Sélimɛ 6:13 - Cebaara Bible 2010

¹³ Lǎli bee ni a Kolocɔlɔɔ gi joo Nowe ma níì jo: «Mii n gi kɔ̀rirɔ n tímana bi syɔɔn ye myɛ kwɔ́ɔ láʔa yaà. Níì cán be péemi kèlē n tári nyìn. Mii si a be pínɛ kálagi ní tári ní.

Sélimɛ 6:13 Iomraidhean Croise

1 Pyɛri 4:7

Yáriri myɛ làrigwɔɔlɔ n nùuni. Koro na gi yɛlɛ ye pye yákirifɔɔlɔ, yé yeyɛɛ cǒmi cán, yáā Kolocɔlɔɔ nyɛ́ɛri.

Amɔsi 8:2

A wi mii pye: «Amɔsi, nyàʔá mɔ nyaa?» A mii wi yari: «Yasanlɛɛgwɔɔrɔ sɛʔɛlɛ.» A Yawe mii pye: «Mii syɛ́ɛnbèle Isirayɛli ye làrigwɔɔli li lɛɛ n kwɔ́ɔ nya. Mii a tée ní be kùsulugi syɔɔ í.

Sélimɛ 7:23

Sìi yáriri myɛ di pye tári yɛ́ʔɛ kurugo lè, a Kolocɔlɔɔ di pɛ́ɛ n láʔa yaà. Ti n pɛ́ɛ n láʔa yaà tári na. Yafyɛn da níì kòro í, fwɔɔ Nowe ní bele pe da pye ní wi ní kɔ́rɔkpɔɔgi ni lè.

Sélimɛ 6:4

Lǎli ni Kolocɔlɔɔ pìíbèle ba ni sìnɛ́ ní syɛ́ɛnbèle cálipiigéle ní ni pìíbèle sii be na lè, lǎli bee ni a nàndɔnɔ-tèleye pye tári na, àlí lǎli bee kàdoʔo ma, a pìíbèle bee pye booma nanniriyi yi pye lè ní fànʔa ní. A yi mɛ́ɛyi wɔ́ɔ̀ yiri gbanʔama.

Heburubèle 11:7

Tágali báriga ni Nowe da kɔ́rɔkpɔɔgi sámaga, àmɛɛ Kolocɔlɔɔ da wi sàmi lè kérigèle na, gele ge lè syɔɔn da kɔ́ɔ̀ ge nyaa í, wi maa ni fɛ̀ɛgí Kolocɔlɔɔ na níì gi sámaga jàngó woro ní wi kpaʔa wóbèle í syɔɔ. Tágali bee báriga ni wi da kútiiw cáan dulunyanw syɛ̀ɛnnɛ na, ní baa pye sínni kɔriliio lee li yìri lè tágali ma.

Zyeremii 51:13

Mɔ wee wi tɛ́ɛn lòkpoloyi taana lè, lɔnɛʔɛrɛ si i nyɛ mɔ ma, mɔ larigwɔɔli n nan, mɔ tɔnɔpeew n nan wi láʔali na.

Sélimɛ 49:5

Simeyɔn ní Levii i nyɛ senyɛ̀nnɛ. Pe ŋɔséebèle i nyɛ yapeeye.

Sélimɛ 6:14

Ki n yɛlɛ mɔ í kɔ́rɔkpɔʔɔ sámaga miyɛɛ wóʔo ní gofɛɛri tíire ní, mí kɔ́rɔkpɔɔgi bee tíla tíla kpaafunyo mí tári kùraa tɛ́ʔɛ mi gi pɔ̀li fúngi, ní kàdogi na.

Sélimɛ 7:4

Níì cán canya kɔrɔsiin ga kwɔ́ɔ, mii a zěgi cáan tári na canya togoye siin ní yébiliye togoye siin ni. Kánmi bee na sìi yáriri myɛ mii faan lè, mii a dee bee pɛ́ɛ láʔa yaà tásaligi na.»

Sélimɛ 7:21

Yala o yala ni sìi pye lè, a li i fíigi ni máari tári na, a dee bee myɛ kùu. Gee bee n jo féjɛɛnri, ní kěgi yaweere, ní sìnbirigi wóro, n fàra yáriree na di fulolo tári na lè, ní syɔɔn ye myɛw.

Sélimɛ 8:21

A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

Ezayi 34:1

Ye nùuni naa yele tátɛɛyi syɛɛnfeleye, ye lóʔo syɛɛnfeleyi, ye yele líiyi cáan! Tári n yɛlɛ di lóʔo, n fàra yáriree na di di nyìn lè, dulunyanw, ní yáriree myɛ wi yirigi lè!

Amɔsi 3:7

Kánmi bee na Kàfɔw Yawe o yafyɛn kpéʔele kapye wi ga wi kalarali tɛ̀ɛn wi falipyebèle na í, pe lè kanyaajoobèle.