Sélimɛ 48:4 - Cebaara Bible 2010

⁴ níì gi joo mii ma níì jo: ‹Wéle, mii a tɔ̀nɔ́ pìinɛʔɛrɛ kaan mɔ ma bi mɔ kpéʔele syɛɛnnɛʔɛmɛ. Mɔ a pye syɛɛnfele-nɛʔɛgɛ, si wɔ́ɔ tári naa kaan mɔ yodaʔayi ma naa mɔ kadoʔo ma di pye be worò làla o làla kwɔ́ɔmɔ fun.›

Sélimɛ 48:4 Iomraidhean Croise

Sélimɛ 12:2

Mii a mɔ kpéʔele syɛɛnfele-nɛʔɛgɛ, si dùba taʔa mɔ na, si wɔ́ɔ mɔ mɛ́ɛgi kpɔ́ʔɔ. Mɔ ni syɛɛnsanbèle a ra dùbaw taagi.

Sélimɛ 17:13

Syɔ́ɔnwee be see mɔ kpáagi ni lè, ní púlowee mɔ syɔɔ wáli na lè, ki n yɛlɛ pe myɛ í kɛ́nɛw kpéʔele koro ga pye mii joogaanni fɛ̀ɛ í pye yele céri ni làla o làla.

Sélimɛ 17:6

Mii a gi yaʔa mɔ piibèle í tɔ̀nɔ́ nɛʔɛ, bi pye syɛɛnfeleyaa, àlí fànʔafɔɔlɔ a yiri mɔ ni.

Sélimɛ 17:8

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

Sélimɛ 22:17

níì jo mii a tɔ̀nɔ́ dùbaw taʔa mɔ na. Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ yodaʔayi a yi nigoobèle kèye fáliga syɔɔ taa.

Sélimɛ 26:4

Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔripiigéle nyɛ lè, si tátɛɛyi naa myɛ kaan mɔ yodaʔayi ma. Mɔ yodaʔayi báriga ni mii a dùbaw taʔa tári syɛɛnfeleye myɛ na.

Sélimɛ 28:3

Kolocɔlɔɔ wi lè Séew Myɛ Kàfɔlɔ, ki n yɛlɛ woro í dùbaw taʔa mɔ na, mɔ í pìinɛʔɛrɛ taa bi pye syɛɛnnɛʔɛmɛ.

Sélimɛ 32:12

Mii i mɔ nyɛ́ɛri mi mii syɔɔ mii yɛʔɛfɔw Ezau ma, níì cán mii i fɛ̀ɛgí n jo wi i maa ba mii ní nafɔbèle, ní pìíbèle kpúmɔn kpóo.

Sélimɛ 35:11

A Kolocɔlɔɔ níì wi pye: «Mii wi nyɛ Kolocɔlɔɔ, wee wi lè Séew Myɛ Kàfɔlɔ. Ki n yɛlɛ kàa í da fàrá mɔ na mɔ í pye syɛɛnnɛʔɛmɛ. Syɛɛnfelegaa, ní syɛɛnfeleye saʔa a yiri mɔ ni. Fànʔafɔɔlɔ a yiri mɔ sémɛɛnni ni.

Sélimɛ 46:3

A Kolocɔlɔɔ wi pye: «Mii wi nyɛ Kolocɔlɔɔ, wi lè mɔ tóow Kolocɔlɔɔ. Mɔ a kɔ́ fyáa Ezyipiti gàríw na í. Níì cán mii a sa mɔ kpéʔele yaà beè mɔ í pye syɛɛnfele-nɛʔɛgɛ.

Sélimɛ 47:27

A Isirayɛli ye tɛ́ɛn Ezyipiti tári ni, Gosyɛn tɛ́nɛmi ni. A be bi fálimi taa, níì see saʔa n pye syɛɛnnɛʔɛmɛ.

Ŋúnuyi 127:3

Wéle, pìíbèle i nyɛ kɔrigɔ gee Yawe kaangi lè, ceseegi i nyɛ tɔ̀nɔ.

Yirile 1:11

Lǎli bee ni a be fala n pɔ́rɔtɔɔ-fáli kùndigibéle nyɛ́nɛ n wòlo n télege be nyúngi na, jàngó bele bee í pɔrɔtɔɔri fáli gbàn be na gbanʔama. Kánmi bee na be kèye siin faan Faraɔnw ma a yi pye wi lɔ́ri tɛɛkɔnyɔ. Kěyi bee yi nyɛ Pitɔmi, ní Aramisɛsi.

Yirile 1:7

A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Ezekyɛli 37:25

Pe a ba tɛ́ɛn tári ni, dee mii kaan mii falipyew Zyakɔbi ma lè, dee ni yele tóobèle da tɛ́ɛn lè. Pe a ba tɛ́ɛn di ni, poro ní be pìíbèle, ní be pìinyanbiiyi làla o làla kwɔ́ɔmɔ fun, mii falipyew Davidi si pye fǎngi na pe nyúngi na làla o làla kwɔ́ɔmɔ fun.

Levii ye sáriga-wòlori 26:9

Mii a fíige yele ma bi gi yaʔa yele í da sii saʔa, si wɔ́ɔ yele nɛʔɛ, si mii joogaanni yaʔa li kòro mii ní yele níngi ni.

Làlwaw Kaanziin 32:8

Wee wi nyɛ Pe Myɛ Nyúngo na lè, lǎli ni wi kɔrigɔ kaan syɛɛnfeleyi ma lè, lǎli ni wi Adami pìíbèle wàli n láʔa peyɛɛ na lè. Wi n syɛɛnfeleyi láʔagoloyo wòlo, n yɛlɛ ní Isirayɛli pìíbèle nyɔ́ɔ ní.