Sélimɛ 6:5 - Cebaara Bible 2010

⁵ A Yawe baa gi nyaa syɔɔn péemi n tɔ̀nɔ n kpɔ́ʔɔ tári na n baa sɔ̀lɔ, á wi fúngi sɔ̀ngurɔ myɛ kòro kapeebyeri na canʔa o canʔa.

Sélimɛ 6:5 Iomraidhean Croise

Sélimɛ 13:13

Sodɔmi syɛ́ɛnbèle si maa tɔ̀nɔ n pee. Pe maa ni kapeegèle kpéʔele Yawe yɛ́ʔɛ ma.

Sélimɛ 8:21

A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

Zyɔbi 15:16

syɔɔn wi pee lè nya níì kálagi, woro wógi gi tóro, syɔɔn wi sìnzinmi gbo àmɛɛ lɔ̀ʔɔ nyɛ lè.

Zyɔbi 22:15

Cíi! Kolɛɛgee ni syɛɛnnaa-sìnzinbèle da ni táanri lè, koro ni lé mɔ caa bi kòro?

Ŋúnuyi 53:2

Nilabalaga ki gi nyuu kiyɛɛ fúngi ni níì jo: «Kolocɔlɔɔ o yaà í!» Pe n peyɛɛ gálagi, pe n kapeekpoloyo kpéʔele. Gee be kpéʔele lè, ki n kolo níì nɔ́nʔɔ. Syɔɔn faala o beè, wee wi kacàngēle kpéʔele lè í.

Kàseegèle 6:18

ní fúngee gi kapeeye tímana lè, ní tɔ́lɔyee yi fé kelekele kapeʔe kurugo lè.

Syɛɛnjóow 7:29

Gee si mii baa nyaa lè koro gi nyɛ: ncan Kolocɔlɔɔ n syɔɔn ye sámaga syɛɛnsinbéle, á pe baa kanmaa saʔa caa n gi gbàn peyɛɛ ma.

Syɛɛnjóow 9:3

Kapeegaa wéle gee yee myɛ nínge ni yi kpéʔele tári na lè, koro gi nyɛ ncan kanijanna i pe myɛ taagi. A gi wɔ́ɔ i nyɛ ncan syɔɔn ye fúnyi n nyìn kapeeyi na, á nidolimi si i nyɛ be fúnyi ni pe wéemi làla ni. Koro kàdoʔo ma pe n kári kúbèle tɛ́ʔɛ ma.

Zyeremii 17:9

Syɔɔn fúngi n kolo n sɔ̀lɔ yáriri myɛ na, sámagajànma o gi na í, wìí wi a gbǎn gi cán?

Zyeremii 4:14

Péemi pɛ́ɛ mi yirige mɔ fúngi ni, Zyerusalɛmi, koro ga pye mɔ í syɔɔ! Làla jòorí mɔ a kwɔ́ɔ nya wodɛ́ɛɔn ní mɔ fúngi sɔ̀ngubeere ni?

Ezekyɛli 8:12

A wi mii pye: «Syɔɔn-pya, a mɔ gi nyaa lé gee Isirayɛli kpáagi wòolo wolɛɛbèle kpéʔele yébilimi ni lè, pe myɛ nibin nibin pe kpaafunyi ni yi nyìn yɛɛcɔɔpiigèle na lè? Níì cán pe i gi nyuu níì jo: ‹Yawe o wolo nyaagi í, Yawe n tári yaʔa.› »

Ezekyɛli 8:9

A wi mii pye: «Jée mi yanɔnʔɔbeeyi wéle, yee be kpéʔele nɛɛ naa lè!»

Matye 15:19

Níì cán dee di yìrigí lè syɔɔn fúngi ma, toro di nyɛ sɔ̀ngubeeri, ní syɛɛnkpoori, ní ceyuugi, ní nànyuugi, ní kanɔnʔɔbyeri, ní kàyuugi, ní jànvaaw séera, ní Kolocɔlɔɔ mɛ́ɛkalagiri ní,

Matye 24:37

Amɛɛ ki da pye lè Nowe lǎli ni, ànbée ki a wɔ́ɔ ba pye Syɔɔn-pya laribanni ni.

Luki 17:26

Amɛɛ ki da pye lè Nowe lǎli ni, ànbée ki a wɔ́ɔ ba pye Syɔɔn-pya lǎli ni.

Làlwaw Kaanziin 29:19

Yawe a fɔ̀lɔ bi wi kùsulugi syɔɔ í. Kàjáa Yawe fundanʔari ní wi yejaagi a cò nǎnw bee kánma na. Dánga kérigèle ge sɛ́bɛ sɛ́bɛw naa ni lè, gele bee myɛ a nan wi na. Yawe a wi mɛ́ɛgi kurugo yirige yaà nyɛ̀ʔɛni láara ni.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.