Sélimɛ 47:9 - Cebaara Bible 2010

⁹ A Zyakɔbi Faraɔnw yari: «Mii sìíw yɛ̀ʔɛlɛ nyɔ́ɔ i nyɛ togoye kɔrɔni ní kpɔrigɔ n mii yaʔa tɛ́ɛn-mí-màʔaw na. Mii sìíw yɛ̀ʔɛlɛ ga nɛʔɛ í, ke si n tɔ̀nɔ n pye wɔʔɔgɔ yɛ́ɛgéle mii ma. Ke ga nɛʔɛ n mii tóolɛɛbèle wòʔolo kwɔ́ɔ í, poro bele pe da wɔ́ɔ ni tɛ̀ɛ́n ni máari lè.»

Sélimɛ 47:9 Iomraidhean Croise

Sélimɛ 11:11

Aripakisyadi seeli kàdoʔo ma, a Sɛmi níì yɛ̀ʔɛlɛ saala siin ní dabata taa. Wi si maa níì nànbiigèle kèle see n fàra calipiigèlē na.

Sélimɛ 35:28

Izaaki maa taa yɛ̀ʔɛlɛ togoye kpanjɛrɛ.

Sélimɛ 47:28

A Zyakɔbi taa yɛ̀ʔɛlɛ kɛɛ ní kɔrɔsiin Ezyipiti tári ni. A Zyakɔbi sìíw yɛ̀ʔɛlɛ myɛ nyɔ́ɔ pye togoye kɔrɔsiin ní kɔrɔsiin.

Sélimɛ 47:8

A Faraɔnw Zyakɔbi yíbe níì jo: «Jòorí mɔ sìíw yɛ̀ʔɛlɛ nyɔ́ɔ nyɛ?»

Sélimɛ 5:27

Matusalɛmi sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔtaanri ní kpanjɛrɛ, á wi kùu.

Sélimɛ 50:26

A Zyozɛfu ga taa yɛ̀ʔɛlɛ dabata ní kpɔrigɔ, a wi kùu. A be wi kúceri sámaga ní nùndaanni yáriga ní, níì wi le kútɔn-kásu ni yaà Ezyipiti ni.

1 Cányi kèlē 29:15

Wolo i nyɛ mɔ yɛ́ʔɛ ma nibɔɔnnɔ, ní nibɔndɛ́ɛnbéle àmɛɛ wolo tofɔlɛɛyi myɛ da pye lè. Cányee wolo kwóo naa tári na lè, yi i nyɛ àmɛɛ kànyinnɛ nyɛ lè, sɔ̀ngumɔ tɛɛtaʔaga o nyɛ yi na í.

Zyɔbi 14:1

«Syɔ́ɔnwee cɔlɔɔ see lè, wi sìíw n kpere, níì nyìn wɔʔɔgi na.

Ŋúnuyi 119:19

Mii i nyɛ nibɔɔn tári na, mɔ a kɔ́ mɔ kajoodɛɛngèle làriga mii na í.

Ŋúnuyi 119:54

Mɔ lalwaw kèlē ge nyɛ mii ŋúnuyi nyúngo, n mii yaʔa kpáagi ni, gee ni mii nyɛ lè nibɔɔn.

Ŋúnuyi 39:12

Mɔ i wɔʔɔlɔ téeri ni syɔɔn kóro wi kolomi kéele na, kánmee na fyɛnʔɛ yasanra líi ni kálagi lè, kánmi bee na mɔ wi fúngi yanidaanmaga kálagi. Kányɛʔɛ na syɔɔn o syɔɔn i nyɛ nyɔɔ káfalaga. Ŋɔ́ndaala

Ŋúnuyi 39:13

Yawe, ki n yɛlɛ mi mii nyɛ́ɛrigi lóʔo, mɔ líiyi cáan mi mii sùpili lóʔo! Ki ga yɛlɛ mɔ í líiweegèle tɔ́n mii nyɛnimi na í! Níì cán mii i nyɛ nibɔɔn mɔ tɛ́ɛgi ni, mii i nyɛ nibɔndɛ́ɛɔn àmɛɛ mii tóolɛɛbèle myɛ da pye lè.

Ŋúnuyi 39:5

«Ee Yawe, mii kwɔ́ɔganmi tɛ̀ɛn mii na, ní cányee kánma mii a kwɔ́ɔ sìi na lè. Mii a mii báriga-fǔnmi kéele cán.

Yirile 6:4

A mii wɔ́ɔ̀ mii joogaanni kpéʔele ní be ní níì jo mii a Kanaan tári kaan be ma, tári bee ni be pye lè wodɛ́ɛnbéle ní, beè be pye lè nibɔndɛ́ɛnbéle.

Yirile 7:7

Lǎli ni pe sáà joo ní Faraɔnw ní lè, Mowizi maa taa yɛ̀ʔɛlɛ togoye sicɛrɛ, á Aarɔn taa togoye sicɛrɛ ní taanri.

2 Korɛnti ye 5:6

Gee bee na wolo nìrimɛ le làrigèle myɛ ni níì gi cán, bi wolo yaʔa céri naa ni wolo n léeli Kàfɔw tɛɛkòrogo na.

Làlwaw Kaanziin 34:7

Mowizi maa taa yɛ̀ʔɛlɛ togoye kɔrɔni lǎli ni wi kùu lè, wi nyapiigèle fànʔa da kwɔ́ɔ í, yafyɛn ga wɔ́ɔ̀ yiri wi céri fànʔa ni í.

Heburubèle 13:14

Níì cán kàʔa o nyɛ naa nɛɛ wolo ma tári na gee ki a kòro beè lè làla o làla í, kàjáa gee gi maa lè, koro wolo caa.

Zyaki 4:14

Bi gi taa kéelee li a ba pye lè nyɛ̀ʔɛna, yele ga lee bee cán í! Jòorí yele sìíw kánma tɔ̀ʔɔ́ nyɛ? Yele i nyɛ àmɛɛ nìgolowirige nyɛ lè, gee gi gáà tɔ́n lè làla cɛɛri ni, koro kàdoʔo ma ki n cariga.

Zyozuwe 24:29

Kérigèle bee pyele kadoʔo ma, Nun jáaw Zyozuwe wi pye lè Yawe falipyew, a wi kùu. Wi maa taa yɛ̀ʔɛlɛ dabata ní kpɔrigɔ.

1 Pyɛri 2:11

Mii syɛɛn-nidaanmabèle, àmɛɛ yele nyɛ lè kùsɛɛbéle ní nibɔɔnnɔ, mii i yele nyɛ́ɛri níì jo yele í da còʔoró céri ki laànitaʔa kele na ge kapɛɛnni kpúmɔn ní syɔɔn pǐli ní lè.