Sélimɛ 6:2 - Cebaara Bible 2010

² lǎli bee ni a Kolocɔlɔɔ pìíbèle i syɛ́ɛnbèle cálipiigéle wéle n gi nyaa ke n tɔ̀nɔ n nyɔɔ. A be si ge kèle nyɛ́nɛ n wòlo n pye be càbala.

Sélimɛ 6:2 Iomraidhean Croise

Sélimɛ 12:11

A pe ga sáà nan bi jée Ezyipiti tári ni, a wi gi joo wi céw Sarayi ma níì jo: «Wéle, mii n gi cán mɔ tɔ̀nɔ́ i nyɛ cecàndeleo.

Sélimɛ 24:3

mii si mɔ kɔ́ri mɔ í kàli mii ma Yawe na, wi lè nyɛ̀ʔɛni Kolocɔlɔɔ ní tári Kolocɔlɔɔ, si jo mɔ a tée cɔlɔɔ láa Kanaan ye calipiigèle nínge ni bi kaan mii jáaw ma í, poro bele nínge ni mii nyɛ lè wee wodɛ́ɛɔn ní.

Sélimɛ 26:35

A cébèle bee tɔ̀nɔ n funbɛɛnrɛ wáa Izaaki ní Erebeka na.

Sélimɛ 27:46

A Erebeka gi joo Izaaki ma níì wi pye: «Sìíw láa n kwɔ́ɔ mii ni Hɛti calipiigèle gele kéele na. Zyakɔbi ga wɔ́ɔ níì Hɛti yòdaʔayi wówaa pɔri, tári naa cewaa, àmɛɛ bele bee nyɛ lè, nyùngìí ki a ní pye gi na mii í pye naa sìi na?»

Sélimɛ 3:6

A céw gi nyaa tiisangi bee a pye lìijànna, á gi wɔ́ɔ̀ wélemɛ dɛ́nɛ, ní wɔ́ɔ i nyɛ bi gbǎn kérigèle sɛʔɛwelele sícilimɛ kaan syɔɔn ma, a wi fala n ki yasangaa cɔɔ n lìi, níì kàa kaan wi nǎnw ma wi pye yaà ní wi ní lè, a woro wɔ́ɔ̀ gi lìi.

Sélimɛ 4:26

A Sɛti wɔ́ɔ baa nànbile see níì li mɛ́ɛgi le ni li yiri Enɔsyi. Lǎli bee ni syɛ́ɛnbèle séli ni Yawe mɛ́ɛgi yiri.

Sélimɛ 6:1

Lǎli ni syɛ́ɛnbèle séli ni nɛʔɛgi lè tári na, á be wɔ́ɔ i calipiigèle sii be ma,

Sélimɛ 6:3

Lǎli bee ni a Yawe jo: «Mii pǐli ga yɛlɛ bi kòro ní syɔɔn ní làla o làla í. Níì cán wi i nyɛ cere. Wi sìíw yɛ̀ʔɛlɛ myɛ kánma a pye togoye kɔrɔni.»

2 Samyɛli 11:2

A Davidi si kɔ́ɔ̀ yìri wi yasinɛgi na cangaa cângwɔʔɔ nyɔ́ɔ na ni nyaari ni máari fànʔafɔ-gbaagi ǹjoʔo ni, a wi cewaa wéle n nyaa wi i wíri, wee wi da tɔ̀nɔ n nyɔɔ lè gbanʔama.

Ɛsidirasi 9:12

Koro na yele a kɔ́ ra yele calipiigèle kaangi pe jáabèle ma í, yele a wɔ́ɔ kɔ́ ra be calipiigèle kaangi yele jáabèle ma í. Yele a tée kɔ́ be keele yaʔa li wári yele na yele í da be yɛɛ̀nyinge, wàlá be nyɔɔmɔ caa í. Kánmi bee na yele a fànʔa taa, yele a ra tári yacanra líi, si di yaʔa di kòro làla o làla kɔrigɔ yele pìíbèle ma.›

Zyɔbi 1:6

A ki ga pye cangaa, a Kolocɔlɔɔ pìíbèle pan n baa yére Yawe yɛ́ʔɛ ma, a Sutanaw wɔ́ɔ̀ pan n baa yére be níngi ni.

Zyɔbi 31:1

«Mii maa nyɔɔ fàli ní mii nyapiigèle ní níì jo, mii a tée mii nyapiigèle le nàngeele-sinján pìcaa ni í.

Yirile 34:16

Mɔ a wɔ́ɔ gi nyaa mɔ í da be pìíbèle lée bàā kaangi mɔ jáabèle ma pe càbala. Cébèle bee ga pye kanɔnʔɔri na ní be yasunyi ní, pe a wɔ́ɔ ra mɔ jáabèle kàragí paa kanɔnʔɔri kpéʔele ní poro yasunyi ní.

Ezayi 63:16

Bi gi taa mɔ wi nyɛ wolo Tóow, Abirahami ga wolo cán í, Isirayɛli ní o sɔ̀ngí ni taagi wolo na í. Yawe, mɔ wi nyɛ wolo Tóow, n téè láa yaà kwɔ́ɔmɔ fun, mɔ i yiri wolo nyùnzyɔɔw.

Malasyii 2:11

Zyuda n jànvaa kpéʔele, yanɔnʔɔgɔ n kpéʔele Isirayɛli, ní Zyerusalɛmi ni. Níì cán yárigee gi yaʔa kɔlɔ̀ na Yawe ma lè, Zyuda n gi nɔ́nʔɔ, koro gee kéele li Yawe dɛ́nɛ lè, ncan wi n kolocɔlɔ-nibɔɔn cálipile pɔri.

Malasyii 2:15

Yawe ga ye kpéʔele syɔɔn nibin, mɔ ní wi ní ì, céri ní pǐli kàbaan na ì? Nyàʔá kurugo si nibinmi bee nyɛ? Ki o nyɛ bi pìibēle taa, bele Kolocɔlɔɔ a kaan lè ì? Koro na, yaa yele fúnyi kɔ̀rɔsíi, yele wàa faala a kɔ́ wi cárima céw jànváa í.

1 Korɛnti ye 7:39

Kolocɔlɔɔ n cɔlɔɔ pwɔɔ wi nǎnw na lǎli ni wi nǎnw tɛ́nɛ nyɛ lè sìi na. Kàjáa nǎnw ga kùu, céw i nyɛ wiyɛɛ ma bi gbǎn cèpɔrigi kpéʔele ní nànwaa nikwɔɔ ní wee wi wi dɛ́nɛ lè. Ki si n yɛlɛ nǎnw í pye tágafɔlɔ.

2 Korɛnti ye 6:18

si pye yele Tóow, yele si wɔ́ɔ pye mii jáabèle, pe lè nanbèle ní cébèle.» Séew Myɛ Kàfɔlɔ wi gi joo ànbée.

Làlwaw Kaanziin 14:1

«Yele i nyɛ Yawe yele Kolocɔlɔw jàala. Yele a kɔ́ yele céri kɔnɔgi í, wàlá bi yele gbáagèle ǹjoʔo ma kùnu kùugo kéele na í.

2 Pyɛri 2:14

pe o cébèle wéle kapye ní wélebeele ní ban í, pe o tíngi kapeebyeri na í, pe i fûngabalayi syɛ̀ɛnnɛ lɛ́ɛlɛ ni có. Pe fúnyi n tàli n kwɔ́ɔ nyabɛɛnni na. Pe i nyɛ dángaw pìibēle.

1 Zyan 2:16

Níì cán yáriri myɛ di nyɛ lè dulunyanw ni, céri ki laànitaʔa yárira yoo, ní dee myɛ syɔɔn wéle lè ní nyabɛɛnnɛ ní, n fàra kpɔ́ɔmi kèlē na, dee bee tàa faala ga yìri Tofɔw ma í, fwɔɔ dulunyanw ma.