Sélimɛ 48:12 - Cebaara Bible 2010

¹² Lǎli bee ni a Zyozɛfu be láʔa wi tóow yégunyo na níì tìgi n too n yɛ́ɛgi cíbele tári na.

Sélimɛ 48:12 Iomraidhean Croise

Sélimɛ 18:2

Wi maa wi yɛ́ɛgi yìrige n wéle n nànbēle taanri nyaa wiyɛɛ daana woyérebéle ní. Lǎli ni si wi be nyaa lè, a wi yìri wi fànikpaagi kpaaweele na n fàn n sáà be fàra, níì tìgi n kpùmɔnɔ tári na.

Sélimɛ 19:1

A nyɛ̀ʔɛni tundunbéle siin sáà nan Sodɔmi na cângwɔɔgi nyɔ́ɔ na. Lɔti si maa pye wodɛ́ɛɔn ní Sodɔmi kpàánweeli na. A wi ga nyɛ̀ʔɛni tundunbéle nyaa, a wi fala n yìri bi sa be fàra, ní sáà too n wi yɛ́ɛgi cíbele tári na pe yɛʔɛ̀ ma.

Sélimɛ 23:7

A Abirahami fala n yìri níì too n cíbele tári bee syɛ̀ɛnnɛ yɛ́ʔɛ ma, gee bee n jo Hɛti yòdaʔayi yɛ́ʔɛ ma,

Sélimɛ 33:3

A woro tiimaa kíni yɛʔɛ̀ ma ni kpùmɔnɔ́ tári na n baa taa tɔlɔyɔ kɔrɔsiin, fwɔɔ n taa n sáà nùuni wi senyɛnw na.

Sélimɛ 42:6

Zyozɛfu si wi da tɛ́ɛn tári nyúngo na, woro wi da be pye pe i bilew pára tátɛɛyi syɛ̀ɛnnɛ myɛ ma. A wi yɛʔɛfɔbèle si pan n baa tìgi n too wi yɛʔɛ̀ ma n yɛ́ɛyi cíbele tári na.

Sélimɛ 48:11

A Isirayɛli gi joo Zyozɛfu ma níì wi pye: «Mii sɔ̀ngumɔ da níì pye gi na n jo mii a ní mɔ yɛ́ɛgi nyaa í. Wéle, Kolocɔlɔɔ si n caà gi yaʔa a mii mɔ yodaʔayi nyaa.»

Sélimɛ 48:13

Koro kàdoʔo ma a wi wi pìíbèle siin cò n pan, ní baa wi kàliige kɔ́gi taʔa Efirayimi na, n woro yaʔa Isirayɛli kàmɔnɔ ma, níì wi kàmɔnw taʔa Manase na, n woro yaʔa Isirayɛli kàliige ma. Ní níì be nùuni yaà wi na.

1 Fànʔafɔbèle 2:19

A Bati-Syeba kári fànʔafɔw Salomɔn ma bi sa joo ní wi ní Adoniya kéeli na. A fànʔafɔw yìri n sáà wi fàra níì tìgi n too wi yɛʔɛ̀ ma, ní baa tɛ́ɛn wi fàngoli na. A wi fàngolaa tɛ́ʔɛ fànʔafɔw nɔ́ɔ ma, a wi tɛ́ɛn wi kàliige ma.

2 Fànʔafɔbèle 4:37

A wi sáà wiyɛɛ do n cáan wi tɔ́lɔyi taana níì tìgi n sínɛ n cíbele tári na, níì wi pìíw láa n yiri.

Yirile 20:12

Da mɔ tóow ní mɔ nɔ́ɔw kpɔ̀ʔɔrɔ́, koro ga pye táree mii Yawe mɔ Kolocɔlɔw a kaan mɔ ma lè, mɔ siiw canya í nɛʔɛ di ni.

Yirile 34:8

A Mowizi fala n wi nyúngi jùngu kelekele n tìgi n too tári na n Yawe kpɔ̀ʔɔrɔ.

Kàseegèle 31:28

Wi pìíbèle i yìrigí ni dùba kpéʔele wi ma. Wi nǎnw i yìrigí ni wi sòoló ní i gi nyuu níì jo:

Levii ye sáriga-wòlori 19:3

Yele myɛ nibin nibin n yɛlɛ bàā yele nɔ́ɔbèle ní yele tóobèle kpɔ́ʔɔgi, sáā mii cândɛnɛyi yaari, mii wi nyɛ Yawe yele Kolocɔlɔw.

Levii ye sáriga-wòlori 19:32

Da yìrigí maa yèré ǹjoofiiri yɛ́ʔɛ ma, máā nànlɛɛɔ kpɔ́ʔɔgi. Da fɛ̀ɛgí mɔ Kolocɔlɔw na. Mii wi nyɛ Yawe.

Efɛzi ye 6:1

Pìíbèle, ki n yɛlɛ yele í da lúro yele seefɔbèle ma Kàfɔw ni, níì cán gee bee gi sín.