngi kwɔ́ɔ lè, syɔɔn faala ní o yaà, wee be cò lè wàlá wee be yaʔa lè í.

Làlwaw Kaanziin 5:29

Ee! Ki maa yɛlɛ be fúnyi í dée kòro kánmi naa na làla o làla, paa fɛ̀ɛgí mii na si mii kajoodɛɛngèle myɛ sámaga cò, koro ga pye be kòro fundaanra na kwɔ́ɔmɔ fun, poro ní be pìíbèle ní.

Heburubèle 3:10

pe n koro kpéʔele yɛ̀ʔɛlɛ togoye siin nínge ni. Koro na mii fúngi da tanʔa lǎli bee syɛ̀ɛnnɛ kurugo, a mii jo: Pe funzɔngumi i be léeli mii na làla o làla, pe ga mii kérigèle cán í.

Heburubèle 3:17

Bɛ̀lɛ́ kurugo Kolocɔlɔɔ da ni wi fúngi taanri fwɔɔ n baa taa yɛɛgéle togoye siin? Bele pe da ni kapeegèle kpéʔele lè ní i tuun ni kúu fìími tára ni lè, poro ban ì?

Zyaki 1:17

ki n yɛlɛ ye gi cán yakaanree myɛ di nyɛ lè wojanra ní, ní kpɔ́ʔɔree di nyɔɔ n foro lè, toro myɛ i yìrigí Kolocɔlɔɔ ma, woro wee wi gbɛ̀ɛ́nmi yárira myɛ kpéʔele lè, ti lè nyɛ̀ʔɛni na, woro wee wi wɔ́ɔ̄ nyɛ lè wi o fɛ̀ɛ́ í, wi si wɔ́ɔ o kàragí àmɛɛ nyínmi nyɛ lè í.

1 Samyɛli 15:11

«Amɛɛ mii Sawuli kpéʔele lè fànʔafɔlɔ, ki ga níì mii dɛ́nɛ í. Níì cán wi n lúru mii kurugo, wi ga mii syɛ́ɛnri foro í.» A Samyɛli fúngi tanʔa, a wi i yákpoli wáa Yawe kurugo yébiligi myɛ ni.

1 Samyɛli 15:29

Wee wi nyɛ lè Isirayɛli ye Fǎngi, wi o finɛ í. Wi o mii-ga-ra-cán nyuu í. Níì cán wi o nyɛ àmɛɛ syɔɔn nyɛ lè bi kɔ́ mii-ga-ra-cán joo í.»

1 Samyɛli 15:35

Samyɛli ga níì kári n sáà Sawuli wéle í fwɔɔ n taa n baa kùu. Níì cán Samyɛli maa pye kùu káyaʔa na Sawuli kéeli na, ncan ki maa Yawe bɛɛn àmɛɛ woro da Sawuli télege lè fǎngi na Isirayɛli ye nyúngi na.