Sélimɛ 48:1 - Cebaara Bible 2010

¹ Kérigèle bee pyele kadoʔo ma, a gi baa joo Zyozɛfu ma níì jo: «Wéle, mɔ tóow i yaà ni yáa.» A wi wi jáabèle siin kɔ́ri n pínɛ ní wiyɛɛ ní, pe lè Manase ní Efirayimi.

Sélimɛ 48:1 Iomraidhean Croise

Sélimɛ 46:20

A Zyozɛfu si Manase ní Efirayimi see n wi yaʔa yaà Ezyipiti tári ni. Wi céw Asinati wi pye lè Ɔn kěgi sáriga-wòloo Poti-Fera pìíw, woro wi pìíbèle bee siin see wi ma.

Sélimɛ 48:2

A pe baa gi joo Zyakɔbi ma níì wi pye: «Wéle, mɔ jáaw Zyozɛfu i yaà ni maa naa mɔ ma.» A Isirayɛli fala n ŋàʔana n yìri n tɛ́ɛn wi yasinɛgi na.

Sélimɛ 48:5

Tɔ́ɔliw ni, nànbiigèle siin mɔ see naa Ezyipiti tári ni lè, sáni mii í pan naa mɔ ma lè, pìíbèle bee i nyɛ mii wòolo. Efirayimi ní Manase i nyɛ mii wòolo àmɛɛ Wurubɛn ní Simeyɔn nyɛ lè.

Sélimɛ 50:23

Zyozɛfu n Efirayimi pìíbèle pìinyanbiiye pìibēle nyaa. Manase pìíw wi lè Makiiri, a woro pìíbèle wɔ́ɔ baa see wi nyɛnɛ na.

2 Fànʔafɔbèle 13:14

Lǎli ni Elize yaaguumi wi cò lè, a Isirayɛli ye fànʔafɔw Zyowasi tìgi yaà wi ma n sáà wi yɛ́ɛgi sɔʔɔ wi wógi ni ní i nyaan níì jo: «Mii tóow! Mii tóow! Isirayɛli wòtorow ní wi syɔ́ɔnyi kapɛɛnkpumɔnbéle taaniga.»

2 Fànʔafɔbèle 13:20

A Elize kùu, a be wi tɔ́n. Ki si maa pye yɛ́ɛli ga màʔa n kpàra, Mowabi ye kabiyaa n baa jée tári ni ni yáriri koli.

Zyɔbi 42:16

Koro kàdoʔo ma a Zyɔbi níì taa yɛ̀ʔɛlɛ togoye kɔrɔsiin. Wi n wi pìíbèle ní wi pìíbèle pìibēle nyaa n baa nan yìrigēle sicɛrɛ wóli na.

Ŋúnuyi 128:6

Mɔ a tɔ̀nɔ́ mɔ piibèle pìibēle nyaa. Ki n yɛlɛ yɛɛ̀nyingi í pye Isirayɛli ma!

Zyan 11:3

A wi yɛʔɛfɔbèle siin tun Zyezu ma, níì jo pe sa wi pye: «Kàfɔw, mɔ taannyɛnw i naa ni yáa.»

Heburubèle 11:21

Tágali báriga ni Zyakɔbi da dùbaw kpéʔele Zyozɛfu jáabèle ma nibin nibin, be lè nǎnbèle, lǎli ni wi da nan bi kùu lè, níì kogo wi kàgbeeli na níì Kolocɔlɔɔ kpɔ̀ʔɔrɔ.

Zyozuwe 14:4

Zyozɛfu jáabèle maa pye syɛɛnfeleye siin, poro be nyɛ Manase ní Efirayimi, pe si da lɛɛlɛ kaan Levii ye ma tári ni í, fwɔɔ kèyaa, a be tɛ́ɛn yoro ni, ní tári di yi màʔa lè, toro í pye pe yaweenaʔa-tɛ́ɛyi, ní be kɔlɔ̀ yáriri wozanra tɛɛkòrogo.