Sélimɛ 5:5 - Cebaara Bible 2010

⁵ Adami sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔni ní kpɔrigɔ, á wi kùu.

Sélimɛ 5:5 Iomraidhean Croise

Sélimɛ 3:19

Mɔ yɛ́ɛcɔɔli kakpege na mɔ a ra líi fwɔɔ bi taa mɔ í ba lúru jée tári ni, beè mɔ yirige lè. Níì cán mɔ i nyɛ támiige, támiigi si ni mɔ a lúru jée.»

Sélimɛ 5:11

Enɔsyi sìíw yɛ̀ʔɛlɛ myɛ nyɔ́ɔ n pye saala sicɛrɛ ní dabata ní kagunɔ, á wi kùu.

Sélimɛ 5:4

Sɛti seeli kàdoʔo ma, a Adami níì yɛ̀ʔɛlɛ saala sicɛrɛ taa. Wi si maa níì nànbiigèle kèle see n fàra calipiigèlē na.

Sélimɛ 5:6

A Sɛti ga taa yɛ̀ʔɛlɛ dabata ní kagunɔ, a wi Enɔsyi see.

Sélimɛ 5:8

Sɛti sìíw yɛ̀ʔɛlɛ myɛ nyɔ́ɔ n pye saala sicɛrɛ ní dabata ní kpɔrigɔ ní siin, á wi kùu.

2 Samyɛli 14:14

Amɛɛ lɔ̀ʔɔ gáà wo tári na lè, ki si a ní gbǎn koli í, kánmi bee na fwɔɔ wo myɛ í kùu cangaa. Gee bee si ban Kolocɔlɔɔ tímana n kwɔ́ɔ wee kéele na be nɛnɛ n tórigo lè í. Koro na kanmaa kpéʔele wee kéele na be nɛnɛ n tórigo lè, jàngó wi a kɔ́ léeli kòro nya mɔ na í.

1 Cányi kèlē 1:1

Adami, Sɛti, Enɔsyi

Zyɔbi 30:23

Mii n tɔ̀nɔ n gi cán mɔ i syée ní mii ní kùúw ma, beè niweebèle myɛ peyɛɛ vàrá lè.

Ŋúnuyi 89:48

Sɔ̀ngi mi taa gi na mi cán mii sìíw canya n tɔ̀nɔ n cɛ́rɛ, ncan mɔ n syɔɔn ye faan gbanzanw mɛ́ʔɛ na.

Ŋúnuyi 90:10

Wolo sìíw yɛ̀ʔɛlɛ nyɔ́ɔ i nyɛ togoye taanri ní kpɔrigɔ. Wàa fànʔa ga nɛʔɛ, wi n yɛ̀ʔɛlɛ togoye sicɛrɛ taa. Ke taali si o nyɛ yafyɛn í, fwɔɔ wɔʔɔgɔ ní foomɔ yagana. Ke i kwóo kelekele, wolo n si yìri fókaanya na n kári.

Syɛɛnjóow 12:5

lǎli ni syɔɔn a ra fɛ̀ɛgí dǎndamagi na lè, fyáakpɔɔrɔ si pye syɔɔn na kólogi na, lǎli ni amandi tíigi a fyɛ́ɛn lè, kúdow si tìgí tɔ́n, lǎli ni yáriri láa a kwɔ́ɔ syɔɔn ni lè, àmɛɛ syɔɔn syée wi bàngwɔɔ tɛɛkòrogi ma lè, á nyɛnifɔbèle si i sɔ̀lɔ́ ni máari kàlari-kóloyi ni,

Syɛɛnjóow 12:7

sáni támiigi í lúru jée tári ni, beè ki da pye lè, pǐli si lúru kári li kaanfɔw Kolocɔlɔɔ ma.

Syɛɛnjóow 9:5

Niweebèle n gi cán ncan poro a ba kùu, kàjáa kúbèle ga níì yafyɛn cán í. Poro má, sàra ní o yaà í, níì cán pe n fɛ̀ʔɛ be kéeli na.

Syɛɛnjóow 9:8

Mɔ búroyi n yɛlɛ yi pye woviiye ní làla o làla, sìnmɛ si a kɔ́ fɔ̀n mɔ nyúngi na í.

Ezekyɛli 18:4

Wéle, pìígèle myɛ i nyɛ mii wòʔolo. Tofɔw pìle ní jaafɔw pìle i nyɛ mii woʔolo, ke myɛ i nyɛ mii wòʔolo. Wee wi ga kapeeli pye lè, woro wi a kùu.

Làlwaw Kaanziin 30:20

mí Yawe mɔ Kolocɔlɔw kéele yaʔa li mɔ dɛ́nɛ máā lúro wi ma, mí tan wi na. Níì cán woro wi nyɛ mɔ siiw, wi a mɔ cányi nɛʔɛ, koro ga pye mɔ í tɛ́ɛn tári ni, dee kéele na Yawe kàli mɔ tofɔlɛɛyi Abirahami, ní Izaaki, ní Zyakɔbi ma lè, níì jo woro a di kaan be ma.»

Heburubèle 9:27

Amɛɛ gi kɔ̀rirɔ n tímana lè syɔɔn o syɔɔn ma wi kùu tɔlɔgɔ nibin, kútiiw si náa ba joo,