Sélimɛ 48:16 - Cebaara Bible 2010

¹⁶ ní nyɛ̀ʔɛni tunduɔn wi mii syɔɔ kapeeyi myɛ ma lè, ki n yɛlɛ wi dùbaw taʔa nànbiigèle naa na, mii mɛ́ɛgi, ní mii tóolɛɛgi Abirahami mɛ́ɛgi, ní mii tóow Izaaki mɛ́ɛgi sáā yiri be na pe see bi nɛʔɛ tári ni.

Sélimɛ 48:16 Iomraidhean Croise

Sélimɛ 22:11

Lǎli bee ni a Yawe nyɛ̀ʔɛni tunduɔn kòro yaà nyɛ̀ʔɛni na níì wi yeri níì jo: «Abirahami, Abirahami.» A wi jo: «Cooì!»

Sélimɛ 22:15

A Yawe nyɛ̀ʔɛni tunduɔn kòro yaà nyɛ̀ʔɛni na ní níì Abirahami yeri tɔziin wógi na,

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Sélimɛ 46:3

A Kolocɔlɔɔ wi pye: «Mii wi nyɛ Kolocɔlɔɔ, wi lè mɔ tóow Kolocɔlɔɔ. Mɔ a kɔ́ fyáa Ezyipiti gàríw na í. Níì cán mii a sa mɔ kpéʔele yaà beè mɔ í pye syɛɛnfele-nɛʔɛgɛ.

Sélimɛ 48:5

Tɔ́ɔliw ni, nànbiigèle siin mɔ see naa Ezyipiti tári ni lè, sáni mii í pan naa mɔ ma lè, pìíbèle bee i nyɛ mii wòolo. Efirayimi ní Manase i nyɛ mii wòolo àmɛɛ Wurubɛn ní Simeyɔn nyɛ lè.

Sélimɛ 49:22

Zyozɛfu i nyɛ tiisanga káganfolovɔngɔ, tiisanga káganfolovɔngɔ, gee gi nyɛ lè pùnweele nyɔ́ɔ na, káganyi n yìri gungo ǹjoʔo ni.

2 Samyɛli 4:9

Erekabi ní wi senyɛnw Baana be lè Beyerɔti ye Irimɔn jáabèle, a Davidi be yari: «Mii a gi joo yele ma àmɛɛ Yawe nyɛ lè sìi na, woro wee wi mii syɔɔ wɔʔɔyi myɛ ma lè,

1 Fànʔafɔbèle 1:29

Lǎli bee ni a fànʔafɔw kàli níì jo: «Amɛɛ Yawe nyɛ lè sìi na, woro wee wi mii syɔɔ lè wɔʔɔyi myɛ ma,

2 Cányi kèlē 7:14

mii syɛ́ɛnbèle bele na mii mɛ́ɛgi yeri lè, pe ga peyɛɛ jɛ́rɛ, níì mii nyɛ́ɛri, ní i mii caa nyaama, pe ga kàdoʔo wáa be kobeeyi ma, bi mii yaʔa nyɛ̀ʔɛni na mii a lóʔo be ma, si be kùsulugi syɔɔ, si be tári yɛ́ʔɛ nyíngi.

Ŋúnuyi 121:7

Yawe a ra mɔ kpáaw wéle bàā mɔ syoo kapeeyi myɛ ma, wi a ra mɔ pili kpáa wéle.

Ŋúnuyi 34:2

Mii a ra bariga kaangi Yawe ma làrigèle myɛ ni. Wi sòololi a tée fɔ̀n mii nyɔ́ɔgi na í.

Ŋúnuyi 34:22

Syɛɛnpeeo péemɛ pi a wi kpóo, bele be syɛɛnsinw para lè, kútiiw a too be na.

Ŋúnuyi 34:7

Foomɔfɔw n yákpoli wáa, a Yawe lóʔo wi ma, níì wi syɔɔ wi wɔʔɔyi kèlē myɛ ma.

Ŋúnuyi 34:8

Yawe nyɛ̀ʔɛni tunduɔn n tɛ́ɛn bele taana be fɛ̀ɛgí wi na lè n be màʔa ní i be syoo.

Yirile 1:7

A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Ezayi 47:4

Wolo nyùnzyɔɔw be yiri Yawe, wi lè Nyɛ̀ʔɛni Sùlasiibéle Kafɔlɔ, ní Isirayɛli Wojanw.

Ezayi 63:9

Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.

Zyeremii 14:9

Nyàʔá na mɔ yɛlɛ bi pye, móō syɔɔnwaa wii, wee fúngo gi wɔ́ɔ lè, móō kapɛɛnkpumɔn-nànnirio wii, wee wi lè wi a gbǎn wàa syɔɔ í? Bi gi taa mɔ i nyɛ wolo níngi ni, ee Yawe, mɔ mɛ́ɛgi si i yiri wolo na, mɔ a kɔ́ wolo yaʔa í!

Zyeremii 15:21

«Mii a mɔ yirige syɛɛnpeebèle kɔ́yɔ ni, mii a mɔ syɔɔ syɛɛntanʔabèle ma.»

Amɔsi 9:12

koro ga pye pe Edɔmi wogorobèle fáliga taa, bi fàra syɛɛnfeleyi wozanya fáliga na, yoro yee na mii mɛ́ɛgi da ni yiri lè,» Yawe wi a gee bee myɛ kpéʔele foro lè, woro wi jo nya.

Malasyii 3:1

«Wéle, mii a mii tundunw tun. Wi a sa kologo wòlo mii yɛ́ʔɛ ma. Kàfɔw a ba foo jée wi kpɔ̀ʔɔrɔli kpaʔa ni woro wee yele caa lè. Joogaanni tunduɔn kéele li nyɛ yele fúnyi ni lè, woro wi maa wee,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Córolo 1:46

poro bele myɛ be córo lè, pe nyɔ́ɔgi maa pye sirakamayɛ toko ní kpɔrigɔ ní selebinnɛ ní saala kɔrɔsiin ní togoye kɔrɔsiin ní kpɔrigɔ.

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

Zyan 17:15

Mii o mɔ nyɛ́ɛri níì jo mɔ í be yirige dulunyanw ni wii í, kàjáa mii i mɔ nyɛ́ɛri mɔ í be syɔɔ Wobeew ma.

Kapyegèle 15:17

Koro ga pye wozanbèle í da Kàfɔw caa, n fàra syɛɛnfeleyi myɛ na yee mii yeri lè yi pye mii wóyi,› gee bee Kàfɔw joo, woro wee wi kérigèle bee kpéʔele lè,

Wɔrɔmi ye 8:23

Toro yagana si ban í, níì cán wolo bele fúnyo ni Pìicǎnni nyɛ lè yaseligi wozanri yɛ́ʔɛ na, wolo tiimaa wɔ́ɔ i cɛ́ɛn wolo fúnyi ni ni lǎli sige, lee ni Kolocɔlɔɔ a ba wolo kpéʔele foro lè wi pìibēle àmɛɛ wi a ba wolo céri syɔɔ lè.

1 Korɛnti ye 10:4

ní wɔ́ɔ̀ pínɛ n lònijangi gbaa, gee Kolocɔlɔɔ da kaan lè, níì cán Kolocɔlɔɔ maa kàdɛnɛgbɔʔɔ yaʔa a gi taʔa be na, gee ni pe da ni gbo lè. Kàdɛnɛgbɔɔgi bee si gi nyɛ Kirisi.

1 Korɛnti ye 10:9

Wolo a kɔ́ Kàfɔw pye wéle í àmɛɛ poro pèle gi kpéʔele lè í, á wàbiri be nɔngi n kpóo.

Làlwaw Kaanziin 28:10

Tári syɛɛnfeleye myɛ a gi nyaa bi cán Yawe mɛ́ɛgi i yiri mɔ na, yi a fyáa mɔ na.

Làlwaw Kaanziin 33:17

Náapeli li nyɛ lè wi pìiseliw, loro má nìjanri nyɛ. Wi nyɛ́ngèle i nyɛ senɔ́ɔ wòʔolo, gele ní wi syɛɛnfeleyi myɛ cínɛ lè fwɔɔ n sáà nan tári láʔagéle na. Poro be nyɛ Efirayimi selebingèle kagunɔ kagunɔbèlē saʔa. Poro be nyɛ Manase saala kagunɔ kagunɔbèle saʔa.»

2 Timɔte 4:18

Kàfɔw a ra mii syoo kapeeyi myɛ ma, si ní mii syɔɔ jàngó mii í jée wi nyɛ̀ʔɛni fànʔa ni. Woro na kpɔ́ʔɔri yɛlɛ làrigèle myɛ ni! Amiina!

Tiiti 2:14

Woro tiimaa wi wiyɛɛ gaan wolo kéeli na, koro ga pye bi wolo syɔɔ kakolobyeri myɛ ma, si wolo jée mùnu jàngó wolo í pye woro tiimaa syɛ̀ɛnnɛ, kapyejǎngèle láa si wɔ́ɔ pye wolo na wolo í kòro bàā ge kpéʔele.

Heburubèle 11:21

Tágali báriga ni Zyakɔbi da dùbaw kpéʔele Zyozɛfu jáabèle ma nibin nibin, be lè nǎnbèle, lǎli ni wi da nan bi kùu lè, níì kogo wi kàgbeeli na níì Kolocɔlɔɔ kpɔ̀ʔɔrɔ.

Zyozuwe 17:17

A Zyozuwe gi joo Zyozɛfu kpáagi wòolo ma, pe lè Efirayimi ye, ní Manase ye, níì jo: «Yele i nyɛ syɛɛnnɛʔɛmɛ, a yele fǎngi wɔ́ɔ̀ nɛʔɛ, yele lɛɛli ga yɛlɛ li pye nibin yagana í.