Sélimɛ 6:11 - Cebaara Bible 2010

¹¹ Tári maa tɔ̀nɔ n kálagi Kolocɔlɔɔ yɛ́ʔɛ ma, ti maa tɔ̀nɔ n nyìn péemi na.

Sélimɛ 6:11 Iomraidhean Croise

Sélimɛ 10:9

Wi maa pye tòzoo-sànbali Yawe yɛ́ʔɛ ma. Koro na pe gi nyuu níì jo: «Amɛɛ Nimurɔdi da pye lè tòzoo-sànbali Yawe yɛ́ʔɛ ma.»

Sélimɛ 13:13

Sodɔmi syɛ́ɛnbèle si maa tɔ̀nɔ n pee. Pe maa ni kapeegèle kpéʔele Yawe yɛ́ʔɛ ma.

Sélimɛ 6:10

Nowe maa nàbiigéle taanri see, poro be nyɛ Sɛmi, ní Kami, ní Zyafɛti.

Sélimɛ 7:1

A Yawe gi joo Nowe ma níì jo: «Jée kɔ́rɔkpɔɔgi ni ní mɔ kpaʔa wóbèle myɛ ní. Níì cán mɔ nibin mii nyaa wozinw niyɛɛ yɛ́ʔɛ ma mɔ lali syɛ̀ɛnnɛ nínge ni.

2 Cányi kèlē 34:27

Amɛɛ mɔ wi syɛ́ɛnri lóʔo dee di joo tɛ́ɛgi naa, ní gi syɛ́ɛnbèle kánma na lè, á di mɔ círi mɔ fúngi ni, a mɔ miyɛɛ jɛ́rɛ Kolocɔlɔɔ yɛ́ʔɛ ma. Amɛɛ si mɔ miyɛɛ jɛ́rɛ mii yɛ́ʔɛ ma lè, níì mɔ búroyi sulugu, níì nyɛni mii yɛ́ʔɛ ma, mii n wɔ́ɔ̀ gi lóʔo. Yawe wi jo nya.

Ŋúnuyi 11:5

Yawe i syɛɛnsinbèle ní syɛɛnpeebèle sɛʔɛ ni cángi. Bele gàlagíw dɛ́nɛ lè, bele bee kéele n wi bɛɛn.

Ŋúnuyi 140:11

Naàniganra n yɛlɛ di wo be na! Ki n yɛlɛ pe be wáa náagi ni, ní weekpoloyi ni, yee ni lè pe a ní gbǎn lúgu yiri í!

Ŋúnuyi 55:9

Mii a dée fàn kelekele bi làra káfalakpɔɔgi, ní zěkpɔɔgi na.»

Yirile 32:7

A Yawe Mowizi pye: «Tìgi maa syée, níì cán mɔ syɛ́ɛnbèle bele mɔ yirige Ezyipiti tári ni lè, pe n peyɛɛ gálagi.

Ezayi 60:18

Gàlagí kéele joomɔ a ní lóʔo mɔ tári ni í, nyáʔamina ní kálagila a ní lóʔo mɔ láʔagoloyi na í. Mɔ a ra mɔ tobèle yiri ‹Syɔɔlɔ,› sáā mɔ kpaanweegèle yiri ‹Sòololo.›

Zyeremii 6:7

Amɛɛ kɔ̀lɔ́ wi lǒgi púlo lè, kánmi bee na wi wi péemi púlo. Kàfulogaa nikwɔɔ o nyɛ wi ni kapye péemi ní gàlagíw wóʔo ban í. Yáami ní kpàliyi yi nyɛ mii yɛ́ʔɛ ma làla o làla kwɔ́ɔmɔ fun.

Ezekyɛli 28:16

Mɔ jagiw kpɔ́ʔɔlɔ báriga ni mɔ baa nyìn péemi na, a mɔ kapeele pye. Mii n mɔ ŋɔrigɔ n láʔa yaà Kolocɔlɔɔ nyanbelegi na, kpaàwele-syerubɛnw, mii n mɔ kwɔ́ɔ n yirige yaà naagbangi kàdɛnɛrɛ nínge ni.

Ezekyɛli 8:17

A wi mii pye: «A mɔ gi nyaa lé syɔɔn-pya? Yanɔnʔɔyi Zyuda kpáagi wòolo kpéʔele lè nɛɛ naa ni mii fúngi taanri, yoro ga nɛʔɛ n yɛlɛ nya ì? A gi si níì yɛlɛ lé be tári nyìn péemi na, si kòro bàā mii fúngi yìrigí? Wéle, pe i kágangi nùuní fínaagèle na.

Habakuki 1:2

Yawe, làla jòorí mii a kòró da mɔ yiri mɔ í dɛ̀ɛmɛnɛ kpéʔele, mɔ si a lóʔo mii ma í? Bàā yákpoli wáa mɔ kurugo fungbangi kéele na, mɔ si a wo syɔɔ í?

Habakuki 2:17

Níì cán péemi bi kpéʔele Liban na lè, poro a ŋɔ́ngari syɔɔ mɔ na. Yaweeri gàlagí fyáakpɔɔrɔ a mɔ cò, syɛ́ɛnbèle sìsyaan kéele na wi wo lè, ní péemi kéele na bi kpéʔele tári, ní kěgi, ní gi syɛ́ɛnbèle myɛ na lè.

Habakuki 2:8

Amɛɛ mɔ syɛɛnfeleye saʔa yárira fuguri n láa lè, syɛɛnfeleyi wozanya myɛ a wɔ́ɔ mɔ yáriri fuguri bi láa, syɛ́ɛnbèle sìsyaan kéele na, ní péemi kéele na mɔ kpéʔele tári, ní kěgi, ní gi syɛ́ɛnbèle myɛ na lè.

Luki 1:6

Pe myɛ siinw maa pye syɛɛnsinbéle Kolocɔlɔɔ yɛ́ʔɛ ma, ní tɔ̀nɔ́ i Kàfɔw tundunro, ní wi kajoodɛɛngèle myɛ kpéʔele tɛɛkolobile fun.

Wɔrɔmi ye 2:13

Níì cán ki o nyɛ mɔ a jo bele be làlwaw syɛ́ɛnrɛ lúro lè yagana, bele bee Kolocɔlɔɔ córo syɛɛnsinbèle í, fwɔɔ bele be làlwaw syɛ́ɛnrɛ lúro lè ní i di kpéʔele.

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.

Làlwaw Kaanziin 31:29

Níì cán mii n gi cán mii kùúw kàdoʔo ma yele a yeyɛɛ gálagi péw, si wàlí yiri kólogi ni mii tɛ̀ɛn yele na lè. Wɔʔɔgi a nan yele na cányee ni yi maa lè, lǎli ni yele ga ba ni gi kpéʔele, gee gi pee Yawe nyɛ́nɛ na lè fwɔɔ n wi fúngi tanʔa ní yele kɔ́yi kapyegèlē ní.»

Jàbɔbèle 2:19

Kàjáa jàbɔw ga baa kùu, pe n níì peyɛɛ gálagi n sɔ̀lɔ pe toolɛɛbèle na àmɛɛ pe gáà peyɛɛ daʔa kolocɔlɔbèle pèle nikwɔɔlɔ na ni kpɔ̀ʔɔrɔ́ lè ní i tíri ni tuun be taana. Pe a tée fɔ̀lɔ bi láʔa pe nàʔabeemi ní be líiweepɛɛnni na í.