Sélimɛ 48:7 - Cebaara Bible 2010

⁷ Lǎli ni mii yìri Padan ma ni maa lè, ní baa kòro cɛɛri si nan Efirata na, a Arasyɛli kùu mii taana yaà beè Kanaan tári ni n mii yaʔa tánʔani na. A mii wi tɔ́n nɛɛ bee Efirata kólogi nyɔ́ɔ na. Efirata wi lè Bɛtilehɛmi.»

Sélimɛ 48:7 Iomraidhean Croise

Sélimɛ 25:20

Izaaki maa taa yɛ̀ʔɛlɛ togoye siin lǎli ni wi Erebeka láa lè wi cɔɔ̀, Erebeka wi lè Betuwɛli pìíw, Betuwɛli wi lè Arameyɛnw, ní i nyɛ Padan-Arami ye wóo. Erebeka yɛʔɛfɔw wi da pye Laban, wi lè Arameyɛnw.

Sélimɛ 33:18

Zyakɔbi yìri yaà lè Padan-Arami ma, a wi baa nan Sisyɛmi kěgi na wonyiɔn ní, ki lè Kanaan tári ni. A wi bùguro kpúmɔn n tɛ́ɛn kěgi bee taana.

Sélimɛ 35:20

A Zyakɔbi gàánna yérige wi nyángi na. Gàánni bee li nyɛ Arasyɛli kùúgi gàánna àlí n baa nan níjanʔa na.

Sélimɛ 35:9

Lǎli ni Zyakɔbi yìri Padan-Arami ma n pan lè, a Kolocɔlɔɔ ní baa wiyɛɛ dɛ̀ɛn wi na, níì dùba taʔa wi na.

Sélimɛ 48:6

Kàjáa pìíbèle bele mɔ ga ní baa see lè kàdoʔo ma, bele bee a pye mɔ woolo. Pe a be córo sèjira ní be yɛʔɛfɔbèle ní kɔ́rigi lɛɛlɛ na.

Misye 5:2

Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Matye 2:18

«Pe n yákpolo lóʔo Arama ni, ki i nyɛ sùpiiwáara ní peelegbɔɔlɔ. Arasyɛli wi sùpili wáa wi pìíbèle kéele na. Wi si ga fɔ̀lɔ wàa í woro kpɛʔɛlɛ í, níì cán pìíbèle ní o yaà í.»

Wuruti 1:2

Nǎnw bee mɛ́ʔɛ ki da pye Elimelɛki, wi céw mɛ́ʔɛ si i nyɛ Nowemii, wi jáabèle siin mɛ́ɛyɛ si i nyɛ Malɔn ní Kiliyɔn. Pe maa pye Efirata wòolo Bɛtilehɛmi ni, Zyuda tári ni. A pe ga sáà nan Mowabi tári na, a be tɛ́ɛn nɛɛ bee.

1 Samyɛli 1:1

Nànwaa maa pye Aramatayimi-Sofimi ni, ki lè Efirayimi nyanbeleyi kúlo ni, pe maa ni wi yiri Elikana, wi pye lè Yerohami jáaw, Yerohami wi lè Elihu jáaw, Elihu wi lè Tohu jáaw, Tohu wi lè Efirayimi ye Sufi jáaw.

1 Samyɛli 10:2

Mɔ ga láʔa mii na níjanʔa, mɔ a sa fàra ní nànbēle siin ní Arasyɛli kɔ̀ɔ́nni taana, Bɛnzyamɛ tári láʔala na, Sɛlisa ma, pe a mɔ pye: ‹Jòfanicaayi mɔ da kári sa caa lè, yi n nyaa. Tɔ́ɔliw ni mɔ tóow n jòfanicaayi kéele yaʔa kɔlɔ̀ na, yele kéeli wi kòro ni sɔ̀ngí, ní i gi nyuu níì jo: Nyàʔá mii yɛlɛ bi kpéʔele mii jáaw kéele na?›

1 Samyɛli 16:4

A Samyɛli gi kpéʔele gee Yawe joo lè, níì kári Bɛtilehɛmi ma. A kěgi wólɛɛbéle sáà yiri ni cɛ̀lɛ́ ni wi fàrá níì jo: «Wodaanna na lé mɔ pan?»

1 Samyɛli 17:12

Davidi si maa pye Efirata ye wów bee Izayi jáa, Bɛtilehɛmi ni, wi lè Zyuda tári ni. Jaafɔɔlɔ kɔrɔtaanri maa pye wi ma. Wi si maa pye nànlɛɛɔ Sawuli lǎli ni, syɛ́ɛnbèle nínge ni.