Sélimɛ 49:4 - Cebaara Bible 2010

⁴ Mɔ i nyɛ àmɛɛ lɔ̀ʔɔ nyɛ lè, gee gi tugu ni yìrigí lè, mɔ a gbǎn yɛʔɛmaw taa í. Níì cán mɔ n lúgu mɔ tóow yasinɛgɛ na. Mɔ n tɔ̀nɔ n mii yasinɛgi nɔ́nʔɔ àmɛɛ mɔ lúgu gi na lè.

Sélimɛ 49:4 Iomraidhean Croise

Sélimɛ 35:22

N Isirayɛli yaʔa tɛ́nɛmi bee ni, a Wurubɛn kári n sáà sínɛ ní Biiliha ní, wi da pye lè wi tóow cefàra-mí-láawaa. A wi tóow Isirayɛli kéeli bee lóʔo. Zyakɔbi jáabèle maa pye nànbiigéle kɛɛ ní siin.

Sélimɛ 46:8

Isirayɛli wi lè Zyakɔbi, woro ní wi pìíbèle, ní wi pìinyanbiiyi be kári Ezyipiti ma lè, poro mɛ́ɛyi yi nyɛ yee naa: Wurubɛn, wi lè Zyakɔbi pìilɛɛw,

1 Cányi kèlē 5:1

Isirayɛli pìiseliw, Wurubɛn jáabèle be nyɛ bele naa níì cán woro wi pye pìiseliw, kàjáa àmɛɛ wi baa wi tóow yasinɛgɛ nɔ́nʔɔ lè, a wi lɛ́ɛgi tɔ̀nɔ fíige n kaan Isirayɛli jáaw Zyozɛfu jáabèle ma. Kánmi bee na Wurubɛn mɛ́ɛgi ga sɛ́bɛ n yɛlɛ ní wi lɛ́ɛgi tɔ̀nɔ ní í.

1 Korɛnti ye 5:1

Pe i yele kéeli nyuu ni máari níì jo, kanɔnʔɔraa i yaà yele níngi ni, dee félege di nyɛ lè àlí sìndagabèle o di kpéʔele í. Koro gi nyɛ wàa n wi toò cɔ́ɔ láa.

Làlwaw Kaanziin 27:20

‹Wee wi ga sínɛ ní wi toò cɔ́ɔ ní lè, ki n yɛlɛ wi dánga! Níì cán wi n nan wi tóow cɔ́ɔ na.› Syɛ́ɛnbèle myɛ a gi joo si jo: Amiina!

Làlwaw Kaanziin 33:6

Ki n yɛlɛ Wurubɛn í pye sìi na, wi a kɔ́ kùu í. Wi syɛ́ɛnbèle si nɛʔɛ.»

Làlwaw Kaanziin 5:21

Mɔ syɛɛnnyɛnnɛ cɔ́ɔ nyabɛɛnnɛ ga yɛlɛ bi pye mɔ na í. Mɔ syɛɛnnyɛnnɛ kpaʔa láa ga yɛlɛ bi pye mɔ na í, wàlá wi ségi, wàlá wi falipyenǎnw, wàlá wi falipyecew, wàlá wi nìfalagi, wàlá wi jòfaniw, wàlá wi kɔlɔ̀ yárigaa faala nyabɛɛnnɛ a kɔ́ pye mɔ na í.›

2 Pyɛri 2:14

pe o cébèle wéle kapye ní wélebeele ní ban í, pe o tíngi kapeebyeri na í, pe i fûngabalayi syɛ̀ɛnnɛ lɛ́ɛlɛ ni có. Pe fúnyi n tàli n kwɔ́ɔ nyabɛɛnni na. Pe i nyɛ dángaw pìibēle.

2 Pyɛri 3:16

Anbée gi wɔ́ɔ̄ nyɛ wi sɛ́bɛbèle myɛ ni lǎli ni wi nyuu kérigèle bee na lè, kérigèle kèle i yaà sɛ́bɛbèle bee ni, gele kɔ́rɔ wi cánma bɛɛn lè, kanaa-sìnjánbèle ní fûngabalayi fɔ̀ɔlɔ si i ge kɔ́rɔw kàragí, àmɛɛ be gi kpéʔele Kolocɔlɔɔ syɛɛnsɛbɛri tɛ́ɛyaa nikwɔɔ ni lè, si ba kálagili cáan peyɛɛ na.