Sélimɛ 5:22 - Cebaara Bible 2010

²² Matusalɛmi seeli kàdoʔo ma, a Henɔki níì yɛ̀ʔɛlɛ sirakele ní dabata taa pínɛnyɛnnɛgɛ na ní Kolocɔlɔɔ ní. Wi si maa níì nànbiigèle kèle see n fàra calipiigèlē na.

Sélimɛ 5:22 Iomraidhean Croise

Sélimɛ 17:1

Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

Sélimɛ 24:40

A wi mii yari: ‹Wee wi nyɛ lè Yawe, woro wee yɛ́ʔɛ ma mii táanri lè, wi a wi nyɛ̀ʔɛni tunduɔn tórigo ní mɔ ní. Mɔ kólogi a sa tɛ́nɛ. Mɔ a sa cewaa láa yaà beè mii túlugi wòolo ma mii kpáagi wòolo ni bi ba kaan mii jáaw ma.

Sélimɛ 48:15

A wi dùba kpéʔele Zyozɛfu ma níì jo: Kolocɔlɔwee yɛ́ʔɛ ma mii tóolɛɛgi Abirahami, ní mii tóow Izaaki da ni síngi ni táanri lè, Kolocɔlɔw bee wi nyɛ mii nàʔafɔw nlaa mii nyɛ beè lè fwɔɔ n taa n baa nan níjanʔa na,

Sélimɛ 5:21

A Henɔki ga yɛ̀ʔɛlɛ togoye taanri ní kagunɔ taa, a wi Matusalɛmi see.

Sélimɛ 5:23

Henɔki sìíw yɛ̀ʔɛlɛ myɛ nyɔ́ɔ n pye sirakele ní togoye kɔrɔtaanri ní kagunɔ.

Sélimɛ 5:24

Henɔki maa pye pínɛnyɛnnɛgɛ na ní Kolocɔlɔɔ ní. Koro kàdoʔo ma a be fɔ̀n wi ni níì cán Kolocɔlɔɔ maa wi láa.

Sélimɛ 6:9

Nowe yòdaʔayi yi nyɛ yee naa. Nowe maa pye syɛɛnsiɔn. Wi maa pye kajoolo fun syɔ́ɔn wi lǎli syɛ̀ɛnnɛ nínge ni. Nowe maa pye pínɛnyɛnnɛgɛ na ní Kolocɔlɔɔ ní.

1 Fànʔafɔbèle 2:4

Koro ga pye syɛ́ɛnree Yawe joo mii kéeli na lè, wi di foro. Wi n jo: ‹Mɔ piibèle ga ni be tánʔaganmi kɔ̀rɔsíi, ní i táanri kányɛɛgi na mii yɛ́ʔɛ ma ní be zɔ̌nbèle myɛ, ní be fúnyi myɛ ní, mɔ a tée fɔ̀n syɔɔn ni wee wi a tɛ́ɛn Isirayɛli fàngoli na mɔ sindɛɛgi ni lè í.›

2 Fànʔafɔbèle 20:3

«Ee Yawe, nyɔɔ mii na, sɔ̀ngi mi taa gi na mi cán mii maa ni táanri mɔ yɛ́ʔɛ ma kányɛɛgi, ní funviiw na, ní wɔ́ɔ i gi kpéʔele gee gi nyɔɔ mɔ nyɛ́nɛ na lè.» A Ezekyasi tɔ̀nɔ n nyɛni gbanʔama.

Ŋúnuyi 116:9

Mii a ra táanri Yawe yɛ́ʔɛ ma, niweebèle tára na.

Ŋúnuyi 128:1

Njogi lúgufɔɔlɔ ŋúnugo. Syɔ́ɔnwee faala wi fɛ̀ɛgí Yawe na lè, ní i wi kóloyi táanri lè, wee bee i nyɛ dùba pyà!

Ŋúnuyi 16:8

Mii i Yawe wéle niyɛɛ yɛ́ʔɛ ma làrigèle myɛ ni, n wi yaʔa mii kàliige ma, mii a tée cúngo í.

Ŋúnuyi 26:11

Mii si na, mii i síngi ni táanri. Nyɔɔ mii na, mí mii syɔɔ!

Ŋúnuyi 56:13

Ee Kolocɔlɔɔ! Nyɔɔfaliyi mii kpéʔele mɔ ma lè, mii n yɛlɛ bi yi foro, mii a bariga kaanna sáriga wòlo mɔ ma.

Ŋúnuyi 86:11

Ee Yawe, mii tama mɔ kólogi kèlē na, mii a ra táanri mɔ kányɛɛgi na. Mii fúngi pye nibin koro ga pye mii í da fɛ̀ɛgí mɔ mɛ́ɛgi na.

Yirile 16:4

A Yawe gi joo Mowizi ma níì jo: «Wéle, mii a ra yaliiri yìrigí nyɛ̀ʔɛni na bàā ŋuu naa yele ma àmɛɛ zàʔá nyɛ lè. Syɛ́ɛnbèle a ra yirigi bàā di koli canʔa o canʔa bi yɛlɛ ní be lìiganmi ní. Mii a be sɛʔɛ wéle koro ga pye bi gi cán kapye pe a ra táanri mii làlwaw na, wàlá kapye pe a ra táanri wi na í.

Ŋúnudaangi 1:4

Da mii kíle maa syée miyɛɛ kurugo! Waa fé! Fànʔafɔw n mii lége wi kpaafunyi ni. Wolo a ra muguri sáā fundaanra kpéʔele mɔ bárigaw ni. Wolo a ra mɔ tamagi kéele kpɔ́ʔɔgi bi sɔ̀lɔ dùvɛɛnw na. Tànʔa i be ma àmɛɛ mɔ kéeli be dɛ́nɛ lè.

Oze sɛ́bɛw 14:9

Efirayimi, nyàʔá mii ní i caa ní yasunyo ní? Mii i wi nyɛ́ɛrigi lúro, mii nyɛ́nɛ i nyɛ wi na. Mii a pye wi ma àmɛɛ siipirɛ tiipirige nyɛ lè. Mii má mɔ yasanri yìrigí.»

Levii ye sáriga-wòlori 26:12

Mii a ra nyaari ní yele ní, bi pye yele Kolocɔlɔw, yele si pye mii syɛ́ɛnbèle.

Amɔsi 3:3

Syɛ̀ɛnnɛ siin ga pye pe ga bɛ̀ɛ nibin na í, pe a gbǎn pínɛ lé bàā táanri?

Misye 4:5

N syɛɛnfeleyi myɛ yaʔa yi i táanri yi kolocɔlɔbèle mɛ́ɛyɛ na, wolo na, wolo i táanri Yawe wolo Kolocɔlɔw mɛ́ʔɛ na làla o làla kwɔ́ɔmɔ fun.

Misye 6:8

Ee Syɔɔn, gee gi nyɔɔ lè, pe n gi tɛ̀ɛn mɔ na. Gee si Yawe caa mɔ ma lè koro gi nyɛ mɔ í da táanri kányɛɛgi na, mɔ í tàmaga le ní funjǎngi ní, mɔ í da táanri ní nɛ̀ɛjɛrɛgɛ ní ní mɔ Kolocɔlɔw ní.

Malasyii 2:6

Kányɛʔɛ làlwa maa pye wi nyɔ́ɔgi ni, námara ga nyaa wi nyɔɔwari na í. Wi n tánʔa ní mii ní yɛɛ̀nyingi, ní sínni na, wi n syɛɛnnɛʔɛmɛ láʔa kapeebyeri na.

Luki 1:6

Pe myɛ siinw maa pye syɛɛnsinbéle Kolocɔlɔɔ yɛ́ʔɛ ma, ní tɔ̀nɔ́ i Kàfɔw tundunro, ní wi kajoodɛɛngèle myɛ kpéʔele tɛɛkolobile fun.

Kapyegèle 9:31

Lǎli bee ni a Egiliziw yɛɛ̀nyinge taa Zyude tári, ní Galile tári, ní Samarii tári tɛ́ɛyɛ myɛ ni. A kàa i taari be tágali na, a be i táanri Kàfɔw yɛ́ʔɛ fyáara na, ní i nɛʔɛgi gbanʔama Pìicǎnni dɛ̀ɛmɛnɛ báriga ni.

Wɔrɔmi ye 8:1

Koro na tɔ́ɔliw ni bele be nyɛ lè Kirisi Zyezu ni, bele bee wàa tɔ́lɔgɔ ní o nyɛ kálagili kútii ni í.

1 Korɛnti ye 7:17

Syɔɔn o syɔɔn si n yɛlɛ waa táanri waa yɛlɛgi ní yakaangi ní gee Kàfɔw kaan wi ma lè, ní kánmee na wi da pye lǎli ni Kolocɔlɔɔ wi yeri lè. Anbée mii wɔ́ɔ̀ egilizibèle myɛ pye paa gi kpéʔele.

2 Korɛnti ye 6:16

Mɛ̀ɛ́ Kolocɔlɔɔ kpɔ̀ʔɔrɔli kpaʔa ní yasunyi a gbǎn pínɛ bi sɛ́ɛ? Níì cán wolo i nyɛ Kolocɔlɔɔ woweew kpɔ̀ʔɔrɔlɔ kpaʔa, àmɛɛ Kolocɔlɔɔ gi joo lè níì jo: «Mii a tɛ́ɛn be níngi ni, sáā nyaari ní be ní. Mii a pye be Kolocɔlɔw, poro si pye mii syɛ́ɛnbèle.»

Efɛzi ye 5:15

Gee bee na gi yɛlɛ yaa yele tánʔaganmi kɔ̀rɔsíi, yele a kɔ́ ra táanri àmɛɛ sícilimɛ-fùnvɔɔlɔ nyɛ lè í, fwɔɔ àmɛɛ sícilimɛfɔɔlɔ nyɛ lè.

Làlwaw Kaanziin 13:4

mɔ a kɔ́ kanyaajoow bee wàlá kanyaaw bee syɛ́ɛnrɛ lóʔo í. Níì cán Yawe yele Kolocɔlɔw wi yele sɛʔɛ ní wéle, bi gi cán kapye Yawe yele Kolocɔlɔw kéele n yele dɛ́nɛ yele zɔ̌nbèle myɛ, ní yele fúnyi myɛ ni.

Làlwaw Kaanziin 28:9

Yawe a yele télege yele í pye woro syɛɛncanbéle àmɛɛ wi gi joo mɔ ma ní kàliga ní lè, ní mɔ ga tɛ́nɛ̀ Yawe mɔ Kolocɔlɔw kajoodɛɛngēle kɔn, ní i wi kóloyi táanri.

Làlwaw Kaanziin 5:33

Kólogee kéele Yawe yele Kolocɔlɔw joo n gbàn yele ma lè, yaa gi táanri gi tánʔaganmi na, jàngó yele í kòro sìi na, si pye fundaanra na, si cannɛʔɛyɛ kwɔ́ɔ tári ni, dee yele a taa lè di pye yele wóro.

Kɔlɔsi ye 1:10

Ki ga pye nya, kánmee na Kàfɔw caa yele í da táanri lè, yele a gbǎn ra táanri kánmi bee na, yele kérigèle myɛ sáā wi dàán, yele sáā yasanra sangi kapyejǎngèle myɛ ni, kàa sáā fàrá yele na Kolocɔlɔɔ cánni kàbaan na.

Kɔlɔsi ye 4:5

Ki n yɛlɛ yaa táanri sícilimɛ ni kàfugi wòolo kabaan na, yé lǎli còganma cán.

1 Tesaloniki ye 2:12

Wolo maa ni yele kɛɛlɛ ní i yele kpɛʔɛlɛ ní i yele nyɛ́ɛri jàngó yele í da táanri da yɛlɛgi ní Kolocɔlɔɔ ní, woro wee wi yele yeri lè yele í pye wi fǎngi, ní wi nìjangbɔɔri ni.

1 Tesaloniki ye 4:1

Ni senyɛ̀nnɛ, dee wolo a ní joo lè toro di nyɛ dee naa, tánʔaganmee na yele yɛlɛ bàā táanri lè yele kéeli si Kolocɔlɔɔ dɛ́nɛ, yele n tánʔaganmi bee tama wolo ma. Kánmi bee na si yele wɔ́ɔ̄ táanri. Wolo si sèʔé i yele nyɛ́ɛri ní i yele kɛɛlɛ Kàfɔw Zyezu mɛ́ɛgi na níì jo, ye ní yaa kàa fàrá gee bee na.

1 Zyan 1:7

Wolo si ga ni táanri gbɛ̀ɛ́nmi ni àmɛɛ Kolocɔlɔɔ nyɛ lè gbɛ̀ɛ́nmi ni, wolo i nyɛ wi pínɛnyɛ̀nnɛ, wi Jáaw Zyezu sìsyaanw si i wolo kapeegèle myɛ jé ni mùú ni láari wolo na.